Yer. 34:16 - Ebaibul

¹⁶ Nai ipotu iyes kilocokis ŋatameta kus tojamuwasi ekiro kaŋ apaki ŋina inyakaryata iyes ŋipi, kori ŋapi kus ŋituŋa ŋulu sek ipotu iyes tolacakis ikwapei eitanitotor ikes, ipotu iyes kituruwosi ikes nabo ŋiketiyak kus.

Yer. 34:16 Iomraidhean Croise

Awos. 20:7

“Nyisitiyaete ekiro ke Ekapolon Akuj kus analyokonu, anerae nyeesikini Akuj akisican ituŋanan ŋini isitiyae ekiro keŋ analyokonu.

Yer. 34:11

Nai ekaku apotu ŋituŋa kilocokis ŋatameta kec, kinyakanasi ŋipi ka ŋapi kec, toreikis ikes akitiya erae ŋapi, kori ŋipi kec nabo.

Esek. 13:22

Aŋuna abunio alyokonu kus kiwuak ajamao lotuŋa ŋulu sek ajokak, tari daŋ pa esicanit ayoŋ ikes ka aŋuna iponiata iyes kisimukekis ŋulu aronok arubakin itiyaete aronis akilo aiun akiyar kec;

Esek. 18:24

Nai ani kimyek ŋini iyookino akitiya ŋuna ka akiyookino, kitiya aronis ka asiilyo ŋinapei itiyaete ŋulu aronok, epedori nai kire iŋes akiyar a? Mam apei daŋ alotooma ŋakiro ŋuna ka akiyookino ŋuna etiyat iŋes ŋuna iteyarere iŋes. Eruwor ituŋanan ŋin ŋini iilit aŋuna adaunor anupit aneni keŋ, ido aŋuna ka asecit aŋina etiya iŋes, emaikina iŋes totwan.

Esek. 20:39

“Okoe Ŋisirael, ŋakiro ŋuna irworo Ekapolon Akuj aŋuna kus ikes nu, ‘Apesi kitiyanakisi ŋakujo kus, iyes ŋulu iya ne tokona ka ŋulu epote momit, erae pa kiwuapa ŋakiro kaŋ, nai, nyirubakinete iyes ijamuwarito ekiro kaŋ ŋolo asegan alotooma ayenen ŋainakineta kus neni a ŋakujo.

Esek. 3:20

Ŋace nu, ani keesikis ŋituŋa ŋulu iyookino akiyookino kec, ido kitiyata ŋuna aronok, ido ewuak ayoŋ ibore ŋini itukuruwori ikes akitiya ŋuna aronok, etwakete ŋituŋa ŋul, anerae nyelimokina iyoŋ ikes aesikin akitiya ŋuna aronok, etwakete ikes aŋuna ka asecit kec, nyetamunio nabo jik ŋuna ka akiyookino a ŋina sek etiyato ikes, nai emarakini ayoŋ atwanare kec nakou kon.

Esek. 39:7

“Etaanyuni ayoŋ ŋituŋa kaŋ Ŋisirael ekiro kaŋ ŋolo asegan; nyacamuni nabo ayoŋ tojamuwarae ekiro kaŋ ŋolo asegan, eyenunete ŋituŋa a ŋakwapin atemar arae ayoŋ Ekapolon, Akuj ŋina asegan ŋina ayai Isirael.

Ŋilep. 19:12

Nyikoŋo alokiro kaŋ akidiŋ, ido a nen kiyenya ekiro ka Akuj kus. Arae ayoŋ Ekapolon.

Mal. 1:12

Nai iyanyete iyes ekiro kaŋ apaki ŋina irworotor atemar erae Namuroet ke Ekapolon acaryoit ka apaki ŋina iyauniata iyes nen ŋamuja ŋuna ijamuwarito iyes.

Mal. 1:7

Epite lo iŋes ikijamuwaryata iyes ayoŋ, iyaununete iyes ŋamuja ŋuna nyejokak Namuroet kaŋ, ido ibasi iŋitasi, ‘Alipite ikimyekinia isua akerit iyoŋ?’ Akalimokini, nyikikerito iyes ayoŋ alopite a ŋolo itamyata iyes atemar mam aronis tari pa kekeritae Namuroet ŋina ke Ekapolon.

1 Sam. 15:11

“Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.