Yer. 3:25 - Ebaibul

²⁵ Emaikina iwon opero alokwap ka ŋileec yok, emaikina ikirapuwasi iwon ŋileec ŋulu nyitopolooritere iwon Ekapolon, anerae ikisec iwon aneni a Ekapolon Akuj yok, iwon kaapei ka atapapaa yok; ameun anasoroko yok tari nakoloŋit na, ido nyiwuapa iwon ŋuna irworo Ekapolon Akuj yok.”

Yer. 3:25 Iomraidhean Croise

Ŋikiru. 106:6

Ikidau isua akisec ikwapei atapapaa kosi; ikidau akitiya aronis, ikidau akitiya ŋuna aronok.

Ŋikiru. 106:7

Ani apaki ŋina ayakatar atapapaa kosi Ijipit, nyemitakina ikes ŋiticisyo kon ŋulu ka aumokin, nyetamuna ikes alalau a amina kon a ŋina nyiryaŋiryaŋa, nai apotu toŋero Akuj ŋina alokidiama nooi apaki ŋina ayakatar diyete anam ŋina Areŋan.

Ŋikiru. 109:29

Kimyek ŋulu ekesitakinito ayoŋ tobutasi ŋileec, kiluluyasi ikes ŋileec lopite ŋolo ikiluluyarya ekaaso.

Ŋakit. 13:18

Akulyako ka amamukau ajokis alotuŋa a ŋuluce, erae ŋuna a ŋulu eŋerito akitatamo akitiya ŋuna ajokak. nai itopoloorete ŋituŋa ituŋanan ŋini ecamit akitatamo toesik akitiya ŋuna aronok.

Ŋakit. 5:13

Abu ayoŋ oŋer akiirar ŋuna eketatamete ŋiketatamak kaŋ, kori abu ayoŋ nyaŋak akit kaŋ nakiro ŋuna akalimonokinio.

Isa. 48:8

Pa iirarito iyes ŋun ekiŋaren, pa iyenunito iyes ŋun ekiŋaren, ŋinapei koloŋ agolol ŋaki kus. Etiyae ayoŋ ŋun, anerae ayeni ayoŋ atemar iruwor iyes ŋulu nyikikinyomitae ka ŋikaŋerok ŋinapei anakoloŋit a ŋina ikidounere.

Isa. 50:11

Nai irae iyes daadaŋ ŋulu itukosi amunyar ŋuluce, ikimunyarete iyes ŋakiro ŋunapei itukete iyes ŋikulepek. Ŋakiro nu ikes iryamunete aneni kaŋ a Ekapolon; iperete iyes irae ŋulu ikisicanitae nooi.

Yer. 11:13

okoe ŋituŋa a Yudaya ariyanikin ekimar a ŋakujo kus ka ekimar a ŋitaunio kus ka ariyanikin ekimar a ŋamuroeta a ŋuna iduko iyes ka ŋirotin a Yerusalem. Erae ŋamuroeta ŋun ŋuna iinanakiniata iyes ŋainakineta neni a Baal.

Yer. 12:13

Apotu ikes toekis ŋikinyom ŋulu ikote erau, nai alemut ŋikukwa, apotu ikes kitiyata etic ka agogoŋ, nai mam ibore aryamut. Aŋuna ka aŋoit a ŋina a Ekapolon, mam ibore elemunete ikes alomanikorin kec.”

Yer. 14:20

Okoe Ekapolon, acamun isua asecenu kosi, acamun isua asecit atapapaa kosi, anerae ikisec isua aneni kon.

Yer. 14:7

Tari kitoodiunito ŋiticisyo kosi ŋulu aronok ŋuna ikisicanitere isua, kisyoni isua okoe Ekapolon, aŋuna a ekiro kon, anerae ikipotu isua oŋero akiwuap ŋuna alalak ŋuna ikilimokinitae, ido ikisec isua aneni kon.

Yer. 2:17

Ŋisirael, meere mono iyes iyaunete ŋakiro ŋun nawat kus aŋuna iesikiniata Ekapolon Akuj kus, apaki ŋina ikirikitor iŋes iyes kiwuapa iŋes a?

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 2:2

“Ape kisera ŋakiro nu epupete ŋituŋa a Yerusalem, ŋakiro ŋuna irworo Ekapolon ikes nu: Atamunit ayoŋ ainakina kon neni kaŋ alorwa a ŋulu ka asoroko kon; atamunit ayoŋ amina ŋina ikiminar iyoŋ ayoŋ ikwa ateran. Epite ŋolo ikiwuapitor iyoŋ ayoŋ analoŋisat, anakwap a ŋina nyitao.

Yer. 2:26

“Lopite ŋolo irumyata ekokolan ŋileec ikamunio, Irumete ŋituŋa a Isirael daŋ ŋileec, irumete ŋileec ŋituŋa a Isirael, ŋirwosi kec, ŋikapolok kec, ŋisacaradotin kec ka ŋikadwarak kec,

Yer. 20:18

Kaanukiro ekedounere ayoŋ akiŋolikin ŋican ka akiyaloloŋ, ido oyar ŋirwa ŋulu a akiyar kaŋ daadaŋ ayakar ŋileec.

Yer. 22:21

Abu ayoŋ erwor neni kus apaki ŋina iyakatar iyes najokis, nai ipotu iyes temasi, ‘Nyikiirari isua.’ Itiyata iyes lopite ŋol ŋinapei anasorokanut kus, nyiwuapa iyes ŋakiro kaŋ.

Yer. 3:13

Nai emaikina iyes tocamut ŋuna ikiilitor iyes, emaikina iyes tocamut atemar ipotu iyes toŋero Ekapolon Akuj kus, ido toloto akilipenen neni a ŋakujo alokwap ŋikito ŋulu alibak daadaŋ ka nyiwuapa iyes ŋakiro kaŋ.

Yer. 31:19

Aponi isua ikiŋeri iyoŋ, nai aponi tokiwae aronis kosi, aponi isua toyenunae ŋunakitiya, nai aponi kiyaloloŋoi nooi, apotu ŋileec ikiruma isua ka abu ikikadak isua, anerae ikipotu isua oseca eriŋa eraakae ŋisorok.’

Yer. 6:26

“Irworo Ekapolon neni a ŋituŋa keŋ ebala, ‘Okoe ŋituŋa kaŋ, tonapa ŋiguniyae, kipunupunakinosi lokurono, kigworo lopite ŋolo igworore aŋuna a ikoku a ŋinidonupei, kiwololoto akiwolol ŋina apipilan nooi; anerae ebuni neni kus ekenyasan pa iyenete iyes.’

Yer. 7:19

Ayoŋ mono eketoŋoete ikes a? Meere mono ikes pei ikotere ewanatar make a?

Yer. 8:14

“Iŋitasi ŋituŋa ŋulu ka Akuj ebasi, ‘Kaanukiro erubakinitere iwon iboiyo? Ocunakinos kaapei oloto lotaunio ŋulu eyakasi ŋaduketa ŋunajiet otwanikisi nen; anerae atubu Ekapolon Akuj yok atemar ikimunyar iwon ka ikiinak iwon akimat ŋakipi ŋuna ikiŋalakinitere, anerae ikidau iwon akisec aneni ke Ekapolon.

Yer. 9:18

emaikina ikes potu atipei kiwololoto aŋuna yok akitodol ŋina eleleiyaryata ŋakiyo anakonyen yok, kibwaliyasi ŋakiyo ŋakonyen yok,

Aum. 5:16

Adaun ibore daadaŋ ŋini sek ikituror isua. Aponi isua tosecae, ido tokona ikiryamunit isua ŋican.

Aum. 5:7

Apotu atapapa kosi toseca, emam tokona ikes a ne, ikiryamunit tokona isua ŋican aŋuna a ŋasecisya kec.

Esek. 2:3

ebala, “Lokoku a ituŋanan, ekeyakiyari ayoŋ iyoŋ neni a Ŋisirael, lotuŋa ŋulu aruwor ŋikaŋerok, ŋulu akaŋero ayoŋ; ŋinapei akitodol tokona, lopite ŋolo aponiata atapapaa kec okoŋeryoto ayoŋ.

Esek. 36:32

Alimu Ekapolon Akuj atemar, meere aŋuna kus eapiya ayoŋ akitiyakin ŋakiro ŋadi, emaikina iyes toyenete ŋun. Okoe Ŋisirael, emaikina iyes ikiruma ŋileec kus a ŋilopeyek ka itokadak iyes ŋilopeyek alotooma ŋuna iwuapito iyes.

Esek. 44:13

Nyemaikina ikes toapuut neni kaŋ, kitiyata etic kaŋ ikwapei ŋisacaradotin, kori kidunya ibore kaŋ idio ŋini italeunitoe, kori ŋainakineta ŋuna asegak nooi ŋuna eyaunitae neni kaŋ. Nai emaikina ikes kiruma ŋileec ŋulu ka asiilyo a ŋina adaut ikes akitiya.

Esek. 7:18

Enapete ikes ŋiguniyae, ilopiyari ekabule ikes. Ilelebun ŋileec neni a ŋinituŋanan, ebanyaryo ŋitim anakou a ŋinituŋanan.

Dan. 12:2

Eyarunete ŋituŋa ŋulu alalak ŋulu alomasi kwap, ŋice eryamunete alakara ŋina ka akiyar a ŋina nyedaun, ŋice eryamunete ŋileec ka ajamuwaro ŋina nyedaun.

Osea 9:10

Apaki ŋina arukaunia ayoŋ Ŋisirael abu ayoŋ orukau ikes lopite ŋolo erukaunere ŋikito a epiini analoŋisat, abu daŋ orukau atapapaa kec lopite ŋolo erukaunere ŋaboboryo ŋuna esyaunak ekokito alokitoe. Nai ani edolete ikes Baal-Peor, tosodi kitaleikinos nibore ŋinicaryoit ŋini a ŋileec, apotu Ŋisirael toroketa a nen atipei, kikwaanikin aronis kec ka ŋina a ŋakujo a ŋuna apotu ikes tominakis.

Sepan. 1:17

“Ayauni ayoŋ akiyaloloŋ lotuŋa, toloto ikes esibit ŋimudukanotin; anerae aseca ikes aneni ke Ekapolon, ebukoryo ŋaokot kec ikwa ŋalup ka imasaryo ŋawat kec ikwa aoret.

Ŋirom. 6:21

Nyo nai ipotu iyes toryamut apaki ŋina itiyaata iyes ŋakiro ŋun ŋuna tokona ikirumitotor iyes ŋileec? Atwanare iŋes abu bu anakiro a ŋun!

Ŋikat. 2:2

Nai iyes nyicamunosi ka ŋituŋa ŋulu ka akwap a na, tobwaŋabwaŋaasi ŋamuroeta kec.’ Nai nyiwuapa iyes ŋakiro ŋuna abu ayoŋ ekecik iyes. Kiŋolikisi iyes ŋuna idaut iyes akitiya!