Yer. 32:41 - Ebaibul

⁴¹ Alelyani ayoŋ aŋuna ka akitiya ajokis neni kec ka etogogoŋi ayoŋ ikes anakwap a na anakikinyoma, etiyae ayoŋ ŋun a etau kaŋ a daadaŋ ka a akiyar kaŋ a daadaŋ.

Yer. 32:41 Iomraidhean Croise

Ŋikiru. 80:8

Ibu iyoŋ yau Ŋisirael alo Ijipit; Ibu iyoŋ kirita ŋituŋa a ŋakwapin, ido kiwuak Ŋisirael nen.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 62:4

Nyeriŋa nabo etemaryo iyes irae ŋulu ikiesikinitae ka nyeriŋa nabo akwap kus erae ŋina asilon. Nai ikinyarao iyes ŋituŋa ŋulu elakara Akuj aŋuna kec ka ikwaanikin akwap kus ka aberu ŋina iisitae, anerae elakara Ekapolon aŋuna kus ka ikwaanikin akwap kus ka aberu ŋina iisitae.

Isa. 62:5

Ikwaŋina iisya esorokit apese, iyoŋ daŋ Yerusalem iruwor akibois a ŋituŋa a ŋulu ikidukunete iyoŋ ka ikwaŋina elelyania eteran aŋuna ka ateran, elelyani Akuj kon daŋ aŋuna kon.

Isa. 65:19

Abuni ayoŋ alelyan alo Yerusalem ka alakar aŋuna a ŋituŋa kaŋ; nyiiraryo nabo akigworo alotooma keŋ, kori nyiiraryo nabo akigworo aŋuna a ŋican.

Yer. 18:9

Ani kalimu ayoŋ apaki ace atemar adukokini akwap, kori apukan ka adupakini,

Yer. 24:6

Abuni ayoŋ akiyoki ikes jik ka enyakuni ayoŋ ikes nakwap na. Etojokuni nabo ayoŋ ikes ka nyamunyari ikes nabo, adupakini ayoŋ ikes nyealari ikes.

Yer. 31:28

Lopite ŋolo abunio ayoŋ olemarya, omunaarya, elounia, enyasunia ka oyau aronis neni kec, aŋun eyoki ayoŋ ikes, ido adukokini ka adupakini ikes nabo.

Esek. 36:36

Eyenunete nai ŋituŋa a ŋakwapin a daadaŋ a ŋuna idunyatar iyoŋ a ŋuna idoŋito atemar ayoŋ Ekapolon adukok nabo ŋakiboisyo ŋuna aponi tomunaarae ka adupak nabo ŋikinyom neni aponi kitisiilunoe. Ayoŋ Ekapolon alimu ŋun ka etiyakini ayoŋ ŋun.

Osea 14:5

Ikikwaanikin ayoŋ ka ŋakopi aneni a Isirael, eturokini iŋes ikwa aturot ŋina ka amatata, edupakin ikes nakwap ikwa ŋataagor a ŋikito a amoni Lebanon,

Amos 9:15

Iyes Ŋisirael, ekewuakini ayoŋ iyes nakwap kus, mam ituŋanan ikilemari iyes nabo anakwap a ŋina akewuak ayoŋ iyes.’ Ekapolon Akuj iŋes alimu ŋun.”

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Ŋikis. 28:63

Ikwaŋina abunio tojoik Ekapolon ikitobar iyes ka akitipitun iyes toruworos ŋituŋa ŋulu alalak, ejoikini Ekapolon ayaun akinyasuno ka amunyaro neni kus. Ikimunyaryo iyes anakwap a ŋina ilosete iyes akituruwor ŋina kus.

Ŋikis. 30:9

ido iyatakini Ekapolon ŋarereŋisyo kus nooi alotooma ŋiticisyo daadaŋ ŋulu itiyaete iyes, iterereŋi ŋidwe kus, ŋitak ka ŋikaalei a ŋibaren kus ka ŋikinyom ta ŋaraito kus, anerae ejoikini nabo Ekapolon akiterereŋ iyes lopite ŋolo eterereŋitor atapapaa kus.