Yer. 34:7 - Ebaibul

⁷ apaki ŋina etijioto ŋasigarya a Babilon ŋituŋa a Yerusalem ka ŋitaunio a Yudaya daadaŋ ŋulu edoŋito, Lakis ka Aseka, anerae ŋitaunio ŋul bon alo Yudaya edoŋito aŋuna adukitere ŋaduketa ŋunajiet.

Yer. 34:7 Iomraidhean Croise

2 Ŋirw. 14:19

Apotu ŋituŋa a Yerusalem totukut akiar Amasia. Nai abu iŋes tosi, tolot lotaun Lakis. Nai apotu ŋimoe keŋ kiwuapasi iŋes inaa, toara.

2 Ŋirw. 19:8

Abu ekapolokiniton ejie a ŋasigarya ka Asiriya kiira atemar arotoki erwosit ka Asiriya alo Lakis akitijiore ŋituŋa ŋulu ke etaun a Libina a ŋolo edunyasi ka Lakis, aŋun, abu iŋes tolot Libina aanyun erwosit.

2 Ŋakiro a ŋirwa 27:4

Abu iŋes toduk ŋitaunio nakwap ŋina a ŋikamukumukui ŋina a Yudaya, toduk daŋ ŋaduketa ŋunajiet ka ŋuna aoyak lokamukumukui ŋulu ayakasi ŋamon.

Isa. 36:2

Abu erwosit ka Asiriya kiyakiya alo Lakis ekapolon a ŋasigarya keŋ ka ŋasigarya ŋuna alalak neni a erwosit Esekia a ŋolo a Yerusalem. Abu ekapolon ŋol tolot towo alodiyete akitelosit a abwal a ŋina alokidiama, alorot a ŋolo elosere neni adonyere ŋilowi.

Yer. 11:12

Elosete nai ŋituŋa ŋulu iboiyete alotaunio a Yudaya ka ŋulu iboiyete alo Yerusalem neni a ŋakujo a ŋuna einanarete ikes ŋainanakineta, nai nyeiunete ŋakujo ŋun ikes apaki ŋina eyakatar ikes locan,

Yer. 34:1

Erae nu ŋakiro ŋuna abu Ekapolon kirwor neni a Yeremia apaki ŋina etijio erwosit Nebukadinesar ŋolo a Babilon kaapei ka ŋasigarya keŋ daadaŋ ka ŋituŋa a ŋakwapin a daadaŋ a ŋuna epukat iŋes ŋituŋa a Yerusalem ka ŋituŋa a ŋitaunio a Yerusalem daadaŋ.

Yer. 4:5

Tolimosi alo Yudaya ka kiserautu alo Yerusalem ebe, “Tokutakisi amomwara a emesek anakwap a daadaŋ, kiworoutu ke ecelet a ŋolo apolon ibasi, ‘Ocunakinos iwapei, oloto lotaunio ŋulu eya ŋaduketa ŋunajiet!’

Yer. 8:14

“Iŋitasi ŋituŋa ŋulu ka Akuj ebasi, ‘Kaanukiro erubakinitere iwon iboiyo? Ocunakinos kaapei oloto lotaunio ŋulu eyakasi ŋaduketa ŋunajiet otwanikisi nen; anerae atubu Ekapolon Akuj yok atemar ikimunyar iwon ka ikiinak iwon akimat ŋakipi ŋuna ikiŋalakinitere, anerae ikidau iwon akisec aneni ke Ekapolon.

Mika 1:13

Iyes ŋulu iboiyete alo Lakis, toenikisi ŋagaari naŋolei, anerae iyes ipotu kisyakis akisec, kiteseca Yerusalem. Iyes ŋituŋa a Lakis apotu kiteseca Ŋisirael.

Ŋikis. 28:52

Ikirikaunete ikes iyes alotaunio kus a daadaŋ akitodol ŋina eritakiniata kwap anakwap kus a daadaŋ ŋarwatatain ŋuna aoyak ŋuna ewuatere ŋitaunio kus ka ŋaduketa ŋunajiet ŋuna eya nen ŋuna sek ikinyomito iyes. Ikirikaunete ikes iyes anakwap kus a daadaŋ a ŋina ikiinak Ekapolon Akuj kus iyes.

Yos. 10:3

Tosodi Adonisedek kiyakiya ŋituŋa neni a ŋirwosi a ŋikan atemar potu toiata iŋes. Ŋirwosi ŋul ikes lu: Oam ŋolo a Eburon, Piram ŋolo a Yarimus, Yapia ŋolo a Lakis ka Debir ŋolo a Egilon.

Yos. 10:5

Apotu nai ŋirwosi ŋulukan ŋulu a Ŋiamori tocunakis ŋajorei kec. Arae ŋirwosi ŋul lu: Erwosit a Yerusalem, erwosit a Eburon, erwosit a Yarimus ka erwosit a Lakis ta erwosit a Egilon. Torukosi ikes ka ŋajorei kec, kirikaut Gibeon kitijioto.

Yos. 12:11

erwosit ŋolo a Yarimus, erwosit ŋolo a Lakis,

Yos. 15:35

Yarimus, Adulam, Soko, Aseka,

Yos. 15:39

Lakis, Bosikas, Egilon.