Yer. 31:7 - Ebaibul

⁷ anerae alimu Ekapolon atemar, toeikisi icelasi ka alakara aŋuna a ŋituŋa a Yakob, tocelutu aŋuna ka akwap a ŋina epol akilo ŋakwapin daadaŋ, kiserautu, inakisi akipuro, temasi ‘Okoe Ekapolon, toiu ŋituŋa kon, ŋipiya a Ŋisirael.’

Yer. 31:7 Iomraidhean Croise

Ŋikiru. 106:47

Toiunae isua, okoe Ekapolon Akuj kosi, tocununae isua anakwapin, ikotere isua ikilakar aŋuna ke ekiro kon a ŋolo asegan, kitopolooroe akipuro iyoŋ.

Ŋikiru. 126:2

Ikipotu isua olakaros, oeoto ŋieosyo ŋulu ka alelyanu. Apotu nai ŋituŋa a ŋakwapin a ŋunace temasi, “Etiya Ekapolon ŋakiro ŋuna apolok nooi aŋuna a ŋituŋa keŋ.”

Ŋikiru. 14:7

Okoe, elipi ayoŋ atemar bu aiuno neni a Ŋisirael alo Sion! Apaki ŋina inyakakinia Ekapolon ŋituŋa keŋ ebari, elelyanete ŋituŋa a Yakob; elakarosi Ŋisirael.

Ŋikiru. 28:9

Okoe Ekapolon, toiu ŋituŋa kon, kiterereŋ ŋituŋa kon; toruwor ekeyokon kec ka kiric ikes ŋikaru ka ŋikaru.

Ŋikiru. 67:1

Elipi ikisyon ka ikiterereŋ iwon Akuj, ikitoodik iwon arimao keŋ,

Ŋikiru. 69:35

anerae eiuni Akuj Sion, edukokinio nabo ŋitaunio ŋulu a Yudaya; ido iboikinosi ŋituŋa keŋ nen, toruwor akwap ŋin ŋina kec;

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 37:31

Epitunete ŋituŋa a Yudaya ŋulupiya, edupakin ikwa ŋataaŋor alokwap ekitoe ka elalaketa ikwa ŋaraito alokidiama ekitoe.

Isa. 37:4

Acepaki iirarit Ekapolon Akuj kon ŋakiro ŋuna erwor ekapolokiniton a ŋasigarya ka Asiriya, ŋolo iyakuunit ekapolon keŋ erwosit ka Asiriya ajamuwanar Akuj ŋina eyari, ikotere nai Akuj itoŋoiyari iŋes aŋuna a ŋakiro a ŋuna eira Ekapolon Akuj kon. Aŋun, kilip a ŋuna a ŋituŋa a ŋulu eriŋa idoŋito.”

Isa. 44:23

Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Isa. 52:8

Kiirasi, ecelasi ŋikererok alotaun kus, ecelasi ikes daadaŋ elelyanete; anerae eteete ikes ileere anakonyen kec Ekapolon ebuni Sion.

Isa. 61:9

Eyenunio ŋiletok kec anakwapin ka eyenunio ŋidwe kec alotuŋa, ŋituŋa daadaŋ ŋulu iŋolikinete ikes, ecamunete atemar erae ikes ŋituŋa ŋulu adau Akuj akiterereŋ.”

Yer. 20:13

Toeokisi neni ke Ekapolon, kipuro Ekapolon, anerae alaku iŋes akiyar a ŋulu eyakatar akiitanit, alaku anapedor keŋ ŋulu itiyaete aronis.

Yer. 23:3

Tosodi ayoŋ elope acununi ŋipiya a ŋituŋa kaŋ anakwapin a daadaŋ a ŋuna abu ayoŋ erita ikes, enyakuni ayoŋ ikes nakwap kec ka epitunete ikes tolalata.

Yer. 3:23

Kire jik, erae akilip neni a ŋakujo alokidiama ŋikamukumukui acaryoit, erae ainakina nooi akilip neni a ŋakujo alokidiama ŋimoru acaryoit. Kire jik, erae neni a Ekapolon Akuj yok eyai aiuno a Ŋisirael.’

Yer. 31:12

Epote ikes toeikis ecelasi alokidiama Sion, elelyanete ikes aŋuna a ŋarereŋisyo aŋuna iterereŋio Ekapolon ikes, elelyanete ikes aŋuna a ŋainakineta aŋuna a ŋikinyom, a epiini ka akimyet ŋina a ŋikito a Olipa, eryamunete ikes ŋainakineta ŋuna a ŋikaalei a ŋamesekin ka ŋitak a ŋaatuk. Ikwaanikinosi ikes ka emanikor ŋolo elelekinito ŋakipi nyepalagageta ikes nabo jik.

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Esek. 6:8

“‘Nai apiyanuni ayoŋ ŋituŋa kus ŋidi. Ebucarosi ŋidi kus anatwanare a ŋina ikiaryata ŋakwapin iyes, ido ielaryo ŋul nakwapin.

Osea 1:7

Nai esyoni ayoŋ ŋituŋa a Yudaya aiuni ayoŋ ikes, nyaiuni ayoŋ ikes a akau a ŋina a ŋikaleŋeleŋe, kori a ekileŋ, kori a ŋiboro a ŋulujiet; nyaiuni ayoŋ ikes a ŋaŋolei, kori a ŋasigarya a ŋuna edokito ŋaŋolei nai aiuni ayoŋ ikes a apedor a Ekapolon Akuj kec.”

Yoel 2:32

Nai ituŋanan daadaŋ ŋini enyarit ekiro ŋolo ke Ekapolon, eiunio; anerae eyakaun lomukura Sion ka Yerusalem ŋulu esiyete anakiro a ŋun, ikwapei alimunio Ekapolon, ido ŋice alokidiŋ ŋulu ideun, eruworosi ŋulu erae Ekapolon enyarae.”

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Mika 2:12

“Okoe iyes ŋituŋa a Yakob, kire jik, akacunakini ayoŋ iyes daadaŋ iwapei, acunakini ayoŋ ŋipiya a Ŋisirael; acunakini ayoŋ ikes kaapei ikwa iudere ŋamesekin nanok, acununi ayoŋ ikes ikwa ecunere esipan a ŋamesekin anadakar; ilelebun ŋituŋa nakibois kus nooi.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Ŋirom. 11:5

Ikote tokona daŋ nenipei: eyakasi ŋituŋa ŋidikudyo ŋulu adau Akuj aseun aŋuna ka ajokis keŋ.

Ŋirom. 9:27

Abu ekadwaran Isaya kisileereu ŋakiro a Ŋisirael tema, “Tari kelalak ŋituŋa ŋulu a Isirael ketya asinyon ŋina ka anam, ŋidikudyo bon eiunio;

Ŋikis. 28:13

Ikituruwori Ekapolon iyes ŋulu ipolokinito ŋituŋa ŋuluce, meere ŋulu ikipolokinitoe, ikiturubakini Ekapolon iyes ipolokinito ŋuluce, meere ŋulu ikipolokinitoe. Itiyakin ŋun erae kiwuapa iyes ejok ŋakiciketa ŋuna ke Ekapolon Akuj kus ŋuna ekecik ayoŋ iyes akiwuap nakoloŋit na

Ŋikis. 32:43

“Okoe ŋituŋa a ŋakwapin, kitopoloosi ŋituŋa a Ekapolon kilipa neni keŋ iyes ŋakujo daadaŋ, anerae inyaŋi iŋes ŋaokot a ŋiketiyak keŋ, inyaŋi ŋakiro a ŋimoe keŋ, isicani ŋulu eremokino iŋes, tolema aronis anakwap a ŋituŋa keŋ.”