Yer. 3:2 - Ebaibul

² “Kirereosi kidiama kiŋolikis ŋikamukumukui epite ŋolo aororunioto! Eyai mono akibois ne ŋina nyitiyatotor iyes ŋuna ka amalao a? Iboiyonokinosi iyes nawaetin a ŋirotin a ŋulu iminasi, lopite ŋolo iyokiunitotor ŋikeyokok ŋibaren analoŋisat. Imunaasi iyes akwap aŋuna ka amalao ka aronis kus.

Yer. 3:2 Iomraidhean Croise

Akisy. 38:14

tolaca ŋilowi keŋ ŋulu ka apuserut, tonap akitambara anakou, kimuko akuwan keŋ, kiboikin kwap lopuke ŋolo ka Enaim. Ewasi epuke ŋol a lorot a ŋolo elosi Timina. Abu iŋes taanyu atemar apolou Sela, nai pa aponi inakinae iŋes toruwor ekile keŋ.

1 Ŋirw. 11:3

Ayakar Solomon ŋaberu ŋamiae ŋakanikaarei ŋuna auritae alokalya a ŋirwosi ka ŋace ŋamiae ŋauni ŋuna pa eitit; apotu ŋaberu keŋ ŋun kibatasi etau a Solomon.

2 Ŋirw. 23:13

Tomunaiya iŋes ŋaduketa ŋuna aya nenimukur Kide Yerusalem, ŋuna elipere ŋakujo ka ŋuna aya alowae a ŋolo alo kwap emukura ŋolo enyaritae emukura ŋolo ka Akinyasuno (Iŋes emukura ŋolo a ŋikito ka Olipa). Arae sek Solomon ŋolo arae erwosit a Isirael iŋes aduki ŋaduketa ŋun aŋuna ka akuj a ŋina anyaritae Asitarite a ŋina a Ŋisidoniae ka Kemos akuj a Ŋimoabi ta Milikon akuj a Ŋiamoni.

Ŋikiru. 106:38

Apotu ikes toara ŋidwe kec ŋulu amam ibore asecito, tobukosi ŋaokot a ŋidwe kec a ŋulusapa ka ŋulupesur a ŋulu apotu ikes yaasi erae ŋamuronisya neni a ŋakujo a ŋuna alo Kanaan; apotu ŋaokot a ŋidwe a ŋul kituruwosi ŋituŋa ŋul ka akwap kec ŋina emam ajokis eyai.

Ŋakit. 23:28

Eperi amalaat kidat lopite ŋolo idasya ekademanaran, ido iyasi amalaat ŋikilyok ŋulu nyikinyoma.

Ŋakit. 7:11

Arae iŋes aberu ŋina atitiny ŋina pa erumito ŋileec; erimit iŋes jik pa eboiyonokin lore keŋ,

Yer. 12:12

Aponito ŋituŋa ŋulu enyasut akwap kaŋ alokamukumukui a ŋulu ka aloŋisat, anerae ikimunyari ekileŋ a Ekapolon ameun alowae ka akwap ke epei tari ŋoloce; mam ituŋanan eiun.

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 2:23

Kaanukiro irworotor iyes ibasi, ‘Nyikimunaara isua, nyeloto isua akilip neni a Baal?’ Kiŋolikisi epite ŋolo ayakatar ŋipitesyo kus anakadipaalat; toyenutu ŋuna ipotu iyes kitiyata. Ipotu iyes kikubakinos nooi ikwa akaal ŋina adwarunan, toema ama ka ama;

Yer. 2:7

Abu ayoŋ okoyau iyes nakwap ŋina ileleba ibore daadaŋ, ikotere inyamete ŋaraito keŋ ka ŋiboro keŋ ŋulu ajokak. Nai ani ilomarete iyes nakwap ŋin ipotu iyes tomunaasi akwap kaŋ kituruwosi akwap kaŋ ŋina asiilyanan.

Yer. 3:1

Ŋakiro ŋuna irworo Ekapolon ikes nu, “Ani kelak ekile aberu keŋ, ido tolot aberu ŋin aneni keŋ toruwor aberu a ekile a ece eboŋori mono iŋes neni a aberu a ŋin a? Nyeruwor mono ŋun ŋuna emunaarete akwap ŋin a? Itiyata iyes amalao ka ŋulu iminatar ŋulu alalak; ipedorete nai iyes aboŋun neni kaŋ a?

Yer. 3:13

Nai emaikina iyes tocamut ŋuna ikiilitor iyes, emaikina iyes tocamut atemar ipotu iyes toŋero Ekapolon Akuj kus, ido toloto akilipenen neni a ŋakujo alokwap ŋikito ŋulu alibak daadaŋ ka nyiwuapa iyes ŋakiro kaŋ.

Yer. 3:21

“Epupio etoil ŋolo ebunit alokidiama ŋikamukumukui ŋulu aororut, epupio akigworo ka adyekitoi a ŋituŋa a Isirael, anerae enyasut ikes epite ŋolo eboiyoto, emuryak ikes Ekapolon Akuj kec.

Yer. 3:9

Aŋuna atakania aneni a Ŋisirael esibit ŋakiro ŋuna ka akilip neni a ŋakujo ŋacaryo, apotu ikes tomunaasi akwap kec, apotu ikes kilipa neni ka amoru ka neni a ekitoe.

Yer. 7:29

Totubosi ŋitim kus tocakakis nariet; tocelutu iwololoete alokidiama ŋikamukumukui, anerae aŋer ka aesiki Ekapolon anyamet na ŋina abu kitenepu anyunyura keŋ.

Esek. 16:16

Ibu iyoŋ tolemu ŋilowi kon ŋice, kisibusya ŋakiboisyo ŋunakilipet ŋuna eyakasi neni emukur, ŋakiboisyo ŋun, ikes ibunio iyoŋ kitiyaa amalao. Nyetakanuna ŋakiro ŋuna ikote ŋun ŋinapeikoloŋ ka nyemaikina totakanut tari alorwa a ŋulu eponito.

Esek. 20:28

Ani kadau ayoŋ ayaun ikes nakwap ŋina sek eiikinit ayoŋ ainakin ikes, apotu ikes inakis ŋamuronisya neni a ŋakujo anakiboisyo ca a daadaŋ a ŋunamukur aŋuna apotu ikes kiŋolikis, kori alokito ca a daadaŋ a ŋulu alibak a ŋulu apotu ikes kiŋolikis. Apotu ikes eketoŋoa ayoŋ a ŋamuronisya a ŋuna apeyete ikes ka a ŋainakineta a ŋuna ke epiini aŋuna ayeneneete ikes nen.

Osea 2:5

Abu toto kec tomalaan topotiu ikes anamalao ka ŋileec. Abu iŋes tema, “Ewarari ayoŋ ŋikilyok ŋulu amina ayoŋ, ŋulu akainakinete ayoŋ akimuj ka ŋakipi kaŋ, ŋulu akainakinete ayoŋ ŋilowi ŋulu edonyunitoe a ŋajul a ŋamesekin ka ŋilowi ŋulu amilimilak, ŋikilyok ŋulu akainakinete ayoŋ akimyet ka epiini.”

Luk. 16:23

Aryeba ekabaran nooi aneni aya ŋikatwak. Ani ireori iŋes kidiama, toanyuwa Aburaam elwana nooi ka Lasaro iboi alodiye keŋ.

Ŋikis. 12:2

Emaikina iyes tomunaasi jik ŋakiboisyo daadaŋ ŋuna ilipyata ŋituŋa ŋulu ilosete iyes akiritar anakwapin kec, ŋakujo kec, ŋakiboisyo ŋuna eya kidiama ŋimoru, kidiama ŋikamukumukui ka kwap ŋikito ŋulu alibak daadaŋ.