Yer. 32:5 - Ebaibul

⁵ erikori erwosit a Babilon Sedekia Babilon, erubakini iŋes iboi a ina tari ŋina atamunia ayoŋ iŋes, tari kitiji iyoŋ Ŋibabiloniyae, nyilouni iyoŋ ikes.’ ”

Yer. 32:5 Iomraidhean Croise

2 Ŋakiro a ŋirwa 13:12

Ikirukit isua ka Akuj; iŋes erae ekarikon kosi, eyakatar ŋisacaradotin keŋ ŋarupepe ŋuna ekutakinio anyaraunia ŋituŋa potu akitijiore iyes. Okoe iyes Ŋisirael, nyitijiyoto Ekapolon Akuj atapapaa kus, anerae nyilounete iyes.”

2 Ŋakiro a ŋirwa 24:20

Abu nai etau ŋolo ka Akuj min neni a Sakariya alokoku a esacaradoti a Yeoiyada. Abu Sakaryia towo aneni amukur torou ŋituŋa, ido tema, “Ŋakiro ŋuna irworo Akuj ikes nu, ‘Kaanukiro iŋeryoto iyes akiwuap Ŋakiciketa a Ekapolon, ido iyaut ŋican nawat kus? Aŋuna iŋeryoto iyes Ekapolon, iŋes daŋ ikiŋer iyes.’ ”

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Yer. 2:37

Ipote iyes aina daŋ iwokito ŋakan, anerae aŋer Ekapolon ŋituŋa ŋulu ikinyomito iyes, ido nyibarete iyes aneni kec.”

Yer. 27:22

Eyaaryo ŋiboro ŋul Babilon, ido erubakinete eya nen, akitodol akoloŋit ŋina atamunia ayoŋ ikes. Enyakuni nai ayoŋ ikes enyakak ikes nakibois na.”

Yer. 32:24

Kiŋolik, ŋakititisyo ŋuna edukunitoe kidiama, ŋuna irikaunitere etaun ecamitae akikamar. Kiŋolik etaun neni ikoni, aapiki ŋituŋa a etaun ejie, akoro ka edeke, aapuu etaun akipotokin napedor a Ŋibabiloniyae a ŋulu itijiete iŋes. Eyookin ŋakiro ŋuna ibu iyoŋ tolimu lopite ŋolo iteo iyoŋ alope.

Yer. 32:6

Tolimu Yeremia tema, “Abu Ekapolon okolimok ayoŋ ebe,

Yer. 33:5

Epote ikes akitijiore Ŋibabiloniyae ka akilelebikin ŋakis ŋun ŋituŋa ŋulu aari ayoŋ anaŋoit kaŋ ka ananyunyura kaŋ. Ewua ayoŋ ereet kaŋ aneni a ŋituŋa a etaun a lo aŋuna a ŋiticisyo a daadaŋ a ŋulu aronok a ŋulu itiyaete ikes.

Yer. 37:10

Tari kilout iyes ŋasigarya a Ŋibabiloniyae daadaŋ ŋuna ikitijiete iyes, ido kidoŋo alotooma kec ŋikilyok ŋulu ewanitae loeemae kec, epedorete ŋikilyok ŋul anyoun kicunyakis etaun lo a akim.”

Yer. 39:4

Ani iŋolikinete erwosit Sedekia ŋolo a Yudaya ka ŋasigarya a Yudaya daadaŋ ŋikapolok a erwosit a Babilon, apotu toema nakwaare alotaun, kitoro ikes lopuke ŋolo apedokinitoe kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.

Yer. 39:5

Nai apotu ŋasigarya a Ŋibabiloniyae kiwuapakis ikes, ido toditasi Sedekia anadipoe a Yeriko. Kedaut akikamun Sedekia, kitipeunioto iŋes neni a erwosit Nebukadinesar a ŋolo a Babilon alo Ribila anakwap a ŋina ka Amas. Abu nai erwosit totubok Sedekia a nen.

Yer. 39:7

Togoro erwosit a Babilon ŋakonyen a Sedekia, ido toenae iŋes a ŋiriko yaarae Babilon.

Aum. 1:14

“Abu Ekapolon kiŋolik ŋasecisya kosi daadaŋ, tocunak ŋasecisya ŋun daadaŋ iwapei, kituruwo egogos aneni kosi, apotu ŋasecisya ŋun ikinuwasi isua. Abu Ekapolon ikipotok isua napedor a ŋimoe kosi a ŋulu pa ikipedorit awoikin.”

Esek. 12:12

Eryoŋi aloseketa keŋ erwosit ŋolo ipukat ikes ŋiboro keŋ tolomarya nakiryonut, tosi, kitor loole ŋolo epedokinete ŋituŋa narwatata a ŋuna keŋ. Erapi iŋes ŋakonyen keŋ, ikotere nyiŋolik neni ipudae iŋes.

Esek. 12:13

Nai apetari ayoŋ atibait kaŋ, ikotere ekamunia iŋes, oya nai iŋes lotaun ŋolo a Babilon, nakwap ŋina a Ŋibabiloniyae, nai nyiŋolikini iŋes akwap ka etwani iŋes a ina.

Esek. 17:15

Nai abu eyenet a erwosit a Yerusalem ŋol toŋer ŋakiro a erwosit a Babilon, kiyakiya ŋikawoikinitok keŋ nakwap a Ijipit erae kepedorete ikes ainakin iŋes ŋaŋolei ka ŋasigarya ŋuna alalak.’ Abu Akuj tema, ‘Epedori mono kire iŋes akiloun a? Epedori mono kire ituŋanan ŋini itiyae ŋakiro ŋuna ikote ŋun abucar a? Nyemaikina iŋes toŋer ŋakiro ŋuna aris kecamunoi, ido kimyekinae nyisicani.’

Ekim. 14:41

Nai tolimok Moses ikes tema “Kaanukiro irubakinitotor iyes iŋerito akiciket a Ekapolon? Nyiyookin ŋakiro kus.