Yer. 31:1 - Ebaibul

¹ Alimu Ekapolon ebe, “Apaki ŋin aruwor ayoŋ Akuj a ŋikalya a daadaŋ a ŋulu a ŋituŋa a Isirael, ido eruworosi ikes ŋituŋa kaŋ.

Yer. 31:1 Iomraidhean Croise

2 Sam. 7:24

Ituruwo iyoŋ Ŋisirael kire jik ŋituŋa kon a alope ŋikaru ka ŋikaru, okoe Ekapolon, idau iyoŋ aruwor Akuj kec.

Ŋikiru. 144:15

Elakara ŋituŋa ŋulu eryamunete ŋarereŋisyo ŋun; elakara ŋituŋa ŋulu erae Akuj Ekapolon kec.

Ŋikiru. 48:14

atemar Akuj yok na ŋina a ŋikaru ka ŋikaru, iŋes erae ŋina ikiuryarit iwon ŋikaru ka ŋikaru.

Isa. 20:6

Akoloŋit ŋin elimunete ŋituŋa ŋulu iboiyete alodiyete anam ebe, ‘Kiŋolikisi ŋakiro ŋuna etiyakin neni a ŋituŋa a ŋulu ikigeno iwon, a ŋulu aponi iwon toemae neni kec aryamun akiŋarakinet ka alakuno aneni a erwosit ka Asiriya. Ani bo iwon, ikokinio ai ebucaroi?’ ”

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 3:18

Alorwa a ŋul, imorikinosi ŋituŋa a Isirael ka ŋituŋa a Yudaya, epote ikes kaapei anakwap a ŋina alo Kuju a ŋina arikoritae ikes, epote nai ikes nakwap ŋina abu ayoŋ oinak atapapaa kec toruwor ŋina kec.

Yer. 30:10

“Nai ani eruwor iyes, nyikuryaketa iyes ŋiletok a Yakob, iyes ŋiletok a Isirael, nyikikadak, anerae alosi ayoŋ aiun iyes anakwapin a ŋuna alwanak, aiuni ayoŋ ŋiletok kus anakwap a ŋina aponi torikoroe ikes. Eboŋunete ŋiletok a Yakob kiboikinos a ekisil emam ŋace, ido mam ituŋanan itukuryani ikes.

Yer. 30:22

Iruworosi nai iyes ŋituŋa kaŋ ka aruwor ayoŋ Akuj kus.”

Yer. 30:24

Nyedaun aŋoit ke Ekapolon ŋina aryenyaanan, akitodol ŋina edaunia iŋes akitiya ŋuna ecamit iŋes akitiyakin. Alorwa a ŋulu eponito, iyenunete iyes ŋakiro ŋun.

Yer. 30:3

anerae eponito kire jik ŋirwa ŋulu enyakakinia ayoŋ ŋarereŋisyo neni a ŋituŋa kaŋ ŋulu a Isirael ka Yudaya, ido aŋauni ayoŋ ikes nakwap ŋina abu ayoŋ oinak atapapaa kec ka ituruworete ikes akwap ŋin ŋina kec.’ ”

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 32:38

Eruworosi ikes ŋituŋa kaŋ ka aruwor ayoŋ Akuj kec.

Yer. 33:14

Alimu Ekapolon ebe, “Kire jik, eponito ŋirwa ŋulu esiyookinio ayoŋ akiikinet kaŋ neni a ŋituŋa a Isirael ka ŋituŋa a Yudaya.

Yer. 33:7

Enyakuni ayoŋ ŋituŋa a Yudaya ka ŋituŋa a Isirael aneni aponi torikoroe, etogogoŋ ikes lopite ŋolo ayakatar ekiŋaren.

Yer. 50:4

“Alorwa a ŋul ka anapaki a ŋin, epote ŋituŋa a Isirael ka ŋulu a Yudaya kaapei igworosi iwarito Ekapolon Akuj kec.

Esek. 11:20

ikotere nai ikes ikiwuapeta alotooma anupit ŋikisila kaŋ ka iwuapete ŋuna atubunit ayoŋ. Eruworosi ikes ŋituŋa kaŋ ka aruwor ayoŋ Akuj kec.

Esek. 34:24

Ayoŋ Ekapolon aruwor Akuj kec, eketiyan kaŋ Daudi iŋes eruwor ekepukan kec. Ayoŋ Ekapolon adau alimun ŋun.

Esek. 34:31

Iraakasi iyes ŋamesekin kaŋ, ŋamesekin ŋuna eyoki ayoŋ ka arae ayoŋ Akuj Kus.”

Esek. 36:28

Ŋun nai iboikinotor iyes nakwap ŋina koloŋ abu ayoŋ oinak atapapaa kus ka iruworosi iyes ŋituŋa kaŋ, aruwor ayoŋ Akuj kus.

Esek. 39:22

Ameun akoloŋit ŋin tari lorwa ŋulu eponito, eyenunete Ŋisirael atemar arae ayoŋ Ekapolon Akuj kec.

Esek. 39:25

“Aŋun, alimu Ekapolon Akuj atemar, enyakuni tokona ayoŋ ŋapiya a Yakob anakwapin a ŋuna aponi torikoroe, esyoni ayoŋ Ŋisirael daadaŋ ka euryari ayoŋ ekiro kaŋ ŋolo asegan nyituruwor ekoŋinait.

Osea 1:11

Imorikinosi nabo ŋituŋa a Yudaya ka ŋulu a Isirael, eseunete nai ikes ekarikon kec epei, ikamarete ikes akwap kituruwosi ŋina kec. Kire, eruwor akoloŋit ŋina itiyakinotor ŋakiro ŋun alo Yesireel akoloŋit ŋina apolon nooi.

Ŋilep. 26:12

Ikirukori ayoŋ kaapei ka iyes, aruwor Akuj kus, iruworosi iyes ŋituŋa kaŋ.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Yoa. 20:17

Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”

Ŋibur. 12:16

Nyitemokino idio kus eruwor ŋini emalaana kori ŋini ejamuwarit Akuj, ikwa Esau ŋolo abu kisyeca anakimujet ka apei bon apolou ŋina araakar iŋes esapat ŋolo kiyae.