Yer. 31:11 - Ebaibul

¹¹ Aiu Ekapolon ŋituŋa a Yakob, alaku ikes aneni a ŋulu egogoŋ akilo ikes.

Yer. 31:11 Iomraidhean Croise

Ŋikiru. 142:6

Topupok akigworo kaŋ, anerae eketapapanun ayoŋ. Toiunae ayoŋ aneni a ŋikesicanak kaŋ, anerae egogoŋ ikes nooi akilo ayoŋ.

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Isa. 44:23

Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Isa. 48:20

Towotokisi alo Babilon, toema alo Babilon tolimosi ŋakiro ŋun ke ecelet a ŋolo ka alakara, kiserautu ŋakiro ŋun. kitodolo ŋakiro ŋun nakisaleta ka akwap, temasi iyes, “Alaku Ekapolon ŋiketiyak keŋ ŋiletok a Yakob.”

Isa. 49:24

Epatana mono ademar ituŋanan ibore ŋini eŋatunit a? Kori epatana mono ademun aneni a ekadedeŋan ŋituŋa ŋulu ekamaritae a?

Isa. 49:25

Nai alimu Ekapolon atemar, epedoryo ademun aneni a ekadedeŋan ŋituŋa ŋulu ekamaritae ka epedoryo ademun ituŋanan ibore ŋini eŋatunit, anerae etiji ayoŋ ŋulu ikitijiyete iyes, ido aiuni ayoŋ ŋidwe kus.

Isa. 51:11

Aŋun, eboŋunete ŋituŋa ŋulu elakakinit Ekapolon, epote Sion eosi, eyakaunotor ikes alelyanu ŋina nyedaun, eryamunete ikes alelyanu ka alakara, emamukaun aneni kec akiyaloloŋ ka akisuta.

Yer. 15:21

Akalakuni ayoŋ iyoŋ anapedor a ŋulu aronok, akalakuni ayoŋ iyoŋ anagogoŋ a ŋulu aryenyaanak.”

Yer. 50:33

Alimu Ekapolon ŋolo a ŋajoresyo ebe, “Isicanitae ŋituŋa a Isirael ka ŋituŋa a Yudaya daŋ, ewounitotor ŋikekamarak kec ikes, nyecamito akimyekin ikes toloto.

Yer. 50:34

Egogoŋ Ekalakunan kec, erae ekiro keŋ Ekapolon ŋolo a ŋajoresyo. Kire jik eji iŋes aŋuna kec, ikotere eyauni ekisil nakwap kec, nai eyauni iŋes egurigur ŋoloruba neni a ŋituŋa a Babilon.”

Aum. 3:58

“Okoe Ekapolon, ibu iyoŋ towo aŋuna kaŋ, ibu iyoŋ tolaku akiyar kaŋ.

Osea 13:14

Alakuni ayoŋ ikes anapedor a ŋina ka akibois a ŋikatwak nyalakuni ayoŋ ikes anatwanare. Okoe atwanare ai eya ŋakicanicaneta kon? Okoe akibois a ŋikatwak, ai eyai akinyasun kon? Nyesyonikini ayoŋ ŋituŋa lu jik!

Sakar 9:16

“Ani edoluni akoloŋit ŋin, eiuni Ekapolon Akuj ŋituŋa keŋ lopite ŋolo eiunia ekeyokon ŋamesekin keŋ alocan. Ileereunete ikes anakwap ke Ekapolon a Akuj ikwa ŋasuwa ŋuna amilimilak ŋuna inaminamitae lobokot.

Mat. 12:29

“Ikokini mono ai ituŋanan epedori alomar lore ŋolo ke ekile a ŋolo agogoŋon tolema ŋiboro keŋ, erae pa keroc mono ekile ŋol, tosodi nai tolema ŋiboro keŋ?

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Mat. 22:29

Nai toboŋok Yesu ikes tema, “Idyakarito iyes, anerae nyiyenete ŋuna igiritae Nakigireta kori apedor ŋina ka Akuj.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.