Yer. 3:16 - Ebaibul

¹⁶ Ani ipitunete iyes ilalakunete anakwap ŋirwa ŋul, nyelimunete nabo ŋituŋa ŋakiro ŋuna ka Asaduku a ŋina ka acamunet ke Ekapolon, emam ŋini etamuni Asaduku ŋin, kori emitakini, kori iwuakini natameta keŋ, kori emam nabo ace itiyaunio.

Yer. 3:16 Iomraidhean Croise

Isa. 60:22

Tari ekal ŋolo sek edit aneni kec, eruwor ateker, eruwor ateker kec ŋina sek edit akwap apei. Arae ayoŋ Ekapolon, esiyookini ayoŋ ŋun atipei anapaki a ŋina itemokino.

Isa. 61:4

Edukokinete ikes nabo ŋireŋoroto ŋulu koloŋ, ituruworete ikes ŋakiboisyo ŋuna koloŋ aponi toesikinae ŋuna ekitetyaka, esubanakinete ikes nabo ŋitaunio ŋulu aponi kinyasunae; ŋireŋoroto a ŋanyameta a ŋuna alalak.

Isa. 65:17

“Eapi ayoŋ asubun nakuj ŋinakitete ka akwap ŋinakitete, nyetamunio nabo ŋiboro ŋuluŋorok, kori nyerubakinete eya natameta.

Yer. 3:17

Apaki ŋin, enyarao Yerusalem etaun ŋolo ipukator Ekapolon, ido ecununosi ŋituŋa a ŋakwapin Yerusalem, ecununosi ikes Yerusalem kiŋaren Ekapolon, nyerubakinete nabo ikes iwuapito akisyanu kec ŋina aronon.

Yer. 30:19

Epote ŋituŋa ŋul aeore ŋieosyo ŋulu ka alakara ka ecelunete elelyanete, eterereŋi ayoŋ ikes tolalata, nyekudyokunete ikes; ainakini ayoŋ ikes kitopolooroe, nyejamuwaryo ikes nabo.

Yer. 31:27

Alimu Ekapolon ebe, “Kire jik, eponito ŋirwa ŋulu elelebikinia ayoŋ nakwap a Isirael ka nakwap a Yudaya ŋityaŋ ka ŋituŋa.

Yer. 31:8

Kiirasi, alosi ayoŋ ayaun ikes anakwap a ŋina alo Kuju ocun ikes alowaetin a akwap a ŋulu alwanak. Epote ikes kaapei ka ŋimudukanotin ka ŋikaŋwalak, kaapei ka ŋaberu ŋuna epotiyete ka ŋuna eryebasi aŋuna ka akidoun, eboŋunete ikes erae ŋituŋa ŋulu alalak.

Yer. 7:4

Nyikinyoma ŋakiro nu ŋuna amodiyo ebe, ‘Erae na Akai ke Ekapolon, Akai ke Ekapolon, Akai ke Ekapolon.’

Esek. 15:5

Ani sek eriŋa akitoe ŋin daadaŋ eyai, arae akoŋinait; aŋuna tokona anomya akim iŋes ka aŋuna eturuworya atotole, epedoryo kire nabo akisitiya akitoe ŋin akitiyaunia ibore idio a?”

Esek. 37:26

Ewuakini ayoŋ acamunet kaŋ ka ikes ŋina a ekisil, eruwor acamunet kaŋ ŋin ka ikes ŋina a ŋikaru ka ŋikaru, eterereŋi ayoŋ ikes ka etipituni, ido ewuakini ayoŋ akibois kaŋ ŋina asegan neni kec ŋikaru ka ŋikaru.

Amos 9:9

“Ebala Ekapolon, ‘Kire jik, epukae ka eloilookini ayoŋ Ŋisirael kaapei ka ŋituŋa a ŋakwapin a daadaŋ, ekeike ikes lopite ŋolo ikeikea ituŋanan ŋikinyom, otyaka ŋituŋa ŋulu aronok daadaŋ aneni a ŋulu ajokak.

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Mat. 1:11

touru Yosia Yekonia ka ŋikaitotoi keŋ ŋirwa ŋulu arikorere Ŋisirael nakwap ŋina a Babilon aruwor ŋipi.

Mat. 3:9

Nyitamete alotai kus atemar, ‘Erae Aburaam papa kosi.’ Akalimokini ayoŋ iyes atemar, epedori Akuj akilocokin ŋamoru nu toruworos ŋidwe ŋulu ka Aburaam!