Yer. 33:18 - Ebaibul

¹⁸ nyicanakinosi ŋisacaradotin ŋulu a ekabila a Lepi ituŋanan ŋini ewoi alokiŋaren kaŋ ainakin ŋainakineta ŋuna epeyo, ŋainakineta ŋuna a ŋikinyom ka ainanakin ŋamuronisya ŋirwa daadaŋ.”

Yer. 33:18 Iomraidhean Croise

Esir 3:5

Ekaku, inakis ŋainakineta nu ŋuna sek einanakinio: Ŋainakineta ŋuna epeyo, ŋainakineta ŋuna ke elap a ŋolokitete, ŋainakineta ŋuna sek einanakinio alorwa a ŋulu a ŋasuban a ŋuna ke Ekapolon ka ŋainakineta a ŋinituŋanan a ŋini einakini ainakinet keŋ anacamit keŋ neni ke Ekapolon.

Isa. 56:7

ayaari ayoŋ ikes lomoru kaŋ ŋolo asegan, oinak ikes alakara alokai kaŋ a ŋinakilipet. Ecamunio ŋainakineta kec ŋuna epeyo ka ŋamuronisya kec anamuroet kaŋ, anerae enyarao Akai kaŋ Akai ŋina ilipyata ŋituŋa daadaŋ.”

Isa. 61:6

Nai ikinyarao iyes ŋisacaradotin a Ekapolon ikinyarao iyes ŋiketiyanakinak Akuj yok. Ileileete iyes ebari a ŋakwapin, iturokinosi iyes aŋuna a ebari kec.

Yer. 33:19

Kirwor Ekapolon neni a Yeremia tema,

Yer. 33:22

Ikwaŋina nyepedorotor ŋiboorei ŋulu alokidiama akimarun ka nyepedorere asinyon ŋina ka anam akipimun neni etya, ikwaŋinapei etalalauni ayoŋ ŋiletok a eketiyan kaŋ a Daudi ka ŋilepi ŋulu eketiyanakinete ayoŋ.”

Yer. 35:19

aŋuna a ŋakiro a ŋun, Alimu Ekapolon ŋolo a ŋajoresyo, Akuj a Ŋisirael atemar nyeŋopikini Yonadab lokoku a Rekab eletonit ŋolo itiyae neni kaŋ ŋikaru ka ŋikaru.’ ”

Esek. 44:15

“Nai ŋisacaradotin ŋulu alokabila a Lepi torae ŋiletok a Sadok, ŋulu apotu anakikinyomit ayoŋ kitiyata ŋiticisyo ŋulu ka akibois a ŋina asegan apaki ŋina a ŋeryoto Ŋisirael akiwuap ayoŋ, ikes emaikina toapuut neni kaŋ kitiyata etic kaŋ alokiŋaren kaŋ. Emaikina ikes towua alokiŋaren kaŋ, okoinakis ayoŋ ŋasepwa ka ŋaokot a ŋainakineta.

Esek. 45:5

Emaikina atutubet ŋinace erae ŋina a ŋilepi a ŋulu itiyaete etic alo Kai ka Akuj. Emaikina todukoe ŋitaunio ŋulu iboiyoto ikes nen.

Ekim. 3:5

Abu nai Ekapolon kirwor neni a Moses tema,

Ŋirom. 1:21

Eyenete ikes Akuj, nai nyitopoloorito ikes iŋes ikwa Akuj, kori nyitalakarito. Nai aruworosi ŋatameta kec ŋakoŋinae ka elelebikin akiryonut nakyes kec ŋuna ebaŋaaka.

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

Ŋikis. 18:1

Nyeryamunete ŋisacaradotin ŋulu erae ŋilepi ŋulu arae ŋituŋa a Lepi daadaŋ akwap ŋina eruwor ŋina kec anakwap a Ŋisirael. Epedorete ikes akinyam ŋamuronisya ka ŋainakineta ŋuna etyakakinitae Ekapolon,

Ŋikis. 24:8

Tocoito nyielun nen kus edeke ŋolo ka amuny ka akuwan. Emaikina iyes kiwuapa daadaŋ ŋuna ikilimokinete iyes ŋisacaradotin ŋulu erae ŋilepi, lopite ŋolo ecikitor ayoŋ ikes.

Yos. 3:3

Kicika ikes ŋituŋa temasi, “Ani iŋolikinete iyes Asaduku ŋina ka Acamunet a ŋina a Ekapolon kus edakito ŋisacaradotin a ekabila a Lepi, itemokino iyes tonyout kiwuapakis,

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 1:6

Ikituruwo iŋes iwon apukan ŋina a ŋisacaradotin a ŋulu itiyaete neni ka Akuj a Papa keŋ. Toyai apolou ka apedor neni a Yesu Kristo ŋikaru ka ŋikaru! Amen.

Akis. 5:10

Ituruwo iyoŋ ikes apukan a ŋisacaradotin ŋulu ka Akuj yok, ipukaete ikes akwap.”