Yer. 32:40 - Ebaibul

⁴⁰ Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Yer. 32:40 Iomraidhean Croise

2 Sam. 23:4

ikwaan ituŋanan ŋin ka akica ŋina elomunia akoloŋ, ikwaan ka akica ŋina ecai taparacu emam ŋidouwon, ikwaan ka akica ŋina ecauni kedau akiru akilim, akica ŋina itolomuni ŋinya analup.’

Ŋikiru. 80:19

Okoe Ekapolon Akuj ŋina a ŋajoresyo, kinyakunae isua; kisyoni isua ikotere isua ikiiun.

Isa. 24:5

Amunaasi ŋituŋa ŋulu iboiyete anakwap akwap, anerae abila ikes ŋikisila, nyiwuapa ŋakiro ŋuna atubunitoe ka nyiwuapa acamunet ŋina a ŋikaru ka ŋikaru.

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Isa. 61:8

Alimu Ekapolon ebe, “Amina ayoŋ akiyookino aŋerit ayoŋ ademanar ŋuluce ŋiboro kec ka akitiya ŋuna aronok. Ataci ayoŋ ikes aŋuna a ŋiticisyo kec itemokino, ido ewuakini ayoŋ acamunet ŋina a ŋikaru ka ŋikaru ka ikes.

Yer. 24:7

Ainakini ayoŋ ikes etau ŋolo eyeniata ikes atemar ayoŋ arae Ekapolon ka eruworosi ikes ŋituŋa kaŋ, ido aruwor ayoŋ Akuj kec, anerae eboŋunete ikes neni kaŋ a ŋitai kec a daadaŋ.

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Yer. 50:5

Iŋisete ikes ŋituŋa neni eyai erot ŋolo elosere Sion kiteorito ina, epote nai ikes kimorikinos ke Ekapolon alotooma acamunet ŋina a ŋikaru ka ŋikaru, acamunet ŋina nyimuryakin nabo.

Esek. 36:26

Akainakini ayoŋ iyes ŋitai ŋulukitet ka ewuakini ayoŋ ŋatameta ŋunakitet neni kus; alemari ayoŋ aneni akisyaanu kus okoinak iyes ŋitai ŋulu iwuapito ŋakiro kaŋ.

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Esek. 37:26

Ewuakini ayoŋ acamunet kaŋ ka ikes ŋina a ekisil, eruwor acamunet kaŋ ŋin ka ikes ŋina a ŋikaru ka ŋikaru, eterereŋi ayoŋ ikes ka etipituni, ido ewuakini ayoŋ akibois kaŋ ŋina asegan neni kec ŋikaru ka ŋikaru.

Esek. 39:29

mam nabo jik nyaŋeri ayoŋ akisiŋolikin ikes apaki ŋina abukokinia ayoŋ etau kaŋ neni a Ŋisirael.”

Mika 4:5

Elosete ŋakwapin daadaŋ iwuapit ŋinakwap akuj keŋ ka ilipi ŋinakwap neni ka akuj keŋ, nai iwon ikiwuapi ŋuna a Ekapolon ka ikilipi neni a Ekapolon Akuj yok ŋikaru ka ŋikaru.

Ŋikis. 31:6

Togogoŋ ka totitiny, nyikuryaketa, kori nyikibul aŋuna kec, anerae irukito iyes ke Ekapolon Akuj kus, nyikimyekini iŋes iyes, kori nyikiŋeri.”

Ŋikis. 31:8

Ekapolon iŋes ikiŋarenikini iyoŋ. Eyakaun Ekapolon ka iyoŋ, nyikimyekini iŋes iyoŋ, kori nyikiŋeri iŋes iyoŋ. Nyikuryaniar, kori nyikibul.”

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

Ŋibur. 4:1

Nai tokona, adau Akuj ainakin iwon akiikinet keŋ ŋina abu itolimok iwon atemar ieŋunete. Nai aŋuna tokona eriŋaakar akiikinet ŋina ka Akuj ŋina ka alomar nakwap ŋina ka akieŋun keŋ eyai, itemokino ocoikisi, ikotere nyekuruwo ipei daŋ alokidiŋ yok alomar nakieŋun ŋin.

Ŋibur. 7:24

Nai nyikwaan Yesu ka ikes, eyari iŋes jik, nabo erae iŋes esacaradoti ŋoloruba.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.