Yer. 32:24 - Ebaibul

²⁴ Kiŋolik, ŋakititisyo ŋuna edukunitoe kidiama, ŋuna irikaunitere etaun ecamitae akikamar. Kiŋolik etaun neni ikoni, aapiki ŋituŋa a etaun ejie, akoro ka edeke, aapuu etaun akipotokin napedor a Ŋibabiloniyae a ŋulu itijiete iŋes. Eyookin ŋakiro ŋuna ibu iyoŋ tolimu lopite ŋolo iteo iyoŋ alope.

Yer. 32:24 Iomraidhean Croise

2 Sam. 20:15

Tosutut ŋasigarya a Yoab daadaŋ, kirikaut Seba alo Abel alore a ŋolo ayai Bes-Maaka. Totuko ikes ŋamoru ŋinapei alokwap arwatata a etaun tari kidiama kiriyanikin ka arwatata, ido tobokete ŋice arwatata alokwap ikotere eramakin kwap.

Isa. 37:33

“Aŋun, ŋakiro ŋuna alimu Ekapolon aŋuna ke erwosit ka Asiriya ikes nu: Nyelomuni iŋes lotaun lo, nyegumuni iŋes ekaleŋeleŋet ne eyakar aupal, kori nyedukokini adoket ne ŋina edokarere lotaun.

Yer. 16:4

Etwakete ikes a ŋidekesyo a ŋulu aarak, nyigworo ikes, kori nyenukyo ikes, ikokinete ikes aoret eperete alokidiama akwap. Earyo ikes a ekileŋ, etwakete ikes aŋuna a akoro ka eruworosi ŋawat kec akimuj a ŋikyeny ka ŋina a ŋityaŋ a ŋulu a ariet.

Yer. 20:5

Ainakini ayoŋ ebari daadaŋ a etaun a lo, ŋiboro ŋulu eryamunito ŋituŋa keŋ, ŋiboro keŋ daadaŋ ŋulu epol egyelit ka abaru daadaŋ ŋina a ŋirwosi a Yudaya neni a ŋimoe kec a ŋulu eŋatarete ŋiboro ŋul, tocunakis, ido kiwokosi Babilon.

Yer. 24:10

ido eyakikini ayoŋ ikes ejie, akoro ka edeke, akitodol ŋina emunyarotor ikes jik anakwap a ŋina abu ayoŋ oinak neni kec ka neni atapapaa kec.’ ”

Yer. 29:17

alimu Ekapolon ŋolo a ŋajoresyo ebe “Eyakikini ayoŋ ikes ejie, eron ka edeke, esikwaanikini ayoŋ ikes ka ŋaboboryo ŋuna ebosito, ŋuna aronok nooi ŋuna nyepedoryo akinyam.

Yer. 29:18

Ewuapakini ayoŋ ikes a ejie, a eron ka edeke, eturuwori ayoŋ ikes ŋulu nyejokak aneni a ŋituŋa a ŋakwapin a daadaŋ anakwap, eruworosi ikes ŋulu ilamitae, ŋulu nyejokak aneni a ŋulu iŋolikinete ikes, ŋulu ejamuwaritae,

Yer. 32:25

Nai, okoe Ekapolon Akuj tari ŋina itemokinitor iyoŋ ainakin etaun napedor a Ŋibabiloniyae, ibu iyoŋ ikilimok ayoŋ ebe, ‘Togyel emanikor a ŋisiliŋa ka toryamu ŋisuudae.’ ”

Yer. 32:28

Aŋun, alimu ayoŋ Ekapolon atemar ainakini ayoŋ etaun lo napedor a Ŋibabiloniyae ka napedor a erwosit Nebukadinesar a ŋolo a Babilon, ido ikamari iŋes etaun lo.

Yer. 32:3

neni abu erwosit Sedekia kicik atemar kiboiyo Yeremia nyelot iwace. Kebu Sedekia tema, “Kaanukiro idwarya iyoŋ ebe, ‘Alimu Ekapolon atemar ainakini ayoŋ etaun lo napedor a erwosit a Babilon ka ikamari iŋes etaun lo.

Yer. 32:36

“Aŋun, alimu ayoŋ Ekapolon, Akuj a Ŋisirael aŋuna ke etaun a lo a ŋolo irworosi iyes ibasi ‘Ainakin etaun lo napedor a erwosit a Babilon a ekileŋ, a eron ka a edeke,’

Yer. 32:5

erikori erwosit a Babilon Sedekia Babilon, erubakini iŋes iboi a ina tari ŋina atamunia ayoŋ iŋes, tari kitiji iyoŋ Ŋibabiloniyae, nyilouni iyoŋ ikes.’ ”

Yer. 33:4

Alimu ayoŋ Ekapolon, Akuj a Ŋisirael aŋuna a ŋakais a etaun a lo ka aŋuna a ŋakais a ŋirwosi a Yudaya a ŋuna aponi toritaarae aŋuna ka adukio arwatata ŋinakiretakinet ŋimoe ŋulu erikaunito etaun ka aŋuna ka ajio.

Yer. 34:17

Aŋun, alimu ayoŋ Ekapolon atemar, nyiwuapa iyes ŋakiro kaŋ, nyelacakina ŋikidunyet ka ŋikonei kus, emyekini ayoŋ ikilacakin iyes, alacakinio ŋina ikiyai iyes lokileŋ, lodeke ka loron. Eketuruwori ayoŋ iyes ŋulu inyasuna aneni a ŋituŋa a ŋakwapin a daadaŋ anakwap.

Yer. 52:4

Tosodi alokaru a ŋolo a ŋikanikaomwon, elap ŋolo a ŋitomon, ŋirwa ke elap ŋitomon ipukat Sedekia, abu erwosit a Babilon ŋolo anyaritae Nebukadinesar toloto ka ŋasigarya keŋ daadaŋ akirem Yerusalem kirikaut iŋes. Apotu ikes torekinos kiŋa etaun, toduko ŋadoketa kisiryama kiŋa etaun.

Yer. 52:6

Ani edoli ŋirwa ke elap ŋikanikaomwon, elap ŋolo a ŋiomwon, tonyam akoro ŋituŋa nooi alotaun, todaun anakwap ibore ŋini imujete ŋituŋa.

Yer. 6:6

Alimu Ekapolon ŋolo a ŋajoresyo ebe, “Toyepakisi ŋikito keŋ kwap, todukokisi akititis ŋina elomarere akitijikin Yerusalem, Erae Yerusalem etaun ŋolo emaikina kisicanae, emam ibore ice eyai tooma keŋ mati akisicanit ŋuluce bon.

Esek. 14:21

“Ŋuna iŋita Ekapolon Akuj ikes nu, ‘Etya nai ai epite ŋolo erokyarotor ŋakiro alo Yerusalem apaki ŋina eyakuunia ayoŋ ŋakisicaneta kaŋ ŋuna apipilak ŋaomwon? Ŋimoe, eron ka ŋityaŋ ŋulu anyamak ta ŋidekesyo, tomunyasi ŋul ŋituŋa ka ŋibaren a Yerusalem.’

Esek. 21:22

Ikamuni iŋes aloteten keŋ ekaleŋeleŋet ŋolo igiritae ekiro a Yerusalem. Apolou keŋ atemar elimokinitae iŋes alosit akiwuakin Yerusalem ŋiboorei ŋulu ebwaŋere arwatata ka alimokin ŋituŋa keŋ akiar ŋituŋa a Yerusalem, acelun aŋuna ka akisimukekin ŋikajiok, akiwuakin lopukei a Yerusalem ŋiboorei ŋulu ebwaŋere ŋipukei, adukokin akititis narwatata a Yerusalem ka arekin Yerusalem ŋaduketa ŋuna aoyak ŋuna irikaunitere iŋes.

Esek. 21:27

Ibore koŋin! Ibore koŋin! Eturuwori ayoŋ iŋes ibore koŋin! (Nyituruworyo iŋes ŋinapei ibore koŋin,) akitodol ŋina ebunio ŋini aseu ayoŋ akisican iŋes; neni a ŋin iŋes epotokini ayoŋ etaun ŋol.’ ”

Esek. 26:8

ŋituŋa ŋulu iboiyete alotaunio a ŋulu eyakasi tooma Tiro daŋ, emunyaryo a ekileŋ. Ikirikauni iyoŋ Tiro erwosit ŋol ikimanit, etuki akititis narwatata kon ecamit alomunia tooma kon aŋuna ikimanitor, igakinete ŋasigarya keŋ a ŋaupala kec, ikitijikis iyoŋ aŋuna ikimanitotor.

Esek. 4:2

Kisitiya ŋitorubei lu akitoodiunia akirikauno a Yerusalem: Kiwuak ibore ŋini irikaunit amatapal ŋin, kiwuak akititis ŋina edokarit narwatata ke etaun, totukono ŋiboorei ŋulu esibit ŋituŋa ŋulu eurumikinito etaun ŋol ka kiwuanak nawaetin a etaun a ŋol daadaŋ ŋiboorei ŋulubwaŋabwaŋaet arwatata keŋ.

Abak. 1:10

Ejamuwarito ikes ŋirwosi, ido ekyenatar ŋikepukak. Ejamuwarito ikes ŋaduketa ŋunajiet daadaŋ, anerae epedorito ikes akituk ŋalup tari kidiama akitodol neni ikamaryata akibois.

Sakar 1:6

Ani bo ŋakiro kaŋ ka ŋikisila kaŋ, ŋulu abu ayoŋ olimok ŋikadwarak kaŋ, ŋulu arae ŋiketiyak kaŋ, pa mono apotu ŋun kiduposi atapapaa kus toryamut ŋican aŋun a? Aŋun, apotu ikes tokiwa temasi, ‘Adau Ekapolon ŋolo Etiron akitiya neni yok ŋuna emaikina iwon oryamutu aŋuna ka aronis yok ka aŋuna a ŋiticisyo yok a ŋulu aronok. Etiya iŋes ŋun lopite ŋolo sek ayeunitor akitiyakin.’ ”

Mat. 24:35

Edaunosi nakuj ka akwap, nai nyedaunosi ŋakaakiro jik.

Ŋikis. 4:26

anyarae ayoŋ nakuj ka nakwap kisuudata ŋakiro kus nakoloŋit na ikitoroniarito iyes, ido imunyarosi iyes daadaŋ alotooma apaki ŋina euruwuana anakwap a ŋina elomaryo iyes kidokasi ekekwaye Yorodan ituruworete akwap ŋin ŋina kus, nyiboiyete iyes a nen ekaoyan, nai ikimunyaryo iyes daadaŋ.