Yer. 32:17 - Ebaibul

¹⁷ Okoe Ekapolon Akuj, arae iyoŋ isubuni nakuj ka nakwap ka apedor kon a ŋina apolon ka akan kon a ŋina agogoŋon, mam ibore ikipiyori iyoŋ.

Yer. 32:17 Iomraidhean Croise

Akisy. 18:14

Eyai mono ibore ŋini etyono aneni ke Ekapolon a? Aboŋuni ayoŋ neni kon apaki ŋina itemokinitoe, apaki ŋina ejokunia ekaru ŋina ieteunio, apaki ŋin, eyakaunor Sara ikoku ŋinisapat.”

2 Ŋirw. 19:15

Kilip Esekia neni ke Ekapolon tema, “Okoe Ekapolon ŋolo irae Akuj a Ŋisirael. Iyoŋ ŋolo iboi alokicoloŋ a ŋolo alokidiŋ Ŋikerubim. Iyoŋ bon irae Akuj a ŋakwapin a daadaŋ. Iyoŋ ibu tosub nakuj ka akwap.

2 Ŋirw. 3:18

Erae ŋun ŋakiro ŋuna epataka aneni ke Ekapolon, ebuni daŋ iŋes akipotokin akwap a Moab nakan kus.

Neem. 9:6

Tolimu nai Esira tema, “Iyoŋ bon irae Ekapolon, iyoŋ isubuni kidiama, iyoŋ isubuni nakuj ka ŋasuban daadaŋ ŋulu eya kidiama, iyoŋ isubuni akwap ka ŋiboro daadaŋ ŋulu eyakasi nakwap, ŋanamyo ka ŋisubuna daadaŋ ŋulu eya tooma kec. Iyoŋ iinakini akiyar neni kec a daadaŋ, ido ilipete neni kon ŋisubuna ŋulu eya kidiama.

Yob 42:2

“Ekapolon ayeni ayoŋ atemar ipedori iyoŋ akitiya ŋiboro daadaŋ ka emam ibore ikitukuruwori iyoŋ akitiyakin.

Ŋikiru. 102:25

Koloŋo sek, ibu iyoŋ tosub akwap, ido ibu iyoŋ anapedor kon tosub nakuj.

Ŋikiru. 136:12

Abu iŋes yau ikes ka apedor a ŋina etiron, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Awos. 20:11

anerae ŋirwa ŋikanikapei, abu Ekapolon kitiya, tosub nakuj, akwap, anam ka ibore daadaŋ ŋini eyai tooma kec. Aŋun, abu Ekapolon kiterereŋ akoloŋit ŋina a Sabato kitesegu.

Isa. 42:5

“Alimu Akuj, Ekapolon ŋakiro nu atemar, Ŋae asubuni kidiama, ido topetak ariwo? Ŋae apetakini akwap ka etolomuni ibore ŋini elomunit anakwap? Ŋae einanakini ekieŋanu neni a ŋituŋa a ŋulu iboiyete anakwap ka neni a ibore a daadaŋ a ŋini elosi anakwap?

Isa. 44:24

Alimu Ekapolon Ekalakunan kus, ŋolo abu ikiyeu iyes anakookyes atatoto kus ebe, “Arae ayoŋ Ekapolon ŋolo asubuni ŋiboro daadaŋ, ayoŋ abu opetak kidiama, ayoŋ elope abu opetak akwap.

Isa. 45:12

Ayoŋ asubuni akwap ka abu osub ŋituŋa ŋulu eya nakwap; ayoŋ abu opetak kidiama ka abu olimu atemar toyakaun nen ŋisubuna ŋulu eya kidiama.

Isa. 59:1

Kiirasi, nyitamete atemar nyepedori Ekapolon alakun, kori nyepedori akiirar akigworo kus.

Yer. 1:6

Abu nai ayoŋ otema, “Okoe Ekapolon Akuj! Kire jik, nyayeni ayoŋ erwor, anerae eriŋa ayoŋ arae idya.”

Yer. 14:13

Olimu nai ayoŋ otema, “Okoe, Ekapolon Akuj! Ŋikadwarak lu ŋulu elimonokinete ŋituŋa ebe, ‘Nyikiaryo iyes a ekileŋ, kori nyiyakaunotor iyes eron, nai akainakini ayoŋ iyes ekisil ŋolo a kire anakibois a na.’ ”

Yer. 21:2

“Ekelipit ayoŋ iyoŋ kiŋit Ekapolon aŋuna kosi, anerae ikirikau iwon erwosit Nebukadinesar ŋolo a Babilon, acepaki epedori Ekapolon akitiya aumokinet aŋuna yok lopite ŋolo sek etiyaenenia, ido inak Nebukadinesar toboŋo aneni yok.”

Yer. 27:5

Erae ayoŋ asubuni akwap a apedor kaŋ a ŋina apolon ka a agogoŋu kaŋ, ayoŋ asubuni ŋituŋa ka ŋityaŋ ŋulu eya nakwap, ido ainakini ayoŋ neni a ŋini acamit ainakin.

Yer. 32:27

“Topupok, arae ayoŋ Ekapolon, Akuj a ŋituŋa a daadaŋ; eyai mono ibore ekepiyori ayoŋ akitiyakin a?

Yer. 33:3

“Tonyarae ayoŋ, akaboŋokini ayoŋ iyoŋ, akalimokini ayoŋ iyoŋ ŋakiro ŋuna apolok, ŋuna imunonitae, ŋakiro ŋuna nyeyenuna iyoŋ.

Yer. 4:10

Abu nai ayoŋ otema, ‘Okoe, Ekapolon Akuj, kire idau iyoŋ amodikin ŋituŋa a Yerusalem analimokin ikes atemar emam ŋace eyakaun neni kus,’ toarete bo ŋimoe ikes!”

Yer. 51:15

“Ekapolon koloŋ asubi akwap a apedor keŋ, iŋes ewuakini akwap a aosou keŋ, ka iŋes abu topetak kidiama anayenut keŋ.

Yer. 51:19

Nyikoni Ekapolon Akuj a Yakob neni, anerae iŋes etiyauni ŋiboro daadaŋ, ido erae Isirael ekabila ŋolo a ŋituŋa keŋ a ŋulu abu iŋes toseu. Erae ekiro keŋ Ekapolon ŋolo a ŋajoresyo.”

Esek. 11:13

Ani eriŋa ayoŋ adwari ŋakiro ŋun, kiridak Pelatia lokoku a Benaia. Abu nai oramakin kwap ejuuru, eorou nooi otema, “Mam, Ekapolon Akuj! Imunyari kire iyoŋ ŋipiya ŋulu eyakasi Isirael a?”

Esek. 9:8

Apaki ŋina aaryata ŋikilyok ŋul ŋituŋa, ayai ayoŋ neni kaŋ bon, abu ayoŋ oper alokwap obuburiyar, ekalou otema, “Okoe Ekapolon Akuj! Imunyari kire iyoŋ ŋipiya a Ŋisirael daadaŋ ananyunyura kon a ŋina iyau iyoŋ lotuŋa a Yerusalem a?”

Dan. 2:22

isileereununui ŋakiro ŋuna nyepatana ayenun ka ŋuna imunono; eyeni ŋuna eya nakiryonut ka eyai akica neni eyai iŋes.

Dan. 6:20

Ani eapiyari iŋes nadui neni ayai Daniel, kiworou a etoil a ŋolo eyaloloŋi enyarit Daniel ebala, “Okoe Daniel, eketiyan a Akuj a ŋina eyari, ikiu iyoŋ Akuj kon ŋina itiyanakini iyoŋ anakikinyoma a? Ikiu iŋes iyoŋ aneni a ŋiŋatunyo a?”

Sakar 12:1

Erae nu ŋakiro a Ekapolon aŋuna a Isirael, ŋakiro a Ekapolon a ŋolo abu tosub kidiama lopite ŋolo eyakar, tosub akwap, ido inak akiyar neni a ituŋanan. Ebala iŋes ebe,

Sakar 8:6

Tari ketakan alorwa a lu ŋakiro nu esibit nyitiyakin, iirarete ŋapiya a ŋituŋa ka akwap a Yerusalem, nai etakanunete aneni kaŋ erae ŋuna itiyakin.

Ekim. 11:23

Toboŋok Ekapolon Moses tema, “Edit mono apedor ke Ekapolon a? Iŋolikini iyoŋ tokona, kiyookin ŋakiro kaŋ, kori pa kiyookin.”

Mat. 19:26

Kitek Yesu ikes tema, “Alotuŋa nyepedorosi, nai aneni ka Akuj epedorosi ŋiboro daadaŋ.”

Mar. 10:27

Kitek Yesu ikes tema, “Nyepedorosi ŋiboro ŋul alotuŋa, nai aneni ka Akuj epedorosi ŋiboro daadaŋ.”

Luk. 1:37

Anerae emam ibore ŋini ipiyori Akuj.”

Luk. 18:27

Toboŋok Yesu ikes tema, “Ŋuna nyepedorosi alotuŋa, epedorosi aneni ka Akuj!”

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋitic. 15:18

Ayoŋ Ekapolon, ŋolo aberakin koloŋ sek akiteyenun ŋakiro nu ŋuna etiyakini.’

Ŋitic. 17:24

Akuj na ŋina asubuni akwap ka ibore daadaŋ ŋini eyai tooma keŋ, ŋina erae Ekapolon ŋolo anakuj ka akwap; nyiboi iŋes anakais a ŋuna edukito ŋituŋa akilipya ŋakujo.

Akis. 4:11

“Ekapolon ka Akuj kosi! Emaikina iyoŋ toryamu apolou, akerit, ka apedor, anerae ibu iyoŋ tosub ŋiboro daadaŋ, ka aŋuna ka acamit kon ibu tosub ikes inak akiyar.”