Yer. 3:8 - Ebaibul

⁸ Apotu ŋituŋa a Yudaya kiŋolikis atemar aŋuna amalaaniyaryata ŋituŋa a Isirael ŋulu emam anupit ŋul, abu ayoŋ erita ikes atubokinit aŋuna ka amalao. Kikote neni daŋ apotu ŋituŋa a Yudaya ŋikaitotoi kec ŋulu adyakarito nyekuryaketa, nai apotu ikes daŋ toloto akilip neni a ŋakujo.

Yer. 3:8 Iomraidhean Croise

2 Ŋakiro a ŋirwa 21:11

Abu Yeoram toduk ŋaduketa ŋunakilipet ŋakujo nakiboisyo ŋunamukur alo Yudaya. Abu kibata ŋituŋa a Yerusalem kituruwo ŋulu pa ekinyomito Akuj, apotu ŋituŋa a Yudaya toŋero Akuj.

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 3:1

Ŋakiro ŋuna irworo Ekapolon ikes nu, “Ani kelak ekile aberu keŋ, ido tolot aberu ŋin aneni keŋ toruwor aberu a ekile a ece eboŋori mono iŋes neni a aberu a ŋin a? Nyeruwor mono ŋun ŋuna emunaarete akwap ŋin a? Itiyata iyes amalao ka ŋulu iminatar ŋulu alalak; ipedorete nai iyes aboŋun neni kaŋ a?

Yer. 33:24

“Nyeyenuna iyoŋ atemar irworosi ŋituŋa lu ebasi, ‘Aŋer Ekapolon ŋikalya ŋuluarei ŋulu abu iŋes toseu,’ nyeyenuna iyoŋ epite ŋolo ejamuwaritotor ŋituŋa ikes, ido nyeriŋa ikes iteete ikes ikwapei ŋituŋa ka akwap kec a?

Yer. 5:7

Alipite nai ekesyonio ayoŋ iyoŋ? Akaŋero ŋituŋa kon ayoŋ, ido ikoŋete elimito ŋulu nyerae Akuj. Ani etani ayoŋ ikes kimwoko, aloto ikes akilip neni a ŋakujo, eloseneneete ka atoonyi nakais a ŋakujo.

Esek. 16:46

Arae Samaria nakaato kon ŋina apolon, ŋina eboi alo Kuju kon eyakar ŋirerya keŋ; arae Sodoma nakaato kon ŋina cici, ŋina eboi alo Kwap kon eyakar ŋirerya keŋ.

Esek. 16:47

Nyitiya iyoŋ ŋuna bon apotu ikes ikitiyata, ibu iyoŋ kiwuap ka kisisau akitiya ŋakiro ŋuna aronok ŋuna etiyaete ikes, nai alotooma ŋipitesyo kon daadaŋ, ibu iyoŋ kiburuburak amunaar atipei akilo ikes.

Esek. 16:51

Nyitiya Samaria tari atutubet apei a ŋasecisya a ŋuna itiya iyoŋ; itiya iyoŋ asiilyo ŋina alalan akilo ŋituŋa a Samaria ka atakan aneni a ŋakaitotoi kon esibit iyookino ikes akilo iyoŋ anasiilyo a ŋina itiya iyoŋ.

Esek. 23:44

Apotu nai ŋituŋa ŋul kiryamakinos ka amalaat ŋin. Lopite ŋolo iryamanakinotor ŋikilyok ka amalaat, apotu ŋituŋa kiryamanakinos ka ŋaberu ŋuna ayai aleeco nu: Oola ka Ooliba.

Esek. 23:9

Aŋun, abu ayoŋ epotok iŋes neni a ŋuluminan keŋ, abu ayoŋ oinak iŋes neni a ŋituŋa ka Asiriya a ŋulu abu iŋes inak ekibure keŋ.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Ŋikis. 24:1

Ani kedau ekile akiit aberu, tojoŋo ekaku amina aberu ŋin aŋuna aryamunia iŋes idiobore anaberu a ŋin ŋini nyitalakarit iŋes, ido kigir iŋes abaruwa ŋina ke elakit, inak neni a aberu, kirita aberu alokai keŋ, torotok nai aberu daŋ tolot alokai a ekile a ŋol,

Ŋikis. 24:3

Ani nai pa keminaki ekile ŋolo a ŋiarei daŋ aberu ŋin, kigirak iŋes abaruwa ŋina ke elakit, inak neni ka aberu a ŋin, tosodi kirita iŋes alokai keŋ, (kori ani ketwana ekile keŋ ŋolo a ŋiarei),