Yer. 32:23 - Ebaibul

²³ Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Yer. 32:23 Iomraidhean Croise

Esir 9:7

Ameun alorwa atapapaa kosi tari tokona, ikiya isua jik lokaile ŋolo apolon nooi aŋuna a ŋasecisya kosi, aponi ikipotokin isua ka ŋirwosi kosi ka ŋisacaradotin kosi napedor a ŋirwosi a ŋakwapin, ikotere ikiaryo a ekileŋ, ikirikoryo ikirae ŋirikon, ikidemaryo ŋiboro ka ikiteryamunio ŋileec ŋulu apolok nooi, lopite ŋolo eyakatar ŋakiro tokona.

Neem. 9:15

Ani enyami akoro ikes, ibu iyoŋ inak ikes ŋamugati ŋuna anakuj ka ani enyami ikes akure ibu iyoŋ inak ikes ŋakipi anataaba, ido ibu itolimok ikes atemar tolomasi kituruwosi akwap ŋina kus, akwap ŋina ibu iyoŋ kikoŋ ainakin ikes.

Ŋikiru. 78:10

Apotu ikes nyiricakis acamunet ŋina ka Akuj, apotu toŋero akiwuap ŋikisila ŋulu ka Akuj.

Yer. 2:7

Abu ayoŋ okoyau iyes nakwap ŋina ileleba ibore daadaŋ, ikotere inyamete ŋaraito keŋ ka ŋiboro keŋ ŋulu ajokak. Nai ani ilomarete iyes nakwap ŋin ipotu iyes tomunaasi akwap kaŋ kituruwosi akwap kaŋ ŋina asiilyanan.

Yer. 26:4

Tolimok ikes ebe, ‘Ŋakiro ŋuna irworo Ekapolon ikes nu: Ani pa kiirasi iyes ŋakiro kaŋ, pa kiwuapa ŋikisila kaŋ ŋulu akainak ayoŋ iyes,

Yer. 44:10

Nyekiwa ikes, kori nyebulo ikes akitodol tari nakoloŋit na, nyiricakina ikes tari ŋikisila kaŋ ka ŋakiro ŋuna atubunit ayoŋ ŋuna abu ayoŋ okoinak iyes ka oinak atapapaa kus.

Yer. 7:26

nai nyepupokina ikes ŋakiro kaŋ, kori nyemitakina, nai apotu kitogogoŋo ŋakyes kec. Apotu ikes kitiyata ŋuna aronok nooi akilo ŋuna apotu atapapaa kec kitiyata.

Aum. 1:18

Ebasi ŋituŋa a Yerusalem, “Erae Ekapolon ŋolo iyookino, nai isua aŋeri ŋakiro keŋ. Topupokisi mono iyes ŋituŋa daadaŋ; kiŋolikisi ŋican ŋulu ikiryamunit isua. Arikor nakwapin ŋisorok ka ŋasorok kosi.

Aum. 1:8

Apotu ŋituŋa a Yerusalem toseca nooi, aŋun, eturuwor iŋes etaun ŋolo ejamuwaritae, ajamuwasi iŋes ŋituŋa daadaŋ ŋulu sek etopoloorito, anerae eŋolikis emam ibore eyai; eumenete ŋituŋa keŋ ka nyecamito akiŋolikin etaun kec.

Esek. 20:18

“Abu ayoŋ olimok ŋidwe kec analoŋisat ebe, ‘Nyiwuapa ŋakiro ŋuna ebasi ŋikauruunak kus, kori nyiwuapa ŋikisila kec, kori nyimunaasi ŋawat kus a ŋakujo kec.

Esek. 20:21

Nai apotu ŋidwe ŋul toŋero akiwuap ayoŋ; apotu nyiwuap ŋikisila kaŋ ka apotu nyiwuap ecoikinito nooi ŋakiro ŋuna alimokinit ayoŋ ikes ŋuna iteyarete ituŋanan erae kiwuap. Apotu ikes tojamuwasi akoloŋit ŋina a Sabato. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman analoŋisat.

Esek. 20:8

Nai apotu ikes toŋero ŋakiro kaŋ, nyiirasi ŋuna erworo ayoŋ; mam ipei daŋ alokidiŋ kec ŋini abu tocaka akuj keŋ ŋina aminakinit, kori apotu nyecamut akiŋer akiwuapit ŋakujo a Ijipit. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman anakwap a Ijipit.

Luk. 17:10

Ikote neni tari aneni kus. Ani kitiyata iyes ŋuna ikicikakinitae daadaŋ, temasi, ‘Ikirae isua ca ŋiketiyak, ikitiya isua ŋuna make ikicamakinitae akitiya!’ ”

Yoa. 15:14

Irae iyes ŋikonei kaŋ, erae kitiyata ŋuna ekecikakini ayoŋ iyes.

Ŋigal. 3:10

Ilamam ŋituŋa ŋulu erubakinito iwuapito ŋuna a Ŋikisila. Anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini nyiwuapit ŋakiro daadaŋ ŋuna igiritae lokitaabo ŋolo a Ŋikisila”.

Yak. 2:10

Ituŋanan ŋini ebili ekisil tari epei, abil iŋes daadaŋ.

Yos. 21:43

Epite ŋol iŋes ainakinia Ekapolon Ŋisirael daadaŋ akwap ŋina abu iŋes kiik anakikoŋiet keŋ ainakin neni atapapaa kec. Apotu Ŋisirael kikamasi akwap ŋin kiboikinos nen.

Yos. 23:16

Ani kiŋero iyes Acamunet ŋina a Ekapolon a ŋolo erae Akuj kus, Acamunet ŋina adau iŋes alimokin iyes akiwuap, kori kitiyanakis iyes ŋakujo ŋace, toryediko kilipa neni kec, ikiŋoikini nai iyes Ekapolon, itomunya iyes anakwap a na a ŋina ajokan a ŋina adau iŋes ainakin iyes.”