Yer. 32:44 - Ebaibul

⁴⁴ Egyelyo ŋimanikorin a ŋisiliŋa, iwuakinete ŋituŋa ŋakan kec nabaruwae ŋuna ka acamunet a ŋina egyelere ŋimanikorin ŋul, ido togolokinoe ŋabaruwae ka emaikina toyakas ŋisuudae, itiyakin nu anakwap a Benjamin, anakiboisyo a ŋuna idunyito Yerusalem, lotaunio a Yudaya, anakwap a ŋina a ŋikamukumukui, alo Sepela, alo Negeb, anerae enyakuni ayoŋ ŋituŋa nakwap kec. Adau ayoŋ Ekapolon alimun ŋun.”

Yer. 32:44 Iomraidhean Croise

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Yer. 13:19

erikaun ŋitaunio ŋulu eya Negeb mam ituŋanan epedori atubor neni kec, arikor ŋituŋa a Yudaya daadaŋ nakwap ace, arikor ikes daadaŋ mam ŋini edoŋ.’”

Yer. 17:26

Epote nai ŋituŋa alotaunio a Yudaya ka anakiboisyo a ŋuna eya diyete Yerusalem, anakwap a Benjamin, alo Sepela, anakwap a ŋina a ŋikamukumukui ka alo Negeb, eyaunito Kai a Ekapolon ŋainakineta ŋuna epeyo, ŋamuronisya, ŋainakineta ŋuna a ŋikinyom ka ekinyate ka ŋainakineta ŋuna ka alakara.

Yer. 30:18

Alimu Ekapolon ŋakiro nu ebe, “Enyakari ayoŋ ŋituŋa kaŋ nakwap kec, ido esyoni ŋikalya daadaŋ, edukokinio Yerusalem nabo, inyakakinio akai ŋina ka apukan nakibois ŋina pei sek ayai.

Yer. 30:3

anerae eponito kire jik ŋirwa ŋulu enyakakinia ayoŋ ŋarereŋisyo neni a ŋituŋa kaŋ ŋulu a Isirael ka Yudaya, ido aŋauni ayoŋ ikes nakwap ŋina abu ayoŋ oinak atapapaa kec ka ituruworete ikes akwap ŋin ŋina kec.’ ”

Yer. 31:23

Alimu Ekapolon ŋolo a ŋajoresyo, Akuj a Ŋisirael ebe, “Apaki ŋina enyakunia ayoŋ ŋituŋa kaŋ nakwap kec, elimunete nabo ikes ŋakiro nu anakwap a Yudaya ka alotaunio a Yudaya ebe, ‘Ikilipi kiterereŋ Ekapolon ekamukumukut a Yerusalem ŋolo asegan, akibois ŋina asegan ŋina iboiyo iŋes.’

Yer. 32:10

Abu ayoŋ ewuak akan kaŋ nacamunet ŋin, ogolok, oryamu ŋisuudae, tosodi epim ŋisiliŋa a ŋakipimet.

Yer. 32:37

Topupokisi, alosi ayoŋ acunun ikes anakwapin a daadaŋ a ŋuna abu ayoŋ erita ikes anaŋoit ka ananyunyura ta analilit kaŋ a ŋina apolon. Enyakuni ayoŋ ikes nakibois na, ido esiboikini ayoŋ ikes emam ŋace.

Yer. 33:11

etoil ŋolo ka alelyanu ka ŋolo ka alakara, etoil a eteran ka etoil a ateran, ŋitoilon a ŋituŋa a ŋulu eosi eyaunete ŋainakineta ŋuna ka alakara Kai a Ekapolon ebasi, ‘Tolakaros neni ke Ekapolon a ŋolo a ŋajoresyo, anerae ejok iŋes, erae amina keŋ ŋina nyiryaŋiryaŋa ŋikaru ka ŋikaru!’ Enyakakini ayoŋ ŋarereŋisyo nakwap na lopite ŋolo sek ayakatar ekiŋaren.

Yer. 33:13

Eyakaun ŋamesekin ŋuna epote ŋikeyokok akimar lotaunio a akwap a ŋina a ŋikamukumukui, Sepela, Negeb, nakwap a Benjamin, nakiboisyo ŋuna alodiyete Yerusalem ka lotaunio a Yudaya.”

Yer. 33:26

Ikwaŋinapei, nyaŋeri ayoŋ acamunet kaŋ ka ŋiletok a Yakob ka ŋiletok a eketiyan kaŋ a Daudi, ido aseuni ayoŋ epei a ŋiletok a Daudi kipuka ŋiletok ka Aburaam, Isaka ka Yakob, anerae enyakakini ayoŋ ikes ŋarereŋisyo kec ka esyoni ayoŋ ikes.”

Yer. 33:7

Enyakuni ayoŋ ŋituŋa a Yudaya ka ŋituŋa a Isirael aneni aponi torikoroe, etogogoŋ ikes lopite ŋolo ayakatar ekiŋaren.

Obad. 1:19

“Eruwor ŋimukura ŋulu ke Esau, ŋulu a ŋituŋa a ŋulu eya Negeb. Eruwor akwap a Ŋipilistin ŋina a ŋituŋa a Sepela, eruwor akwap ke Epuraim ka Samaria ŋina a Ŋisirael, eruwor Gilead akwap a Benjamin.

Obad. 1:20

Anyoun alo Poenicia akitodol Sarepat, eruwor nen neni a Ŋisirael a ŋulu eya Kanaan, a ŋulu ielaritae analup kec; eruwor ŋitaunio ŋulu Negeb, ŋulu a ŋituŋa a Yerusalem a ŋulu eya Separad, a ŋulu ielaritae alo Yerusalem.

Sepan. 2:7

Eruwor akwap kus ŋina a ŋipiya a ŋulu a ekabila a Yuda; eruwor neni edakasi ŋibaren kec, eruwor nakais ŋuna ka Asikelon eperete ikes eboŋ. Iuryari Ekapolon Akuj kec ikes; inyakakini ŋituŋa keŋ ŋarereŋisyo kec.

Sakar 7:7

Meere mono ŋakiro ke Ekapolon ŋuna apotu ŋikadwarak ŋulu esyaunak kiserata apaki ŋina eboiyoto alokisil ka anakiyar a ŋina ajokan ŋituŋa ŋulu a Yerusalem ka ŋulu a ŋitaunio a ŋulu edunyatar iŋes kaapei ka ŋituŋa ŋulu a Negeb ta ŋulu alomito nakejen a ŋimukura a ŋulu alo To a?’ ”