Yer. 3:6 - Ebaibul

⁶ Abu Ekapolon kirwor neni kaŋ alorwa a ŋulu epukator erwosit Yosia tema, “Iŋolik iyoŋ ŋuna adaut ŋituŋa a Isirael ŋulu emam anupit ŋul akitiya, epite ŋolo alosyoto ikes akilip lokamukumukui daadaŋ ka lokito daadaŋ ŋulu alibak akitiya ŋuna ka amalao a nen a?

Yer. 3:6 Iomraidhean Croise

1 Ŋirw. 14:23

Apotu ŋituŋa a Yudaya daŋ toduko aŋuna kec ŋakiboisyo ŋunamukur, kiwuanakis erae ŋakujo kec ŋamoru ka ŋitorubei ka akuj a ŋina enyaritae Asera lomukur ŋulu aoyak daadaŋ ka lokito ŋulu alibak daadaŋ.

2 Ŋakiro a ŋirwa 34:1

Arae ŋikaru a Yosia ŋikanikauni ŋina esyakinia akipuka. Kipuka iŋes Yudaya alo Yerusalem ŋikaru ŋatomoniuni ka epei.

Ŋikiru. 106:39

Aŋun, apotu ikes toruworos ŋulu emam ajokis alotooma ŋuna etiyaete, apotu ikes toŋero Akuj aloticisyo kec kilipa neni a ŋakujo.

Isa. 57:3

Nai ani eruwor iyes, potu ne, iyes ŋidwe a ŋikekukujak, iyes ŋiletok a ikaloman ka imalaanot.

Isa. 57:7

Aruwor ŋakiboisyo ŋuna aoyak ka lokamukumukui ŋulu aoyak ilosenenete iyes; ilot iyes nen ainanakin ŋakujo ŋamuronisya.

Yer. 1:2

Abu Ekapolon kirwor neni a Yeremia alorwa a ŋulu a erwosit Yosia a lokoku ka Amon a ŋolo alo Yudaya arae ŋol ekaru ŋolo a ŋitomon ka ŋiuni ipukat iŋes.

Yer. 11:10

Aboŋokis ikes akitiya ŋuna aronok lopite ŋolo etiyaata atapapaa kec alorwa a ŋulu a koloŋ, apotu atapapaa kec toŋero akiwuap ŋakiro kaŋ. Aloto ikes akitiyanakin ŋakujo ŋace. Aŋero ŋituŋa a Isirael ka ŋituŋa a Yudaya acamunet ŋina abu ayoŋ ocamunotor ka atapapaa kec.

Yer. 17:2

Etamunito tari ŋidwe kec ŋamuroeta kec ka ŋipirin ŋulu italetoe ŋulu eyakasi diyete ŋikito ŋulu alibak daadaŋ ka lokamukumukui ŋulu aoyak,

Yer. 3:8

Apotu ŋituŋa a Yudaya kiŋolikis atemar aŋuna amalaaniyaryata ŋituŋa a Isirael ŋulu emam anupit ŋul, abu ayoŋ erita ikes atubokinit aŋuna ka amalao. Kikote neni daŋ apotu ŋituŋa a Yudaya ŋikaitotoi kec ŋulu adyakarito nyekuryaketa, nai apotu ikes daŋ toloto akilip neni a ŋakujo.

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Yer. 5:11

Itiyakinio ŋun, anerae emam akikinyoma aneni a ŋituŋa a Isirael ka aneni a ŋituŋa a Yudaya.

Yer. 7:24

Nai apotu ikes nyiwuapa ŋakiro kaŋ kori nyikatakis apupokin, nai anakisyaanu a ŋina ka acamit akitiya aronis, apotu ikes kiwuapa ŋuna acamito akitiya, ido tomitakis akitiya ŋuna alunyarosi akilo ŋuna eponito.

Esek. 16:31

Ibu iyoŋ nyijal ŋisiliŋa ŋulu amalao kon apaki ŋina ibunio iyoŋ todukio ŋakiboisyo ŋunakilipet neni isalakini ŋolorot a etaun daadaŋ ka nenimukur analapatui a daadaŋ a ŋuna a etaun.

Esek. 16:35

“‘Aŋun nai, okoe amalaat, kiira ŋakiro nu ŋuna irworo Ekapolon,

Esek. 20:28

Ani kadau ayoŋ ayaun ikes nakwap ŋina sek eiikinit ayoŋ ainakin ikes, apotu ikes inakis ŋamuronisya neni a ŋakujo anakiboisyo ca a daadaŋ a ŋunamukur aŋuna apotu ikes kiŋolikis, kori alokito ca a daadaŋ a ŋulu alibak a ŋulu apotu ikes kiŋolikis. Apotu ikes eketoŋoa ayoŋ a ŋamuronisya a ŋuna apeyete ikes ka a ŋainakineta a ŋuna ke epiini aŋuna ayeneneete ikes nen.

Esek. 23:11

“Abu Ooliba nakaato keŋ kiŋolik ŋakiro ŋun, nai alokibure keŋ ka anamalao keŋ, arae iŋes ŋina alaer nooi akilo nakaato keŋ Oola.

Esek. 23:4

Arae ekiro a ŋina apolon Oola ka arae ekiro a ŋina cici Ooliba. Apotu ikes toruworos ŋuna kaŋ, ido apotu touruut ŋidwe ŋulusapa ka ŋulupesur. Isikwaanitae ŋirorwa kec ka lu: Oala iŋes Samaria ka Oaliba iŋes Yerusalem.

Osea 11:7

Ecamito jik ŋituŋa kaŋ akimyekin ayoŋ. Tari kenyarata ikes kaapei Ekapolon ŋolo eyai kidiama nooi, nyiŋarakini iŋes ikes jik alocan kec.

Osea 4:13

Einanakinete ikes ŋamuronisya alokidiama ŋimoru ka einanakinete ŋainakineta alokidiama ŋikamukumukui, einanakinete ŋainakineta alokwap ŋikuyono, alokwap ŋikito ŋulu enyaritae popilari ka alokwap ŋimuturunyo, anerae ejokak ŋitolimon a ŋikito a ŋul. “Aŋun, itiyaete ŋidwe kus ŋulupesur amalao ka elomeneneete ŋaterak kus.

Ŋikat. 2:17

Kikote neni daŋ, apotu Ŋisirael nyiirasi tari ŋakiro a ŋikatubok ŋakiro kec, anerae agogoŋ ekibure kec ŋolo ka akiwuap ŋakujo ka akilip neni a ŋakujo a ŋun. Apotu ikes atipei toŋero ŋuna sek ewuapito atapapaa kec ŋulu apotu kiwuapa ŋakiciketa a Ekapolon, nyiwuapa Ŋisirael ŋuna ewuapito atapapaa kec.