Yer. 3:23 - Ebaibul

²³ Kire jik, erae akilip neni a ŋakujo alokidiama ŋikamukumukui acaryoit, erae ainakina nooi akilip neni a ŋakujo alokidiama ŋimoru acaryoit. Kire jik, erae neni a Ekapolon Akuj yok eyai aiuno a Ŋisirael.’

Yer. 3:23 Iomraidhean Croise

Ŋikiru. 3:8

Neni kon Ekapolon ebunitor aiuno; elipi min arereŋu kon neni a ŋituŋa kon.

Ŋikiru. 62:7

Erae neni ka Akuj aiuno aiuno ka apolou; iŋes aupal kaŋ ŋina agogoŋon, iŋes akaiunan kaŋ.

Ŋakit. 21:31

Epedori ituŋanan akoloŋit ŋina ke ejie akitemokin aŋole keŋ, nai Ekapolon einakini ituŋanan ŋin akiloun ŋimoe keŋ.

Isa. 10:20

Akoloŋit ŋin, nyikinyomete nabo ŋipiya a Ŋisirael ka ŋulu aponi nyeari aloletok a Yakob ekepukan ŋolo abu toar ikes, nai epote ikes akikinyom anakiro a ŋuna a kire Ekapolon, Akuj ŋina asegan ŋina a Isirael.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 43:11

Ayoŋ arae Ekapolon, mam akaiunan ace mati ayoŋ bon.

Isa. 44:9

Ŋituŋa daadaŋ ŋulu itiyaununeete ŋakujo erae ŋikoŋinae ka erae ŋiboro ŋulu ikinyomito ikes ŋulu emam ibore iryamunia; emudukaka ŋituŋa ŋulu ilipete neni a ŋakujo a ŋun, kori emam ŋuna eyenete. Aŋun, isirumyo ikes ŋileec.

Isa. 45:15

Kire irae iyoŋ Akuj ŋina nyikiteete ŋituŋa, Okoe Akuj a Isirael ŋina irae akaiunan.

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 63:1

“Ŋae ŋin ŋini ebunit alo Edom, ŋini ebunit alo Bosira enapit ŋilowi ŋulumeriyek areŋak? Ŋae ŋin ŋini enapit ŋilowi ŋulu amilimilak ŋin, ŋini elosi ka apolou a ŋina etiron” “Erae ayoŋ Ekapolon erworo ŋuna ka akinyaŋaro, ayakar apolou ŋina ka ayaun aiuno.”

Isa. 63:16

Irae iyoŋ papa kosi, tari pa kikiyeni Aburaam isua ka pa kikicamit Yakob isua, okoe Ekapolon, irae iyoŋ papa kosi, erae ekiro kon ekalakunan kosi ŋinapei koloŋ.

Yer. 14:8

Okoe iyoŋ irae akigeno a Ŋisirael, ekalakunan kec anapaki a ŋina a ŋican. Kaanukiro itiyaa iyoŋ esibit irae egela anakwap, esibit irae ekaloton ŋolo erii iwace toper nakwaare?

Yer. 17:14

Okoe Ekapolon, kitaŋaleunoe, ido aŋaleuni ayoŋ, toiunae ayoŋ, ido aiun ayoŋ; anerae irae iyoŋ akipuro kaŋ.

Yer. 17:2

Etamunito tari ŋidwe kec ŋamuroeta kec ka ŋipirin ŋulu italetoe ŋulu eyakasi diyete ŋikito ŋulu alibak daadaŋ ka lokamukumukui ŋulu aoyak,

Yer. 3:6

Abu Ekapolon kirwor neni kaŋ alorwa a ŋulu epukator erwosit Yosia tema, “Iŋolik iyoŋ ŋuna adaut ŋituŋa a Isirael ŋulu emam anupit ŋul akitiya, epite ŋolo alosyoto ikes akilip lokamukumukui daadaŋ ka lokito daadaŋ ŋulu alibak akitiya ŋuna ka amalao a nen a?

Yer. 31:7

anerae alimu Ekapolon atemar, toeikisi icelasi ka alakara aŋuna a ŋituŋa a Yakob, tocelutu aŋuna ka akwap a ŋina epol akilo ŋakwapin daadaŋ, kiserautu, inakisi akipuro, temasi ‘Okoe Ekapolon, toiu ŋituŋa kon, ŋipiya a Ŋisirael.’

Esek. 20:28

Ani kadau ayoŋ ayaun ikes nakwap ŋina sek eiikinit ayoŋ ainakin ikes, apotu ikes inakis ŋamuronisya neni a ŋakujo anakiboisyo ca a daadaŋ a ŋunamukur aŋuna apotu ikes kiŋolikis, kori alokito ca a daadaŋ a ŋulu alibak a ŋulu apotu ikes kiŋolikis. Apotu ikes eketoŋoa ayoŋ a ŋamuronisya a ŋuna apeyete ikes ka a ŋainakineta a ŋuna ke epiini aŋuna ayeneneete ikes nen.

Osea 1:7

Nai esyoni ayoŋ ŋituŋa a Yudaya aiuni ayoŋ ikes, nyaiuni ayoŋ ikes a akau a ŋina a ŋikaleŋeleŋe, kori a ekileŋ, kori a ŋiboro a ŋulujiet; nyaiuni ayoŋ ikes a ŋaŋolei, kori a ŋasigarya a ŋuna edokito ŋaŋolei nai aiuni ayoŋ ikes a apedor a Ekapolon Akuj kec.”

Yoa. 4:22

Iyes Ŋisamaritayon, nyiyenete iŋes kire ŋini ilipete neni keŋ; isua Ŋiyudayan, ikiyeni ŋini ikilipi neni keŋ, anerae ebunit aiuno aneni a Ŋiyudayan.