Yer. 30:15 - Ebaibul

¹⁵ Kaanukiro igworotor iyes aŋuna ka awananu kus? Nyelemar apipilu ŋina iyakatar iyes, anerae epol nooi aronis kus ka elalak nooi ŋasecisya kus, ayoŋ adau akitiya neni kus.

Yer. 30:15 Iomraidhean Croise

Esir 9:13

Atakanut ŋun daadaŋ neni kosi aŋuna a ŋiticisyo kosi a ŋulu aronok ka aŋuna a ekaile a ŋolo apolon, aŋuna ibunio iyoŋ Akuj kosi nyikisican isua lopite ŋolo amaikina ikisicanere isua aŋuna a ŋasecisya kosi, ido ikideu isua lupei lu ikirae ŋipiya,

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Yob 34:6

akilo ayoŋ araakau ŋolo eyookino, ekemarakin ayoŋ arae ekalyokonon; nyeeŋununui ayoŋ akisicanio, tari kemam ŋikisila abilit ayoŋ.’

Ŋikiru. 107:17

Abu kimatimataa ŋice aŋuna aŋerito ŋakiro ka Akuj, ka apotu toryamut ŋican aŋuna a ŋadyakanareta kec.

Isa. 1:6

Ameun anakejen kus anenidapal tari nakyes kus, mam neni ejok a nen, nai ileleba ŋawanan ka ŋajemei ŋuna eleleete ŋaakot; nyimadaritae ŋajemei ŋun, kori nyeenitae, kori nyiwasakinitae adiokimyet.

Isa. 5:2

Abu iŋes kita emanikor ŋol kidepana ŋamoru daadaŋ, ido todupak ŋikito a epiini ŋulu ajokak nooi; todukok kidiŋ emanikor epemu, ido tobokak akipany ŋina ecuyere epiini. Egeno iŋes atemar eraunete ŋikito ŋul ŋaraito a epiini ŋuna ajokak, nai apotu toraut ŋaraito ŋuna aronok.

Yer. 11:13

okoe ŋituŋa a Yudaya ariyanikin ekimar a ŋakujo kus ka ekimar a ŋitaunio kus ka ariyanikin ekimar a ŋamuroeta a ŋuna iduko iyes ka ŋirotin a Yerusalem. Erae ŋamuroeta ŋun ŋuna iinanakiniata iyes ŋainakineta neni a Baal.

Yer. 15:18

Kaanukiro nyedaununor aryeba kaŋ? Kaanukiro nyeiyonaryata ŋajemei kaŋ? Kire, ikoni iyoŋ aneni kaŋ ayonae ŋina edaunun ŋakipi ikamuni, ikoni iyoŋ eitanit ŋolo egolori ŋakipi.”

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 30:12

Alimu Ekapolon ŋakiro nu ebe, “Nyepedor akitiiyor ŋajemei kus, nyiŋaleunete iyes anawananu kus.

Yer. 30:14

Imuryakinosi iyes aneni a ŋulu ikiminasi iyes nyeriŋa ikes ikimisito iyes, anerae ekesican ayoŋ iyes lopite ŋolo isicanere emoit, ekesican ayoŋ iyes lopite ŋolo isicanere emoit ŋolo nyisyoniono anerae epol nooi aronis kus ka elalak nooi ŋasecisya kus.

Yer. 30:16

Aŋun, emunyaryo daadaŋ ŋulu apotu itomunyasi iyes, tosodi erikoryo ŋimoe kus daadaŋ erae ŋirikon, eŋataryo ŋiboro a ŋulu apotu toŋatasi ŋiboro kus, esicani ayoŋ ŋulu apotu ikisicana iyes.

Yer. 30:17

Eketojokuni ayoŋ iyes nabo, ka etiiyori ayoŋ ŋajemei kus, anerae ikinyarata ŋimoe kus iyes ebe, ‘Erae ikes ŋulu ilamitae, ilamitae Sion, mam ituŋanan emisit iŋes.’ ”

Yer. 46:11

Ŋituŋa a Ijipit toloto Gilead toryamut ekitoe ŋolokimadet ŋajemei, isitiyata iyes ŋikito ŋulu a akwap kus nai nyeŋaleuno iyes; nyiŋaleunete iyes.

Yer. 6:13

Ameun aneni a ŋulu itopolooritae ka ŋulucaryo, ecamit ŋinituŋanan akitiya ŋuna nyiyookino, ido ameun aneni a ŋikadwarak ka ŋisacaradotin itiyae ŋinituŋanan ŋuna ka alyokonu.

Aum. 1:5

Aruwor ŋimoe a Sion ŋikapolok keŋ, aruwor ŋikelounak, anerae emyek Ekapolon Sion toryamu ŋican aŋuna a ŋasecisya keŋ a ŋuna alalak nooi; alot ŋituŋa a Sion nakwapin, aruwor ŋirikon a ŋimoe a kec.

Aum. 2:13

Okoe ŋituŋa a Yerusalem, anukiro tokona alimuni ayoŋ aŋuna kus? Nyo ekesikwaanikinia ayoŋ iyes? Ŋae tokona ekesikwaanikinia ayoŋ iyes ikotere ayoŋ ekesirworiuni iyes? Mam ekisal a ŋican kus, ikwaan ka neni emamukar esal ŋolo ka anam; mam ituŋanan epedori akiteyar iyes nabo.

Aum. 3:39

Kaanukiro ikiŋuruŋurar iwon, iwon ŋituŋa apaki ŋina ikisicanere aŋuna ka asecit yok?

Aum. 4:13

Nai apotu ŋimoe topedosi, anerae apotu ŋikadwarak keŋ ka ŋisacaradotin keŋ toseca aŋuna aaryata alotooma etaun ŋituŋa ŋulu pa asecito.

Mika 1:9

Ikwaan ŋakiro a Samaria ka etoku; adolut ŋakiro ŋun tari Yudaya. adolut tari lokek a ŋituŋa kaŋ, Yerusalem elope.

Mika 7:9

Aŋuna aseca ayoŋ aneni ke Ekapolon, edaŋidaŋi ayoŋ anyunyura ke Ekapolon, akitodol ŋina akacamakinia iŋes ayoŋ, ido totub ŋakiro kaŋ. Akalemuni iŋes ayoŋ anakiryonut tooma nakica; eŋolikini ayoŋ iŋes akaiuni.

Naum 3:19

Mam epite ŋolo ikitojokunere iyoŋ anawananu kon, erae awananu kon ŋina ikiari iyoŋ. Ŋituŋa daadaŋ ŋulu iirarete atemar enyasun Ninepe, eramakinete ŋakan elakara, anerae mam ituŋanan ibu iyoŋ nyisican anadedeŋu kon a ŋina nyesaluni.