Yer. 33:12 - Ebaibul

¹² “Alimu Ekapolon ŋolo a ŋajoresyo atemar, eyakaun nakibois na ŋina tokona erae ereŋorot, ŋina emam ŋituŋa ka ŋityaŋ eyakasi ka lotaunio keŋ daadaŋ neni iyokiyoto ŋikeyokok ŋamesekin kec.

Yer. 33:12 Iomraidhean Croise

Eete a Ŋie. 1:7

Iyoŋ ŋolominat kaŋ, tolimokinae ayoŋ neni imyaari iyoŋ ŋamesekin kon adak ka neni itowoeya iyoŋ ikes kidiŋ apaaran emwanuni akoloŋ. Kaanukiro emaikina ayoŋ olot akiwarit iyoŋ losipanin a ŋamesekin a ŋikonei kon?

Isa. 65:10

Eruwor Saron neni edakasi ŋamesekin ka eruwor akadipaalat ka Acor neni euryaketa ŋisipanin a ŋaatuk, anerae apotu ŋituŋa kaŋ ekewara ayoŋ.

Yer. 17:26

Epote nai ŋituŋa alotaunio a Yudaya ka anakiboisyo a ŋuna eya diyete Yerusalem, anakwap a Benjamin, alo Sepela, anakwap a ŋina a ŋikamukumukui ka alo Negeb, eyaunito Kai a Ekapolon ŋainakineta ŋuna epeyo, ŋamuronisya, ŋainakineta ŋuna a ŋikinyom ka ekinyate ka ŋainakineta ŋuna ka alakara.

Yer. 31:12

Epote ikes toeikis ecelasi alokidiama Sion, elelyanete ikes aŋuna a ŋarereŋisyo aŋuna iterereŋio Ekapolon ikes, elelyanete ikes aŋuna a ŋainakineta aŋuna a ŋikinyom, a epiini ka akimyet ŋina a ŋikito a Olipa, eryamunete ikes ŋainakineta ŋuna a ŋikaalei a ŋamesekin ka ŋitak a ŋaatuk. Ikwaanikinosi ikes ka emanikor ŋolo elelekinito ŋakipi nyepalagageta ikes nabo jik.

Yer. 31:24

Iboikinosi ŋituŋa a Yudaya lotaunio a Yudaya daadaŋ, eyakaunosi nen ŋiketak ka ŋikeyokok ŋulu irimito ka ŋamesekin kec.

Yer. 32:15

anerae alimu Ekapolon ŋolo a ŋajoresyo, Akuj a Ŋisirael atemar egyelyo moi nabo anakwap a na ŋakais, ŋimanikorin ŋulu a ŋikinyom ka ŋimanikorin ŋulu edupitae ŋikito a epiini.’ ”

Yer. 36:29

Kirwor nu aŋuna ke erwosit Yeoiakim a ŋolo a Yudaya: Alimu Ekapolon atemar, idau iyoŋ akiŋer ŋakiro kaŋ ka icunya ŋakiro ŋun, ido ibu iyoŋ tema, ‘Kaanukiro igirya iyoŋ atemar kire jik ebuni erwosit a Babilon akinyasun akwap na ka emunyari ŋituŋa ka ŋityaŋ anakwap a na?’

Yer. 50:6

“Apotu ŋituŋa kaŋ towoliyosi ikwa ŋamesekin ŋuna eoliyorito, etooliyosi ŋikeyokok kec ikes, ayaasi ikes kidiama ŋimoru, aloseneneete ikes alomoru tari lokamukumukui, emuryak ikes neni sek eperete.

Yer. 51:62

itema, ‘Okoe Ekapolon, ibu iyoŋ elope tolimu atemar inyasuni akibois na, ikotere nyeyar ŋituŋa, kori ŋityaŋ anakibois a na ka ikotere eruwor iŋes ereŋorot ŋikaru ka ŋikaru.’

Esek. 36:35

Etemarete ikes ebe, ‘Ekwaanikin akwap na ŋina abu toruwor ekasile ka emanikor ŋolo a Eden, ido eboikinosi tokona ŋituŋa nakiboisyo ŋuna sek apotu toruwor ŋakoŋinae ka ŋuna asilok, aduki nabo ejok nooi ŋitaunio ŋulu aponi tomunaarae.’

Agai 1:4

“Erae mono na apaki kus ŋina iboiyoto iyes anakais a ŋuna edukuk ejok tari kidiama, kiboiye Akai na eritakina a?”