Yer. 33:6 - Ebaibul

⁶ Kikote neni daŋ, enyakakini ayoŋ ajokis ka a ŋaleu lotuŋa a etaun a lo, etojokuni ayoŋ ikes, esileerek ikes abaru ŋina alalan ka akiboi ejok.

Yer. 33:6 Iomraidhean Croise

Ŋikiru. 147:3

Isimukekini ŋulu amamukaun amukeo alotai kec, imaduni ŋulu ewanan.

Ŋikiru. 37:11

Nai eruwor akwap ŋina a ŋulu iapara ka eryamunete ikes ebari ka eyakaunosi lokisil.

Ŋikiru. 67:2

ikotere eyenunio acamit kon anakwap, toyenut ŋituŋa daadaŋ apedor ŋina iunitor iyoŋ ikes.

Ŋikiru. 72:7

Elipi tolalaar akiyookino alorwa a ŋulu ipukator iŋes, elipi torubak ekisil ŋirwa daadaŋ ŋulu ipukator iŋes.

Awos. 34:6

Kitor Ekapolon kiŋaren a Moses iserae ekiro keŋ ebala, “Ekapolon, Ekapolon, Akuj ŋina esyonion ka ŋina ajokan nooi, ŋina nyepatana akiŋo, Akuj ŋina eyakar amina ŋina nyiryaŋiryaŋa ka akikinyoma ŋina apolon nooi,

Ekal. 3:3

eyai apaki ŋinaaret ka eyai apaki ŋina kitaŋaleet; eyai apaki ŋina etiyaarere ibore min kwap ka eyai apaki ŋina edukokinere;

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 30:26

Akoloŋit ŋina imadya Ekapolon neni ewanan alotuŋa keŋ ka ŋina itaŋaleunio Ekapolon ŋajemei ŋuna abu iŋes kiteryamu ŋituŋa keŋ, ecauni elap ikwa akoloŋ ekwaŋiar akica a akoloŋ akilo tari ŋarwa ŋakanikaarei, ikwaanikin akica ŋin bon ka ŋina a ŋirwa a ŋikanikaarei.

Isa. 39:8

Tolimok nai Esekia Isaya tema, “Ejok akirot a Ekapolon ŋina ilimu iyoŋ.” Atamatamae Esekia ikona, “Abe ejok bo erae ca keyakaun ekisil, akinapakina alorwa a ŋulu ayarya ayoŋ.”

Isa. 54:13

Itatami Ekapolon ŋituŋa kon daadaŋ ka ebarete ŋituŋa kon nooi.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Isa. 57:18

Eŋolik ayoŋ ŋuna ewuapito ikes, nai etaŋaleuni ayoŋ ikes. Ariki ayoŋ ikes enyakak neni kec akiboi ka alakara, ainakini ŋulu igworosi aŋuna kec toeoto.

Isa. 57:19

Eyakaun ekisil neni a ŋulu eapiyete ka ŋulu elwaka, etaŋaleuni ayoŋ ikes.

Isa. 58:8

Kitiyata iyes ŋun, ijokyata iyes ikwa akoloŋ elomuni taparacu ka ikitaŋaleunio iyes atipei, ido ikiŋarenikini iyes akiyookino kus, ikiyoki apolou a Ekapolon iyes alokaku.

Isa. 66:12

Irworo Ekapolon ebala, “Ainakini ayoŋ Yerusalem ebari kikwaanikin ka ŋakipi anaŋolol. Ainakini ayoŋ iŋes ebari a ŋakwapin kikwaanikin ka ayonae ŋina elele kilap, ikidari ka ikidaki iŋes iyes ka ikikanikani ikiuryarit ejok.

Yer. 17:14

Okoe Ekapolon, kitaŋaleunoe, ido aŋaleuni ayoŋ, toiunae ayoŋ, ido aiun ayoŋ; anerae irae iyoŋ akipuro kaŋ.

Yer. 29:11

Kire jik, ayeni ayoŋ ŋakiro ŋuna ayeunit aŋuna kus, ŋayeuniata ŋuna ka ajokis kus, meere ŋuna ka akiwan iyes, akainakini ayoŋ iyes akigeno ŋina ka akiyar a ŋina arwanu.

Yer. 3:22

Toboŋutu iyes ŋituŋa ŋulu emam akikinyoma, eketojokuni ayoŋ iyes anakiro aŋuna iponiata ikiŋeryoto ayoŋ. “Irworosi iyes ibasi, ‘Isua lu ikiboŋu neni kon, anerae irae iyoŋ Ekapolon Akuj kosi.

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Osea 7:1

Apaki daadaŋ ŋina etaŋaleunio ayoŋ ŋituŋa a Isirael, ileereununui aronis a Epuraim ka ileereununete ŋiticisyo ŋulu aronok ŋulu itiyaete ŋituŋa a Samaria, anerae itiyaete ikes ŋuna ka amodiyo, ebwaŋabwaŋaete ŋikokolak ŋakais, edemanarete ŋikademak ŋituŋa ŋiboro alorotin.

Mika 4:3

Etubi Akuj ŋiburasinei a ŋakwapin, etubi iŋes ŋiburasinei a ŋakwapin a ŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Mika 7:20

Itoodikini iyoŋ ŋituŋa kon akikinyoma kon ka amina kon ŋina nyiryaŋiryaŋa, itoodikini iyoŋ ŋun neni a ŋipapae ka Aburaam ka Yakob, lopite ŋolo ibunio iyoŋ koloŋ sek kiikinia atapapaa kosi.

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

Yoa. 10:10

Elomuni ekokolan akoko bon, akiar ka akinyasun ŋamesekin; nai abunit ayoŋ ainakin ikes akiyar, akiyar ŋina ka akileile.

Ŋiep. 6:23

Toyai neni a ŋikaitotoi a daadaŋ alotooma Kristo ekisil ka amina ta anupit aneni ka Akuj Papa ka aneni ke Ekapolon Yesu Kristo.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,