Yer. 30:13 - Ebaibul

¹³ Mam ituŋanan epedori akiŋarakin iyes, mam ekitoe epedori akitaŋaleun ŋajemei kus, nyeŋaleunete ŋawat kus.

Yer. 30:13 Iomraidhean Croise

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Yob 5:18

Ikiwani Akuj, nai iŋes pei ikimadi, ikidai Akuj, nai iŋes pei itiiyori neni ewanan.

Ŋikiru. 106:23

Aŋun, abu Akuj tolimu atemar amunyari ikes. Ani kerae nyedyekit Moses ŋolo arae eseuna ŋolo ka Akuj aŋuna kec Akuj, nyemunya ikes ananyunyura keŋ, kemunyarit Akuj ikes.

Ŋikiru. 142:4

Ani kaŋoleŋolek ayoŋ nawaetin kaŋ, mam ŋini ekeŋarakini ayoŋ, mam ŋini alosi ayoŋ oiun aneni keŋ; mam ŋini akamisit ayoŋ.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Isa. 1:6

Ameun anakejen kus anenidapal tari nakyes kus, mam neni ejok a nen, nai ileleba ŋawanan ka ŋajemei ŋuna eleleete ŋaakot; nyimadaritae ŋajemei ŋun, kori nyeenitae, kori nyiwasakinitae adiokimyet.

Isa. 59:16

Abu Ekapolon kiŋolik atemar emam ituŋanan epedori, abu iŋes tonyunyur iŋolikini atemar emam ituŋanan iŋarakini ŋulu isicanitae; aŋun, abu iŋes a apedor keŋ yau aiuno aŋuna keŋ ka abu akiyookino keŋ kiŋarak iŋes.

Yer. 14:19

Okoe Ekapolon, iŋer iyoŋ ŋituŋa a Yudaya jik a? Aluŋ mono etau kon Sion a? Kaanukiro ikisicania iyoŋ isua nooi adaunor epite ŋolo ikitaŋaleunere isua? Iitanitae isua ekisil, nai mam ajokis aryamun, iitanitae isua akitaŋaleuno, nai eryamunitae anyunyura akilo ekisil.

Yer. 17:14

Okoe Ekapolon, kitaŋaleunoe, ido aŋaleuni ayoŋ, toiunae ayoŋ, ido aiun ayoŋ; anerae irae iyoŋ akipuro kaŋ.

Yer. 30:17

Eketojokuni ayoŋ iyes nabo, ka etiiyori ayoŋ ŋajemei kus, anerae ikinyarata ŋimoe kus iyes ebe, ‘Erae ikes ŋulu ilamitae, ilamitae Sion, mam ituŋanan emisit iŋes.’ ”

Yer. 33:6

Kikote neni daŋ, enyakakini ayoŋ ajokis ka a ŋaleu lotuŋa a etaun a lo, etojokuni ayoŋ ikes, esileerek ikes abaru ŋina alalan ka akiboi ejok.

Yer. 46:11

Ŋituŋa a Ijipit toloto Gilead toryamut ekitoe ŋolokimadet ŋajemei, isitiyata iyes ŋikito ŋulu a akwap kus nai nyeŋaleuno iyes; nyiŋaleunete iyes.

Yer. 6:7

Erubakinito ŋituŋa a Yerusalem itiyaete aronis kec erae ŋina ejok aneni kec, lopite ŋolo erubakinitor akare eyakar ŋakipi ŋuna ajokak. Epupio ŋuna ka aronis ka ŋinyas bon alotooma keŋ, eyakasi neni jik ŋikadyakak ka ŋulu ewanan.

Yer. 8:22

Emam mono alo Gilead ekitoe ŋolo kitojokunet ituŋanan ŋini edyak a? Emam mono eketaŋaleunon eyai ina a? Kaanukiro nai pa ajokuniata ŋituŋa kaŋ ŋulu a ŋican anadyaka kec?

Aum. 2:13

Okoe ŋituŋa a Yerusalem, anukiro tokona alimuni ayoŋ aŋuna kus? Nyo ekesikwaanikinia ayoŋ iyes? Ŋae tokona ekesikwaanikinia ayoŋ iyes ikotere ayoŋ ekesirworiuni iyes? Mam ekisal a ŋican kus, ikwaan ka neni emamukar esal ŋolo ka anam; mam ituŋanan epedori akiteyar iyes nabo.

Esek. 22:30

Abu ayoŋ ewar aneni kec ituŋanan ŋini epedori adukokin nabo arwatata, ido towo anakiboisyo a ŋuna aritaanara anarwatata, toji aŋuna ka akwap keŋ alokiŋaren kaŋ, ikotere nai ayoŋ nyamunya akwap keŋ. Nai mam aneni kec ituŋanan abu ayoŋ oryamu.

Esek. 30:21

“Lokoku a ituŋanan, adau ayoŋ alemar agogoŋ a Parao a erwosit a Ijipit; mam ituŋanan iŋarakini iŋes, ikotere egogoŋior, kori eriyete ka iŋes, ikotere egogoŋior toji a ekileŋ nabo.

Osea 14:4

Enyakuni ayoŋ ŋituŋa neni kaŋ, aminakini ayoŋ ikes a etau kaŋ a daadaŋ, anerae nyeriŋa ayoŋ aŋoikinit ikes.

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Naum 3:19

Mam epite ŋolo ikitojokunere iyoŋ anawananu kon, erae awananu kon ŋina ikiari iyoŋ. Ŋituŋa daadaŋ ŋulu iirarete atemar enyasun Ninepe, eramakinete ŋakan elakara, anerae mam ituŋanan ibu iyoŋ nyisican anadedeŋu kon a ŋina nyesaluni.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Yoa. 2:1

Ŋidwe kaŋ, ekegirakinit ayoŋ iyes ŋakiro nu, ikotere nyiseceta; nai ani kesec idiotuŋanan, ikiyakatar iwon ekesirworikinan ka Akuj Papa, iŋes Yesu Kristo ŋolo iyookino.