Yer. 32:37 - Ebaibul

³⁷ Topupokisi, alosi ayoŋ acunun ikes anakwapin a daadaŋ a ŋuna abu ayoŋ erita ikes anaŋoit ka ananyunyura ta analilit kaŋ a ŋina apolon. Enyakuni ayoŋ ikes nakibois na, ido esiboikini ayoŋ ikes emam ŋace.

Yer. 32:37 Iomraidhean Croise

Ŋikiru. 106:47

Toiunae isua, okoe Ekapolon Akuj kosi, tocununae isua anakwapin, ikotere isua ikilakar aŋuna ke ekiro kon a ŋolo asegan, kitopolooroe akipuro iyoŋ.

Yer. 12:14

Irworo Ekapolon aŋuna a ŋikidunyet a Ŋisirael aŋuna amunaaryata ikes akwap ŋina abu iŋes inak Ŋisirael toruwor ŋina kec ebe, “Eapi ayoŋ alemar ikes anakwap kec ka alemari ayoŋ ŋituŋa a Yudaya alokidiŋ kec.

Yer. 16:14

Aŋun, adau Ekapolon alimun ŋakiro nu atemar eponito kire ŋirwa ŋulu nyikoŋioto nabo ŋituŋa a ekiro kaŋ ebasi, “Ikwapei eyarya Ekapolon ŋolo etipeunio ŋituŋa a Isirael anakwap a Ijipit,”

Yer. 16:15

nai etemarete ikes ikoŋote ebe, “Ikwapei eyarya Ekapolon ŋolo ayauni ŋituŋa a Isirael anakwap a ŋina alo Kuju ka anakwapin a daadaŋ a ŋuna abu iŋes kirita ikes,” anerae enyakuni ayoŋ ikes nakwap kec a ŋikulepek, nakwap ŋina abu ayoŋ oinak atapapaa kec.

Yer. 21:5

Ayoŋ elope eketiji iyoŋ a agogoŋ kaŋ ka apedor kaŋ, anaŋoit, anadedeŋu ka ananyunyura a ŋina apolon.

Yer. 23:3

Tosodi ayoŋ elope acununi ŋipiya a ŋituŋa kaŋ anakwapin a daadaŋ a ŋuna abu ayoŋ erita ikes, enyakuni ayoŋ ikes nakwap kec ka epitunete ikes tolalata.

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 23:8

nai etemarete ikes ikoŋete ebe, “Ikwapei eyarya Ekapolon ŋolo abu yau ka toriku ŋiletok a ŋituŋa a Isirael anakwap a ŋina alo Kuju ka anakwapin a daadaŋ a ŋuna abu iŋes kirita ikes.” Aŋun, epote ikes akiboi anakwap kec a ŋilopeyek.

Yer. 24:6

Abuni ayoŋ akiyoki ikes jik ka enyakuni ayoŋ ikes nakwap na. Etojokuni nabo ayoŋ ikes ka nyamunyari ikes nabo, adupakini ayoŋ ikes nyealari ikes.

Yer. 29:14

ekemyekini ayoŋ iyes ikiryamut ayoŋ, ido ekenyakakini ayoŋ iyes ŋarereŋisyo daadaŋ ka akacununi ayoŋ iyes anakwapin a daadaŋ ka anakiboisyo a daadaŋ a ŋuna abu ayoŋ ekerita iyes, ekenyakuni ayoŋ iyes nakibois ŋina ekeyakiyarya ayoŋ iyes nakwapin aruwor ŋirikon.”

Yer. 30:18

Alimu Ekapolon ŋakiro nu ebe, “Enyakari ayoŋ ŋituŋa kaŋ nakwap kec, ido esyoni ŋikalya daadaŋ, edukokinio Yerusalem nabo, inyakakinio akai ŋina ka apukan nakibois ŋina pei sek ayai.

Yer. 31:10

Iyes ŋituŋa a ŋakwapin, kiirasi ŋakiro a Ekapolon, tolimosi ŋakiro ŋun anakwapin a ŋuna alodiyete anam, anakwapin a ŋuna alwanak. Temasi iyes, “Ecunakini nabo Ŋisirael ŋolo sek eelari ikes, iyoki ikes lopite ŋolo iyokiyo ekeyokon ŋamesekin keŋ.

Yer. 32:15

anerae alimu Ekapolon ŋolo a ŋajoresyo, Akuj a Ŋisirael atemar egyelyo moi nabo anakwap a na ŋakais, ŋimanikorin ŋulu a ŋikinyom ka ŋimanikorin ŋulu edupitae ŋikito a epiini.’ ”

Yer. 33:16

Alorwa a ŋul eiunio ŋituŋa a Yudaya ka iboiyete ŋituŋa a Yerusalem emam ŋace. Erae lo ekiro ŋolo enyaraere etaun, ‘Erae Ekapolon akiyookino kosi!’

Yer. 33:7

Enyakuni ayoŋ ŋituŋa a Yudaya ka ŋituŋa a Isirael aneni aponi torikoroe, etogogoŋ ikes lopite ŋolo ayakatar ekiŋaren.

Esek. 11:17

Aŋun, tolimok ikes atemar ŋakiro ŋuna irworo Ekapolon Akuj ikes nu, ‘Akacununi ayoŋ iyes alotuŋa a ŋakwapin, ekenyaku anakwapin kec aneni aponi ikielar iyes, akainakini nabo ayoŋ iyes akwap a Isirael.’

Esek. 20:34

Akayauni ayoŋ iyes anakwapin, akacununi ayoŋ iyes anakiboisyo a ŋuna aponi ikielar iyes. Akayauni ayoŋ iyes a nen a apedor kaŋ a ŋina apolon ka ewuakini ayoŋ agogoŋu kaŋ daadaŋ neni kus alotooma anyunyura.

Esek. 28:25

Alimu Ekapolon Akuj ŋakiro nu ebe, “Ani acununi ayoŋ Ŋisirael alotuŋa a ŋakwapin a ŋuna ielakina ikes, etoodikin ayoŋ neni kec eketeete ŋituŋa a ŋakwapin arae ŋolo asegan, iboikinosi nai Ŋisirael nakwap kec ŋina abu ayoŋ oinak eketiyan kaŋ Yakob.

Esek. 28:26

Iboikinosi ikes nen emam awasya, edukokinete ikes ŋakais nen ka itakinete ŋikito a epiini nen. Iboikinosi ikes nen emam awasya apaki ŋina esicania ayoŋ ŋikidunyet kec daadaŋ ŋulu apotu kinyasa ikes imanito. Eyenunete nai Ŋisirael apaki ŋin atemar arae ayoŋ Ekapolon Akuj kec.”

Esek. 36:24

Akayauni ayoŋ iyes anakwapin ka akacununi ayoŋ iyes anakiboisyo a daadaŋ, okoyau iyes nakwap kus.

Osea 1:11

Imorikinosi nabo ŋituŋa a Yudaya ka ŋulu a Isirael, eseunete nai ikes ekarikon kec epei, ikamarete ikes akwap kituruwosi ŋina kec. Kire, eruwor akoloŋit ŋina itiyakinotor ŋakiro ŋun alo Yesireel akoloŋit ŋina apolon nooi.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Yoel 3:20

Nai iboikinosi ŋituŋa Yudaya ŋikaru ka ŋikaru, ka iboikinosi ŋituŋa a ŋanyameta ka ŋanyameta Yerusalem.

Sepan. 3:20

Apaki ŋin, akayauni ayoŋ iyes lore, akacunakini ayoŋ iyes kaapei; eketuruwori ayoŋ iyes ŋulu ikiyenio ka ikipuroi alotuŋa a daadaŋ a ŋulu ka akwap; ekenyakakinia ayoŋ iyes ŋarereŋisyo kus iteete iyes.” Ayoŋ Ekapolon alimu ŋun.

Sakar 14:11

Iboikinosi ŋituŋa Yerusalem, mam nabo nyemunaaryo iŋes jik; erubakini Yerusalem eyakar akinapakina.

Sakar 3:10

Akoloŋit ŋin, ebuni ŋinituŋanan alokidiŋ kus anyarare ikidunyet keŋ akiboikin ka iŋes lotolim ke epiini keŋ ka ŋolo ke ebobore keŋ.’”