Yer. 3:1 - Ebaibul

¹ Ŋakiro ŋuna irworo Ekapolon ikes nu, “Ani kelak ekile aberu keŋ, ido tolot aberu ŋin aneni keŋ toruwor aberu a ekile a ece eboŋori mono iŋes neni a aberu a ŋin a? Nyeruwor mono ŋun ŋuna emunaarete akwap ŋin a? Itiyata iyes amalao ka ŋulu iminatar ŋulu alalak; ipedorete nai iyes aboŋun neni kaŋ a?

Yer. 3:1 Iomraidhean Croise

Ŋikiru. 106:38

Apotu ikes toara ŋidwe kec ŋulu amam ibore asecito, tobukosi ŋaokot a ŋidwe kec a ŋulusapa ka ŋulupesur a ŋulu apotu ikes yaasi erae ŋamuronisya neni a ŋakujo a ŋuna alo Kanaan; apotu ŋaokot a ŋidwe a ŋul kituruwosi ŋituŋa ŋul ka akwap kec ŋina emam ajokis eyai.

Isa. 24:5

Amunaasi ŋituŋa ŋulu iboiyete anakwap akwap, anerae abila ikes ŋikisila, nyiwuapa ŋakiro ŋuna atubunitoe ka nyiwuapa acamunet ŋina a ŋikaru ka ŋikaru.

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 2:23

Kaanukiro irworotor iyes ibasi, ‘Nyikimunaara isua, nyeloto isua akilip neni a Baal?’ Kiŋolikisi epite ŋolo ayakatar ŋipitesyo kus anakadipaalat; toyenutu ŋuna ipotu iyes kitiyata. Ipotu iyes kikubakinos nooi ikwa akaal ŋina adwarunan, toema ama ka ama;

Yer. 2:7

Abu ayoŋ okoyau iyes nakwap ŋina ileleba ibore daadaŋ, ikotere inyamete ŋaraito keŋ ka ŋiboro keŋ ŋulu ajokak. Nai ani ilomarete iyes nakwap ŋin ipotu iyes tomunaasi akwap kaŋ kituruwosi akwap kaŋ ŋina asiilyanan.

Yer. 22:20

“Okoe ŋituŋa a Yerusalem, kitipeiyosi Lebanon kigworo a nen, toloto Basan kigworo a nen icelasi, kioroutu alo Abarim, anerae amunyar ŋituŋa ŋulu iminin ka iyes daadaŋ.

Yer. 3:22

Toboŋutu iyes ŋituŋa ŋulu emam akikinyoma, eketojokuni ayoŋ iyes anakiro aŋuna iponiata ikiŋeryoto ayoŋ. “Irworosi iyes ibasi, ‘Isua lu ikiboŋu neni kon, anerae irae iyoŋ Ekapolon Akuj kosi.

Yer. 3:9

Aŋuna atakania aneni a Ŋisirael esibit ŋakiro ŋuna ka akilip neni a ŋakujo ŋacaryo, apotu ikes tomunaasi akwap kec, apotu ikes kilipa neni ka amoru ka neni a ekitoe.

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Yer. 4:1

Irworo Ekapolon ebala, “Okoe ŋituŋa a Isirael, ani kiboŋut iyes neni kaŋ, ani kilemasi iyes asiilyo kus alokiŋaren kaŋ ka pa kikimyekis iyes nabo ayoŋ,

Yer. 4:14

Okoe ŋituŋa a Yerusalem, kitesegutu ŋitai kus, kitesegutu ikes anajoŋore akitiya aronis, ikotere iyes ikiunio. Tari ori imyekinito iyes ayere akitiya ŋuna aronok alotai kus?

Aum. 1:2

Igworo iŋes akuwar kya epipilikinito ŋakiro, eleleete ŋakiyo alokelyo keŋ, mam ŋikonei keŋ ŋuluŋorok daadaŋ ŋolo ebuni akisirworiun iŋes; alukis iŋes ŋikonei keŋ daadaŋ, aruwor ŋikonei keŋ daadaŋ ŋimoe keŋ.

Esek. 16:26

Ibu iyoŋ tomalaana ka Ŋijipitian, ŋikidunyet kon ŋulu elal ekibure ŋolo ka amalao ŋul. Ibu iyoŋ torubak itiyae ŋakiro ŋuna ka amalao kon ŋun, ikitoŋo ayoŋ.

Esek. 16:30

“‘Iŋita Akuj ŋakiro nu atemar, okoe etya adyaka ŋina eyai lotau kon ai? Anerae itiya iyoŋ ŋakiro ŋun daadaŋ irae ŋolo ikwaan ka amalaat ŋina nyirumeneneete ŋileec ŋulu ka amalao keŋ.

Esek. 16:35

“‘Aŋun nai, okoe amalaat, kiira ŋakiro nu ŋuna irworo Ekapolon,

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Osea 1:2

Ani egeuni Ekapolon akirwor neni a Ŋisirael aneni ka Osea, abu tolimok Osea tema, “Ape toryamu aberu ŋina erae amalaat toruwor aberu kon, toryamu ŋidwe aneni a amalaat, anerae etiyata Ŋisirael amalao ŋina apolon aŋuna aŋerioto Ekapolon.”

Osea 2:2

Ŋidwe kaŋ, kisirworiutu toto kus, kisirworiutu iŋes, anerae nyeriŋa iŋes erae aberu kaŋ ka nyeriŋa ayoŋ arae ekile keŋ. Tolimokisi tojoŋo alaerekinit amalao keŋ, tojoŋo alomenen.

Mika 2:10

Tonyoutu, toloto, meere akibois na ŋina emaikina iyes kiboiyoto, anerae adaun amunaar, adau asecit kus akinyasun akibois na jik, mam ibore ipei daŋ epedori akitojokun iŋes jik.

Sakar 1:3

Aŋun, tolimok ŋituŋa atemar ebala Ekapolon ŋolo Etiron ebe, ‘Toboŋutu neni kaŋ, ido aboŋuni ayoŋ daŋ neni kus.’

Mat. 5:31

“Alimunitoe daŋ atemar, ‘Ŋolokile daadaŋ elaki akeeberu, itemokino iŋes ainakin aberu abaruwa ŋina ke elakit.’

Ŋikis. 22:21

emaikina yaarae apese ŋin kiŋa epuke ŋolo a akai a papa keŋ, tosodi tocaka ŋikilyok a etaun iŋes a ŋamoru toara, anerae etiya iŋes ŋakiro ŋuna a ŋileec alo Isirael aŋuna abunio kiryamakinotor ka ekile eriŋa nyiita. Aŋun, ilemarete iyes aronis alotuŋa kus.

Ŋikat. 19:2

Nai abu aberu ŋin ŋina pa eisitae toŋoikin ka ekile ŋol. Toesik aberu ŋin ekile ŋol tolot lore a papa keŋ Betelem lotaun ŋolo eyai Yudaya, kiboi aina ŋilapyo ŋiomwon.