Yer. 3:17 - Ebaibul

¹⁷ Apaki ŋin, enyarao Yerusalem etaun ŋolo ipukator Ekapolon, ido ecununosi ŋituŋa a ŋakwapin Yerusalem, ecununosi ikes Yerusalem kiŋaren Ekapolon, nyerubakinete nabo ikes iwuapito akisyanu kec ŋina aronon.

Yer. 3:17 Iomraidhean Croise

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

1 Ŋirw. 8:41

“Ikwaŋinapei, ani keyai ituŋanan ŋinigelaanot daŋ ŋini nyerae ipei a ŋituŋa kon a Ŋisirael, a ŋini ebunit a ŋuna a ekiro kon anakwap ka ace a ŋina alwanan,

Ŋikiru. 102:23

Anapaki a ŋina ka asoroko kaŋ, abu Ekapolon tolema agogoŋu aneni kaŋ; abu kituuruwuan ŋirwa kaŋ.

Ŋikiru. 78:8

Nyikwaanikinosi ikes ka atapapaa kec, anyamet ŋina a ŋasyanisya ka ŋikaŋerok, ŋulu pa etopoloorito Akuj alotai kec, ŋulu pa ekinyomito Akuj alotai kec.

Ŋikiru. 87:3

Okoe etaun ŋolo ka Akuj, elimitoe ŋakiro ŋuna etiyae alotooma kon erae ŋuna ka aumokin.

Isa. 26:8

Anakiwuapit ŋikisila kon, ikidarit isua iyoŋ okoe Ekapolon, ekiro kon ka ayenenu kon, iŋes erae akiitanit a akiyar kosi.

Isa. 56:6

“Tosodi ŋigelaanotin ŋulu eruworosi ŋulu a Ekapolon, ŋulu elimonokinete ŋakiro keŋ, ŋulu eminakinete ekiro a Ekapolon ka ŋulu eruworosi ŋiketiyak keŋ, ikes daadaŋ ŋulu itopoloorito akoloŋit ŋina a Sabato tomam akiyany akoloŋit ŋin, ido kiricakinito a ŋinapaki acamunet kaŋ,

Isa. 59:19

Aŋun, itopoloorete ŋulu iboiyete alo To ekiro a Ekapolon; itopoloorete ŋulu iboiyete alo Kide apolou Ekapolon, anerae ebuni iŋes esibit akalele ŋina inuta nooi, ŋina erae apedor a Ekapolon inutar nooi.

Isa. 6:1

Alokaru a ŋolo atwania erwosit Usia, abu ayoŋ eŋolik Ekapolon iboi alokicoloŋ keŋ a ŋolo ka apukan, ikiara ka itopolooritae, ileleba ekaaso keŋ Kai ka Akuj daadaŋ.

Isa. 66:1

Ŋakiro ŋuna irworo Ekapolon ikes nu, “Erae nakuj neni epukator ayoŋ ka erae akwap neni ecakit ayoŋ; Akai ŋina ikoni ai ikidukokinete iyes ayoŋ, ai eyai neni kieŋunet kaŋ?

Isa. 66:18

Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Isa. 66:20

Eyaunete ikes ŋiyeneta kus daadaŋ anakwapin a daadaŋ erae ainakinet neni ke Ekapolon iwuokito a ŋaŋolei ka a ŋagaari a ŋuna iritae a ŋaŋolei, a ŋitak a ŋaŋolei, a ŋaŋolei-sigirya ka a ŋikaala, eyaunete ikes ŋituŋa ŋul lomukura kaŋ ŋolo asegan Yerusalem, lopite ŋolopei eyaununiata Ŋisirael ŋainakineta a ŋikinyom, a ŋiboro a ŋulu asegak Kai a Ekapolon.

Yer. 11:8

Nai apotu ikes nyiwuapa ŋakiro kaŋ, kori nyepupokis ŋuna erworo ayoŋ, nai abu ŋinituŋanan anakisyaanu kiwuap acamit keŋ ŋina aronon. Aŋun, abu ayoŋ oyau neni kec ŋakiro a acamunet a na, ŋakiro ŋuna abu ayoŋ olimok ikes kiwuapa, nai apotu ikes nyitiyata ŋun.”

Yer. 12:15

Ekaku kadau ayoŋ alemun ikes a nen, esyonikini nabo ayoŋ ikes ka enyaku ikes nabo nakwap ŋina abu ayoŋ oinak ikes toruwor ŋina kec, enyakuni ayoŋ ikes daadaŋ nakwap kec.

Yer. 12:16

Ekaku, ani keyenut ŋikidunyet a Ŋisirael ka alelakinit ayenun ŋuna iwuapito ŋituŋa kaŋ, ido kikoŋo alokiro kaŋ ebasi, ‘Ikwapei eyarya Ekapolon,’ lopite ŋolo etatamitotor ikes ŋituŋa kaŋ akikoŋ alokiro a Baal, ŋun nai epedoryata ikes akiboi kaapei ka ŋituŋa kaŋ.

Yer. 14:21

Aŋuna a ekiro kon, nyikijamuwa isua, nyisirum ŋileec etaun kon, Yerusalem neni eyai ekicoloŋ kon ŋolo ka apolou, totamu ŋakiikineta kon, ido nyilema acamunet kon ka isua.

Yer. 16:12

ka aŋuna itiyaata iyes erono nooi akilo atapapaa kus, anerae iyes lu, iyes daadaŋ lu, ŋinituŋanan kus iwuapit akisyanu a acamit kus a ŋina aronon, iwounito akiirar ŋakiro kaŋ!

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 17:12

“Okoe Akai ka Akuj ŋina erae ekicoloŋ ŋolo ka apolou a Ekapolon, ikitopolooritae iyoŋ ŋinapei anakisyakinet, iyoŋ irae akibois kosi ŋina asegan!

Yer. 18:12

Nai ebasi Ŋisirael irworosi, “Mam ajokis eyai! Iwuapyo isua ŋayeuniata kosi ka itiyae isua ŋinituŋanan ŋuna aronok iwuapitae acamit kosi ŋina aronon.”

Yer. 3:19

“‘Abu ayoŋ otam epite ŋolo eketuruworya iyes ŋidwe kaŋ, ido okoinak iyes akwap ŋina ajokan, akwap ŋina ajokan, akilo ŋakwapin daadaŋ. Abu ayoŋ otamak atemar ikinyaraete iyes ayoŋ papa kosi ka nyiŋerete iyes akiwuap ŋakiro kaŋ.

Yer. 31:23

Alimu Ekapolon ŋolo a ŋajoresyo, Akuj a Ŋisirael ebe, “Apaki ŋina enyakunia ayoŋ ŋituŋa kaŋ nakwap kec, elimunete nabo ikes ŋakiro nu anakwap a Yudaya ka alotaunio a Yudaya ebe, ‘Ikilipi kiterereŋ Ekapolon ekamukumukut a Yerusalem ŋolo asegan, akibois ŋina asegan ŋina iboiyo iŋes.’

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Yer. 7:24

Nai apotu ikes nyiwuapa ŋakiro kaŋ kori nyikatakis apupokin, nai anakisyaanu a ŋina ka acamit akitiya aronis, apotu ikes kiwuapa ŋuna acamito akitiya, ido tomitakis akitiya ŋuna alunyarosi akilo ŋuna eponito.

Yer. 9:14

nai anakisyaanu kec, ewuapa ikes ŋuna a ŋitai kec ka ilipete neni ata Baal, lopite ŋolo etatamitotor atapapaa kec ikes akitiya.

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Esek. 43:7

Abala ituŋanan ŋin neni kaŋ, “Lokoku a ituŋanan, erae na akibois ŋina eyai ekicoloŋ ŋolo ka apolou kaŋ ka neni ewuakinit ayoŋ ŋakejen kaŋ. Erae ne neni eboikin ayoŋ oruko ka Ŋisirael ŋikaru ka ŋikaru. Nyemunaarete nabo Ŋisirael ekiro kaŋ ŋolo asegan, nyitiyakinete ikes, kori ŋirwosi kec ŋun anakilip neni a ŋakujo a ŋace, kori anakinuk ŋawat a ŋirwosi kec nakibois na.

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Ekim. 15:39

Erae abilet ŋin ŋina ani iŋolikinete iyes iŋes totamut ŋakiciketa daadaŋ ŋuna ke Ekapolon ka kiricakis ikes, ido nyiwuapa ekibure a ŋitai kus, kori ekibure a ŋakonyen kus,

Ŋirom. 1:21

Eyenete ikes Akuj, nai nyitopoloorito ikes iŋes ikwa Akuj, kori nyitalakarito. Nai aruworosi ŋatameta kec ŋakoŋinae ka elelebikin akiryonut nakyes kec ŋuna ebaŋaaka.

Ŋirom. 6:14

Nyikipukat asecit iyes, anerae nyikipukato iyes Ŋikisila, nai ikipukat ajokis ŋina ka Akuj.

Ŋigal. 4:26

Nai Yerusalem ŋolo anakuj, nyerae epito ka erae toto yok.

Ŋikis. 29:29

Erae ŋakiro ŋuna imunono ŋuna ke Ekapolon Akuj yok, nai ŋakiro ŋuna isileereunitoe, erae ŋuna yok ka ŋuna a ŋidwe yok ŋikaru ka ŋikaru, emaikina iwon ewuapa ŋakiro daadaŋ ŋuna a ŋikisila a ŋul.”

Ŋikat. 2:19

Nai ŋinapei etwania ekatubon ŋakiro, aboŋorete ikes atipei akitiya ŋuna aronok akilo tari ŋuna etiyato atapapaa kec, ewuapeneneete ikes ŋakujo ŋace ka kilipeneneete ka kitiyanakinete ŋakujo ŋun. Pa emyeanakinete ikes edio a ŋiticisyo kec a ŋulu aronok, kori akisyaanu kec.