Yer. 30:14 - Ebaibul

¹⁴ Imuryakinosi iyes aneni a ŋulu ikiminasi iyes nyeriŋa ikes ikimisito iyes, anerae ekesican ayoŋ iyes lopite ŋolo isicanere emoit, ekesican ayoŋ iyes lopite ŋolo isicanere emoit ŋolo nyisyoniono anerae epol nooi aronis kus ka elalak nooi ŋasecisya kus.

Yer. 30:14 Iomraidhean Croise

Yob 16:9

Eketapapanu ayoŋ Akuj ananyunyura keŋ, ido akaremokin ayoŋ; etoodiu aŋoit keŋ neni kaŋ; eketeete ayoŋ ŋimoe kaŋ neni aronon.

Yob 19:11

Etirirau Akuj anyunyura keŋ aneni kaŋ aŋuna akaremokinor ayoŋ, ekemarak iŋes ayoŋ arae emoit keŋ.

Yob 30:21

Akuj, ikitiŋ iyoŋ ayoŋ ikiryenyanikinit, ikisican iyoŋ ayoŋ ka apedor kon a ŋina agogoŋon.

Ŋikiru. 107:17

Abu kimatimataa ŋice aŋuna aŋerito ŋakiro ka Akuj, ka apotu toryamut ŋican aŋuna a ŋadyakanareta kec.

Isa. 57:13

Ani ikalounete iyes icamito akiŋarakino, emaikina ŋakujo ŋuna irirato iyes ikilakut iyes. Iwokori ekuwuam ikes neni alwanan, ekutari ekieŋanu ikes nariet. Nai ŋini ekekinyomi ayoŋ, ebuni neni kaŋ aiuno, eryamuni akibois anakwap, eruwor emoru kaŋ ŋolo asegan akibois keŋ.

Yer. 14:17

Okolimok nai Ekapolon ayoŋ tema, “Tolimok ŋituŋa ŋul ŋakiro ŋuna iyaloloŋio iyoŋ nu: Elipi toleleta ŋakiyo anakonyen kaŋ apaaran ka akuwar, kerae nyajoŋo ayoŋ akigworo, anerae awani ŋituŋa kaŋ nooi, epol nooi awananu kec.

Yer. 2:36

Kaanukiro isaaryata iyes ilocokinioto ŋipitesyo kus? Ikisirumete iyes ŋituŋa a Ijipit ŋileec lopite ŋolo aponiata ŋituŋa ŋulu ka Asiriya ikisurumyata iyes ŋileec.

Yer. 22:20

“Okoe ŋituŋa a Yerusalem, kitipeiyosi Lebanon kigworo a nen, toloto Basan kigworo a nen icelasi, kioroutu alo Abarim, anerae amunyar ŋituŋa ŋulu iminin ka iyes daadaŋ.

Yer. 22:22

Ekutari ekuwuam ŋikepukak kus daadaŋ, erikoryo ŋituŋa ŋulu iminin ka iyes nakwap ace, tosodi ikirumete iyes ŋileec ka ikikadakini iyes aŋuna ka aronis kus.

Yer. 30:15

Kaanukiro igworotor iyes aŋuna ka awananu kus? Nyelemar apipilu ŋina iyakatar iyes, anerae epol nooi aronis kus ka elalak nooi ŋasecisya kus, ayoŋ adau akitiya neni kus.

Yer. 32:29

Epote Ŋibabiloniyae ŋulu itijiete ŋituŋa a etaun a lo, inokakinete akim kicunyakis etaun, icunyarete ikes ŋakais ŋuna ainanakinere alokidiama kec ŋainanakineta neni a Baal ka ainanakinere ŋainakineta a ŋimaten neni a ŋakujo a ŋunace, ŋakiro ŋuna apotu eketoŋoa ayoŋ.

Yer. 32:30

Mam ŋakiro ŋuna ajokak ŋuna etiyata ŋituŋa a Isirael ka ŋulu a Yudaya, nai ŋakiro ŋuna aronok bon etiyata ikes alokiŋaren kaŋ, ameun ŋina pei erae ikes ŋisorok, mam ŋakiro ŋuna ajokak ŋuna etiyata ŋituŋa a Isirael, nai eketoŋoa ayoŋ a ŋiboro a ŋulu itiyaete ikes a ŋakan kec.

Yer. 32:34

Apotu ikes tosipokis ŋitorubei ŋulu ka asiilyo Kai ŋina enyaritae a ekiro kaŋ, kinyasut Akai ŋin.

Yer. 32:35

Apotu ikes toduko ŋakiboisyo ŋuna aoyak ŋuna ilipere neni a Baal nakadipaalat alokoku a Inom, ikotere einanakiniata ŋidwe kec ŋulusapa ka ŋulupesur neni a Molek, tari daŋ pa kalimokinit ayoŋ ikes akitiya ŋun, nyepena tari ŋakiro ŋun natameta kaŋ atemar kitiyata ikes ŋiticisyo ŋulu ka asiilyo ŋul, ŋulu apotu kiteseca ŋituŋa a Yudaya.

Yer. 38:22

Abu ayoŋ eŋolik anakiruja ŋaberu daadaŋ ŋuna edoŋito kai ke erwosit a Yudaya erikoryo kiŋa neni a ŋikapolok a erwosit a Babilon ebasi, ‘Apotu ŋikonei ŋuluminan a erwosit tomodiyasi erwosit, apotu kilopiyasi iŋes anapolou. Aŋuna tokona epokia ecoto ŋakejen kon, ikimyekis ikes iyoŋ. Tokona a ŋina emiidikinotor ŋakejen a erwosit locoto emyekis ŋikonei keŋ iŋes.’

Yer. 4:30

Okoe Yerusalem, aema ŋituŋa aneni kon, anijokis enapitotor ŋituŋa kon ŋilowi ŋulu areŋak, anukiro esiritotor ŋituŋa kon a ŋinapen a ŋulu itiyaunitae a egolid ka iosyata eraŋgi nakonyen kec? Isibusasi ŋituŋa kon koŋin, ikijamuwarito iyes ŋulu ikiminasi iyes, iwarito ikes akiar iyes.

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Yer. 5:5

Emaikina ayoŋ olot neni a ŋikabarak erwor neni kec, kire eyenete ikes acamit ŋina ke Ekapolon, eyenete ikes ŋikisila a Akuj kec.” Nai aŋero ikes daadaŋ apolou a Ekapolon, awout akiwuap ŋakiro keŋ.

Yer. 5:6

Aŋun, eari eŋatuny ŋolo ebunit anamoni ikes, emunyari epeot ŋolo ebunit analoŋisat ikes. ite eris ŋitaunio kec eremokino; ituŋanan daadaŋ ŋini elomuni kiŋa alotaunio kec, enyilinyiliyaryo, anerae elalak ŋasecisya kec ka epol nooi epite ŋolo aŋeryoto ikes akiwuap ŋuna ebookoi.

Yer. 50:42

Etiŋito ikes ŋakawo a ŋikaleŋeleŋe ka ŋakwaaras, ededeŋ ŋituŋa ŋul ka nyisyonioko. Epol eruye ŋolo ebunit aneni kec ikwaan ka eruye ka anam, emeto ikes ŋaŋolei, ŋaŋolei ŋuna icodorito esibit ŋikajiok eya lojie, eponito ikes akitijiore iyes ŋituŋa a Babilon.

Yer. 6:23

Etiŋito ikes ŋakwaaras ka ŋakawo a ŋikaleŋeleŋe, ededeŋ ikes nooi, nyisyoniyoko, epol eruye a ŋakejen kec ikwaan ka eruye a ŋakipi anam, emeto ikes ŋaŋolei ka eyakatar ŋiboro daadaŋ ŋulujiet, okoe ŋituŋa a Sion eponito ikes akirem iyes!”

Aum. 1:19

“Aponi isua tonyarae ŋituŋa ŋulu sek ikiriit ka isua, nai apotu ikes ikilukis isua. Apotu ŋisacaradotin ka ŋikasikou kosi totwanikis lotaun eriŋa iwarito ibore ŋininyamat aŋuna ka arubakinia eyarete.

Aum. 1:2

Igworo iŋes akuwar kya epipilikinito ŋakiro, eleleete ŋakiyo alokelyo keŋ, mam ŋikonei keŋ ŋuluŋorok daadaŋ ŋolo ebuni akisirworiun iŋes; alukis iŋes ŋikonei keŋ daadaŋ, aruwor ŋikonei keŋ daadaŋ ŋimoe keŋ.

Aum. 2:1

Adau bareca Ekapolon anaŋoit keŋ atubun akisican ŋituŋa a Sion! Eturuwo iŋes akibuses ŋina ailiilon ŋina a Isirael acaryoit. Abu Ekapolon kimyek Akai keŋ akoloŋit ŋina abunio iŋes toŋoya.

Esek. 23:22

“Aŋun nai Ooliba, alimu Ekapolon Akuj atemar, ekesimani ayoŋ iyoŋ ŋuluminan kon, ŋulu ibu iyoŋ toesik ikitiiliyete ŋakiro ŋuna etiyaete ikes neni kon. Ayauni ayoŋ ikes neni kon ikiman iyoŋ alowaetin kon a daadaŋ.

Esek. 23:9

Aŋun, abu ayoŋ epotok iŋes neni a ŋuluminan keŋ, abu ayoŋ oinak iŋes neni a ŋituŋa ka Asiriya a ŋulu abu iŋes inak ekibure keŋ.

Dan. 9:11

“Abila ŋituŋa ŋulu a Isirael daadaŋ ŋikisila kon ka aŋero akiwuap ŋakiro kon, awout akiwuap ŋakiro ŋuna irworo iyoŋ, apotu neni kosi ŋilam ŋulu igiritae lokitaabo ŋolo a ŋikisila a Moses a eketiyan a ŋolo ka Akuj, anerae ikisec isua aneni kon!

Dan. 9:13

Lopite ŋolo igiritere lokisila a Moses, apotu ŋican lu daadaŋ neni kosi, nai nyemitakina isua akiwar ajokis ŋina ke Ekapolon Akuj kosi anakiŋer ŋasecisya kosi ka akiwuap ŋakiro keŋ ŋuna a kire.

Dan. 9:5

aseci isua ka etiyae ŋuna nyiyookino, etiyae isua ŋuna aronok ka ikiŋer isua iyoŋ, aŋeri isua ŋakiro ŋuna etubunit Akuj;

Osea 2:5

Abu toto kec tomalaan topotiu ikes anamalao ka ŋileec. Abu iŋes tema, “Ewarari ayoŋ ŋikilyok ŋulu amina ayoŋ, ŋulu akainakinete ayoŋ akimuj ka ŋakipi kaŋ, ŋulu akainakinete ayoŋ ŋilowi ŋulu edonyunitoe a ŋajul a ŋamesekin ka ŋilowi ŋulu amilimilak, ŋikilyok ŋulu akainakinete ayoŋ akimyet ka epiini.”

Osea 5:14

Aryanyaanikini ayoŋ Epuraim lopite ŋolo eryenyaania eŋatuny ka Yudaya lopite ŋolo eryenyaania itaok a eŋatuny. Ayoŋ elope amunyari ikes, ido emyek a nen, ani kariko ayoŋ ikes, mam ituŋanan epedori aiun ikes.

Obad. 1:7

“Adaut ŋituŋa daadaŋ ŋulu iponiata iyoŋ tocamunotor akiritar iyoŋ anakwap kon; ikimodikis iyoŋ ŋituŋa ŋulu iponiata iyoŋ kisilyata, ido adaut akiloun iyoŋ. Adaut ŋulu apotu kimuja aneni kon alokakin aloc aŋuna kon; ebasi ikes, ‘Mam ŋuna eyeni iŋes.’ ”