Yer. 30:18 - Ebaibul

¹⁸ Alimu Ekapolon ŋakiro nu ebe, “Enyakari ayoŋ ŋituŋa kaŋ nakwap kec, ido esyoni ŋikalya daadaŋ, edukokinio Yerusalem nabo, inyakakinio akai ŋina ka apukan nakibois ŋina pei sek ayai.

Yer. 30:18 Iomraidhean Croise

1 Ŋakiro a ŋirwa 29:1

Tema nai erwosit Daudi neni a ŋituŋa a ŋulu atukokina daadaŋ, “Lokoku kaŋ lo Solomon ŋolo erae iŋes aseu Akuj, eriŋa iŋes edit, ido emam ŋuna alalak ŋuna eyeni. Epol etic nooi, anerae Akai ŋina ti apolon na, meere ŋina a ŋituŋa, nai erae ŋina ke Ekapolon Akuj.

1 Ŋakiro a ŋirwa 29:19

Inak Solomon lokoku kaŋ kiwuap anacamit a ekeetau a daadaŋ ŋakiciketa kon, ŋakiro ŋuna itubuni iyoŋ ka ŋikisila kon, ido kitiya ibore daadaŋ aŋuna ka adukokin Akai kon ŋina adau ayoŋ alemun ŋiboro ŋuluduket.”

Neem. 7:4

Alal etaun nai akudyoko ŋituŋa ŋulu ayakasi tooma keŋ ka ariŋa nyedukokina ŋakais.

Ŋikiru. 102:13

Ibuni iyoŋ, ido kisyoni Sion, anerae adolu apaki ŋina isyonio iyoŋ iŋes. Adolu apaki ŋina etemokinitoe,

Ŋikiru. 102:14

anerae eminasi ŋiketiyak kon Sion; nyelakara ikes aŋuna ka akinyasuno keŋ.

Ŋikiru. 122:7

Ikilipi toyakaun ekisil neni a ŋulu eya tooma ŋarwatatain kon ikilipi toyakaun ekisil nakiboisyo kon ŋuna ka apukan.”

Ŋikiru. 48:13

kisyemeto ejok ŋarwatatain keŋ ka ŋaduketa ŋuna kirereet alotooma keŋ, ikotere ipedorete alimokin ŋanyameta ŋuna eponito,

Ŋikiru. 48:3

Etoodiu Akuj atemar eiun ŋituŋa a nen, aneni eyai iŋes;

Ŋikiru. 78:69

Abu Akuj todukok nen Akai keŋ, ikwaan ke ere keŋ ŋolo anakuj; abu kitogogoŋ Akuj keŋ lopite ŋolo abunio tosubunia akwap erae ŋina egogoŋ ŋikaru ka ŋikaru.

Ŋikiru. 85:1

Okoe Ekapolon, isyonit sek iyoŋ akwap kon, inyakak iyoŋ ajokis neni a Ŋisirael.

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Isa. 44:28

Ayoŋ alimokini neni a erwosit Kirus ebe, ‘Irae iyoŋ ekeyokon a ŋituŋa kaŋ, itiyae iŋes ŋakiro daadaŋ ŋuna acamit ayoŋ.’ Ayoŋ alimuni aŋuna a Yerusalem ebe, ‘Edukokinio iŋes nabo,’ ayoŋ alimuni aŋuna ka Akai ka Akuj ebe, ‘Edukokinio akisyakinet a aduketait kon.’ ”

Yer. 23:3

Tosodi ayoŋ elope acununi ŋipiya a ŋituŋa kaŋ anakwapin a daadaŋ a ŋuna abu ayoŋ erita ikes, enyakuni ayoŋ ikes nakwap kec ka epitunete ikes tolalata.

Yer. 29:11

Kire jik, ayeni ayoŋ ŋakiro ŋuna ayeunit aŋuna kus, ŋayeuniata ŋuna ka ajokis kus, meere ŋuna ka akiwan iyes, akainakini ayoŋ iyes akigeno ŋina ka akiyar a ŋina arwanu.

Yer. 29:14

ekemyekini ayoŋ iyes ikiryamut ayoŋ, ido ekenyakakini ayoŋ iyes ŋarereŋisyo daadaŋ ka akacununi ayoŋ iyes anakwapin a daadaŋ ka anakiboisyo a daadaŋ a ŋuna abu ayoŋ ekerita iyes, ekenyakuni ayoŋ iyes nakibois ŋina ekeyakiyarya ayoŋ iyes nakwapin aruwor ŋirikon.”

Yer. 30:3

anerae eponito kire jik ŋirwa ŋulu enyakakinia ayoŋ ŋarereŋisyo neni a ŋituŋa kaŋ ŋulu a Isirael ka Yudaya, ido aŋauni ayoŋ ikes nakwap ŋina abu ayoŋ oinak atapapaa kec ka ituruworete ikes akwap ŋin ŋina kec.’ ”

Yer. 31:23

Alimu Ekapolon ŋolo a ŋajoresyo, Akuj a Ŋisirael ebe, “Apaki ŋina enyakunia ayoŋ ŋituŋa kaŋ nakwap kec, elimunete nabo ikes ŋakiro nu anakwap a Yudaya ka alotaunio a Yudaya ebe, ‘Ikilipi kiterereŋ Ekapolon ekamukumukut a Yerusalem ŋolo asegan, akibois ŋina asegan ŋina iboiyo iŋes.’

Yer. 31:38

Alimu Ekapolon ebe, “Kire jik, eponito ŋirwa ŋulu edukokinere nabo etaun aŋuna a Ekapolon, ameun anaduketait a ŋina aoyan a ŋina enyaritae Ananel tari lopuke ŋolo ke Ekoona,

Yer. 31:4

Okoe ŋituŋa a Isirael, eketogogoŋi ayoŋ iyes nabo iruworosi nabo ŋulu igogoŋ. Ilemunete nabo iyes ŋiburin kus, tolomasi kiŋa kidoŋata ka alakara.

Yer. 31:40

Akadipaalat daadaŋ ŋina enukio ŋikatwak ka neni etukonokinio ekuron, ŋimanikorin daadaŋ todol tari nayonae Kidiron kiropo lokoona a epuke a ŋaŋolei ŋolo eyai Kide, eruwor nen daadaŋ akibois ŋina italeoritae aŋuna a Ekapolon. Nyemunaaryo nabo etaun, kori nyikamaryo.”

Yer. 32:15

anerae alimu Ekapolon ŋolo a ŋajoresyo, Akuj a Ŋisirael atemar egyelyo moi nabo anakwap a na ŋakais, ŋimanikorin ŋulu a ŋikinyom ka ŋimanikorin ŋulu edupitae ŋikito a epiini.’ ”

Yer. 32:44

Egyelyo ŋimanikorin a ŋisiliŋa, iwuakinete ŋituŋa ŋakan kec nabaruwae ŋuna ka acamunet a ŋina egyelere ŋimanikorin ŋul, ido togolokinoe ŋabaruwae ka emaikina toyakas ŋisuudae, itiyakin nu anakwap a Benjamin, anakiboisyo a ŋuna idunyito Yerusalem, lotaunio a Yudaya, anakwap a ŋina a ŋikamukumukui, alo Sepela, alo Negeb, anerae enyakuni ayoŋ ŋituŋa nakwap kec. Adau ayoŋ Ekapolon alimun ŋun.”

Yer. 33:11

etoil ŋolo ka alelyanu ka ŋolo ka alakara, etoil a eteran ka etoil a ateran, ŋitoilon a ŋituŋa a ŋulu eosi eyaunete ŋainakineta ŋuna ka alakara Kai a Ekapolon ebasi, ‘Tolakaros neni ke Ekapolon a ŋolo a ŋajoresyo, anerae ejok iŋes, erae amina keŋ ŋina nyiryaŋiryaŋa ŋikaru ka ŋikaru!’ Enyakakini ayoŋ ŋarereŋisyo nakwap na lopite ŋolo sek ayakatar ekiŋaren.

Yer. 33:7

Enyakuni ayoŋ ŋituŋa a Yudaya ka ŋituŋa a Isirael aneni aponi torikoroe, etogogoŋ ikes lopite ŋolo ayakatar ekiŋaren.

Yer. 46:27

“Nai ani eruwor iyes, nyikuryaketa iyes ŋiletok a Yakob, iyes ŋiletok a Ŋisirael nyikikadanak, anerae alosi ayoŋ aiun iyes anakwapin a ŋuna alwanak aiuni ayoŋ ŋiletok kus anakwap a ŋina aponi torikoroe ikes. Eboŋunete ŋiletok a Yakob kiboikinos a ekisil emam ŋace, ido mam ituŋanan itukuryani ikes.

Yer. 49:39

Nai ekaku enyakakini ayoŋ ŋarereŋisyo neni a ŋituŋa ka Elam.”

Yer. 49:6

“Nai ekaku enyakakini ayoŋ ŋarereŋisyo neni a Ŋiamoni.” Ekapolon alimu ŋun.

Esek. 36:11

Etalalauni ayoŋ ŋituŋa kus ka ŋibaren kus. Iyatakinosi ka epitunete. Ilalakunete iyes nooi akilo neni paaran sek ka etiyae ayoŋ neni ŋuna ajokak nooi iloito ŋuna ke ekiŋaren. Iyenunete nai iyes atemar arae ayoŋ Ekapolon.

Amos 9:14

Enyakuni ayoŋ ŋituŋa kaŋ Ŋisirael nakwap kec, edukokinete ikes nabo ŋitaunio kec ŋulu aponi kinyasunae, ido kiboikinos tooma ŋitaunio ŋul, itaete ikes ŋimanikorin kec ŋulu ke epiini, ido tomata epiini kec. itaete ikes ŋimanikorin kec, ido tonyama ŋaraito kec.

Sakar 1:12

Kiŋit nai emalaika Ekapolon tema, “Ekapolon ŋolo Etiron, tari ori iwounit iyoŋ ainakin akisyon neni a Yerusalem ka lotaunio ŋulu a Yudaya, ŋulu irubak iyoŋ iŋoikinit tari tokona ŋikaru ŋatomonikanikaarei?”

Sakar 1:16

Aŋun ŋakiro ŋuna irworo Ekapolon ikes nu, ‘Aboŋuni ayoŋ Yerusalem esyoni iŋes, ido edukokinio nabo Akai kaŋ nen. Ebutari etaun Yerusalem daadaŋ.’

Sakar 12:6

“Apaki ŋin, esikwaanikini ayoŋ ŋatekerin a Yudaya ka akim ŋina enomi amoni, kori ŋina enomi ŋatukon a ŋikinyom. Emunyarete ŋituŋa a Yudaya ŋituŋa a ŋakwapin a ŋuna idunyatar ikes. Idoŋete ŋituŋa a Yerusalem lotaun emam ŋace.

Sakar 12:7

“Ayoŋ Ekapolon ainakini akiloun neni a ŋasigarya a Yudaya mono, ikotere apolou ŋina eryamunete ŋipapae a Daudi ka ŋituŋa a Yerusalem nyeruwor ŋina iloit ŋina a ŋituŋa a Yudaya a ŋuluce.

Sakar 14:10

Akwap daadaŋ akisyakin alo Geba tari Rimon, alo Kwap Yerusalem, emamukaun neni edipal, kori emukur nai ikeunio Yerusalem kileŋor kidiama, ido erubakini eyai nenipei sek ayai akisyakin alopuke a ŋolo a Benjamin tari neni koloŋ ayai epuke ŋolo ke ekiŋaren, tomyaa lopuke ŋolo ke ekoona, ido akisyakin anaduketait a ŋina aoyan a ŋina ka Ananel tari neni ecuyere epiini ŋolo ke erwosit.