Yer. 32:19 - Ebaibul

¹⁹ iloit iyoŋ daadaŋ anakitatam ka aloticisyo, ite iyoŋ ŋuna daadaŋ itiyaete ŋituŋa ka itaci iyoŋ ŋinituŋanan lopite ŋolo eyakatar ŋuna iwuapit iŋes ka lopite ŋolo itiyatotor ikes ŋiticisyo kec.

Yer. 32:19 Iomraidhean Croise

1 Ŋirw. 8:32

ekelipit kiira iŋes anakuj, kitiya neni keŋ ŋuna iyookino aneni kon, totubok ŋiketiyak kon, kisileereu ŋini esecit, kisican iŋes aŋuna itiyat. Ekelipit kisileereu ŋulu iyookino erae ŋulu iyookino, torop ikes alotooma akiyookino kec.

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

Yob 34:11

anerae eropi Akuj ŋituŋa lopite ŋolo itiyatotor ikes ka itiyakin neni a ŋituŋa ŋakiro ŋunapei sek iwuapito ikes.

Yob 34:21

Ite Akuj ŋakiro daadaŋ ŋuna itiyaete ŋituŋa ka ite neni daadaŋ elosete ikes.

Ŋikiru. 111:2

Erae ŋiticisyo ŋulu ke Ekapolon ŋulu ka aumokin, ecamito ŋituŋa daadaŋ ŋulu elakara aŋuna a ŋiticisyo a ŋul ayenun ikes.

Ŋikiru. 34:15

Ite Ekapolon ŋulu iyookino; ka epupi Ekapolon akigworo kec aŋuna ka akiŋarakino.

Ŋikiru. 62:12

ido neni kon okoe Ekapolon eyai amina ŋina nyiryaŋiryaŋa, anerae iropi iyoŋ ŋituŋa daadaŋ alopite a ŋolo itiyatotor ikes.

Ŋikiru. 92:6

Erae nu ŋuna nyepedori ituŋanan ŋini imasimasit ayenun, nyepedori ŋini abaŋaanan ayenun,

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Ŋakit. 5:21

Ite Ekapolon ŋakiro daadaŋ ŋuna itiyaete ŋituŋa, neni daadaŋ itorete ikes, eripiripi Ekapolon.

Ŋakit. 8:14

Ikiyakar ayoŋ ŋakiro ŋuna ajokak ka aosou ŋina ileere ejok nooi, ikiyakar ayoŋ ayenut ka agogoŋu.

Ekal. 12:14

Ikitubokini Akuj iwon anakiro a daadaŋ a ŋuna ikitiyat iwon, kejokak, kori keroko ka anakiro a ŋuna itiyao iwon anakimunono.

Isa. 28:29

Eponito nu daŋ aneni a Ekapolon a ŋolo a ŋajoresyo, itatami iŋes ŋakiro ŋuna ajokak ka eyakar iŋes aosou ŋina iloit.

Isa. 40:13

Ŋae ayenu ŋatameta ŋuna ke Ekapolon, kori ŋae epedori akitatam Ekapolon, ŋae erae ekeŋarakiniton keŋ?

Isa. 59:18

Isicani iŋes ŋimoe keŋ lopite ŋolo eyakatar ŋiticisyo ŋulu itiyato ikes; enyunyurikin iŋes ŋimoe keŋ, isicani iŋes ŋimoe keŋ, isicani iŋes ŋulu iboiyete alodiyete anam.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 16:17

anerae ete ayoŋ daadaŋ ŋuna iwuapito ikes; nyeŋopito ikes aneni ayai ayoŋ, ŋiticisyo kec daŋ ŋulu aronok nyililiŋiyaritae, ayeni ayoŋ.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 21:14

Ekesicani ayoŋ iyes erono lopite ŋolo eroketa ŋiticisyo kus, enokakini ayoŋ akim namon kus ka enomiari ibore daadaŋ ŋini eyai diyete kus.”

Yer. 23:24

Ataŋae epedorete akiŋop anakiboisyo a ŋuna imunono ikotere nyeŋolik ayoŋ ikes? Nyayai mono ayoŋ nakuj ka nakwap a?

Yer. 25:14

anerae epote ŋituŋa a ŋakwapin a ŋuna alalak ka ŋirwosi ŋulu agogoŋok akituruwor ikes ŋipi, ido esicani ayoŋ ŋituŋa ka ŋirwosi ŋul aŋuna a ŋiticisyo kec ka aŋuna a ŋiboro a ŋulu itiyaununeete ikes a ŋakan kec.”

Dan. 2:45

Lopite ŋolo ibunio iyoŋ kiŋolik amoru ŋina pa ayororit ituŋanan ecakun alomoru, ido abu amoru ŋin tobwaŋabwaŋaa asuwat, eburonis, ecoto, esilipa ka egolid; adau Akuj ŋina etiron alimokin erwosit ŋakiro ŋuna itiyakin alorwa a ŋulu eponito. Erae ŋun ŋakiro kire ŋuna ibu iyoŋ kiruja, emaikina iyoŋ tonup atemar ŋuna ekesileerek ayoŋ iyoŋ ikes erae apolou kec.”

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Sakar 9:1

Erae nu ŋakiro ke Ekapolon: “Adau iŋes atubun akisican akwap ŋina ka Adirak ka etaun ŋolo a Damasko, anerae etaun ŋolo epol alo Siriya daŋ erae ŋolo ke Ekapolon, lopite ŋolo eraakatar ŋikabilae a Isirael daadaŋ ŋulu ke Ekapolon.

Mat. 16:27

Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

Yoa. 5:29

Elomunete ikes kiŋa; ŋulu itiyato ŋuna ajokak, eyarunete toryamut akiyar; ŋulu itiyato ŋuna aronok, eyarunete totubokinae.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

Akis. 22:12

Ebala Yesu ebe, “Kiirasi, abuni ayoŋ atipei! Ayauni ayoŋ ŋiropito kaŋ, oinak ŋinituŋanan ikwa itiyator.