Yer. 32:28 - Ebaibul

²⁸ Aŋun, alimu ayoŋ Ekapolon atemar ainakini ayoŋ etaun lo napedor a Ŋibabiloniyae ka napedor a erwosit Nebukadinesar a ŋolo a Babilon, ido ikamari iŋes etaun lo.

Yer. 32:28 Iomraidhean Croise

2 Ŋirw. 25:11

Tosodi Nebusaradan toriko ŋituŋa ŋulu edoŋito lotaun kaapei ka ŋulu aris kecamut akiri ka erwosit a Babilon.

2 Ŋakiro a ŋirwa 36:17

Aŋun, abu Akuj tocamak erwosit a Babilon ebuni akirem ikes. Abu toar ŋisorok kec anakibois kec a ŋina asegan, abu nyisyon esorokit, kori asorokit, ekasikout, kori akimat, kori ituŋanan idio daadaŋ ŋini apalag. Abu Akuj kipotok ŋituŋa ŋul daadaŋ neni a Nebukadinesar toar.

Isa. 29:2

Kikote neni daŋ esicani ayoŋ Ariel, eyakaun nen akigworo ka akiwolol, ikwaanikin Yerusalem aneni kaŋ ka Ariel.

Yer. 20:5

Ainakini ayoŋ ebari daadaŋ a etaun a lo, ŋiboro ŋulu eryamunito ŋituŋa keŋ, ŋiboro keŋ daadaŋ ŋulu epol egyelit ka abaru daadaŋ ŋina a ŋirwosi a Yudaya neni a ŋimoe kec a ŋulu eŋatarete ŋiboro ŋul, tocunakis, ido kiwokosi Babilon.

Yer. 21:10

Aŋoik ayoŋ ŋituŋa a etaun a lo aŋuna ka aronis, meere aŋuna ka ajokis. Einakinio iŋes napedor a erwosit a Babilon, ido icunyari iŋes etaun lo a akim.’ ”

Yer. 32:24

Kiŋolik, ŋakititisyo ŋuna edukunitoe kidiama, ŋuna irikaunitere etaun ecamitae akikamar. Kiŋolik etaun neni ikoni, aapiki ŋituŋa a etaun ejie, akoro ka edeke, aapuu etaun akipotokin napedor a Ŋibabiloniyae a ŋulu itijiete iŋes. Eyookin ŋakiro ŋuna ibu iyoŋ tolimu lopite ŋolo iteo iyoŋ alope.

Yer. 32:3

neni abu erwosit Sedekia kicik atemar kiboiyo Yeremia nyelot iwace. Kebu Sedekia tema, “Kaanukiro idwarya iyoŋ ebe, ‘Alimu Ekapolon atemar ainakini ayoŋ etaun lo napedor a erwosit a Babilon ka ikamari iŋes etaun lo.

Yer. 32:36

“Aŋun, alimu ayoŋ Ekapolon, Akuj a Ŋisirael aŋuna ke etaun a lo a ŋolo irworosi iyes ibasi ‘Ainakin etaun lo napedor a erwosit a Babilon a ekileŋ, a eron ka a edeke,’

Yer. 34:2

Tolimok Ekapolon Akuj a Ŋisirael Yeremia tema, “Tolot, kirwor neni a erwosit Sedekia a ŋolo a Yudaya ebe, ‘Alosi ayoŋ ainakin etaun lo napedor a erwosit a Babilon ka icunyakini iŋes a akim,

Yer. 34:3

ido nyibucar iyoŋ anapedor keŋ, nai ikikamunio iyoŋ ikiyai neni eyai erwosit a Babilon, iŋolikini iyoŋ erwosit a Babilon, irworikinosi ka iŋes iteosi, tosodi ilosi iyoŋ Babilon.’