Yer. 29:8 - Ebaibul

⁸ Alimu Ekapolon ŋolo a ŋajoresyo, Akuj a Ŋisirael ebe, “Nyimyekis ŋikadwarak ka ŋimurok ŋulu iboiyete ka iyes ikimodyanakis iyes ka nyinupa ŋakiro ŋuna irujaete ikes,

Yer. 29:8 Iomraidhean Croise

Yer. 14:14

Abu nai Ekapolon okolimok ayoŋ tema, “Edwarete ŋikadwarak alyokonu enyarito ekiro kaŋ, nyeyakit ayoŋ ikes, kori nyetemara ayoŋ ikes kirworo ŋun, kori nyirworo ayoŋ neni kec. Edwarete ikes neni kon ŋakisileerenokineta ŋuna ka alyoko, edwarete ikes ŋakiro ŋunacaryo ka amodiyo ŋina eyai natameta kec a ŋikulepek.”

Yer. 23:16

Alimu Ekapolon ŋolo a ŋajoresyo ebe, “Nyipupokis ŋakiro a ŋikadwarak a ŋulu edwarete neni kus, ikimodyanakinete ikes iyes. Ikilimonokinete ikes iyes ŋakisileerekineta ŋuna etamununeete ikes, meere ŋakiro ŋuna elimunit Ekapolon.

Yer. 23:21

“Nyiyakiyara ayoŋ ŋikadwarak, nai ekerete ikes; nyirworo ayoŋ neni kec, nai edwarete ikes.

Yer. 23:25

Eira ayoŋ ŋuna irworosi ŋikadwarak ŋulu edwarete alyokonu alokiro kaŋ ebasi, ‘Abu ayoŋ eruja, abu ayoŋ eruja!’

Yer. 23:27

Ayeete ikes ŋuna ka akisimuryakin ŋituŋa kaŋ ekiro kaŋ a ŋakirujaeta kec a ŋuna elimonokinosi ikes make, lopite ŋolo aponiata atapapaa kec kisimuryakinos ekiro kaŋ aŋuna a Baal.

Yer. 27:9

Aŋun, nyemaikina iyes kiirasi ŋakiro ŋuna irworosi ŋikadwarak kus, ŋimurok kus, ŋikerujak kus, ŋituŋa kus ŋulu irworosi ŋuna eponito, ŋikekukujak kus ŋulu ebasi neni kus ebe ‘Nyitiyanakis erwosit a Babilon,’

Yer. 28:15

Tolimok nai ekadwaran Yeremia ekadwaran Anania tema, “Kiira Anania, nyiyakuuna Ekapolon iyoŋ ka ibu iyoŋ inak ŋituŋa lu akigeno ŋuna ka alyokonu.

Yer. 29:1

Erae nu ŋakiro ŋuna egiritae nabaruwa ŋina abu ekadwaran Yeremia kiyakiya alo Yerusalem neni a ŋikasikou a ŋulu ariŋa erukito ka ŋituŋa ŋulu aponi torikoroe Babilon ka neni a ŋisacaradotin, a ŋikadwarak ka neni a ŋituŋa a daadaŋ a ŋulu abu Nebukadinesar toriko alo Yerusalem ya Babilon.

Yer. 29:15

Aŋuna irworotor iyes ibasi, “Aseu Ekapolon aŋuna kosi ŋikadwarak alo Babilon,”

Yer. 29:21

Ŋakiro a Ekapolon a ŋolo a ŋajoresyo, Akuj a Ŋisirael ikes nu aŋuna ka Aab alokoku a Meseia a ŋulu edwarete neni kus ŋuna ka alyokonu alokiro kaŋ, ainakini ayoŋ ikes napedor a erwosit Nebukadinesar a ŋolo a Babilon, eari iŋes ikes iteete iyes.

Yer. 29:23

anerae etiyata ikes ŋuna aronok nooi alo Isirael, apotu toloma ŋaberu a ŋikidunyet kec, erworo alokiro kaŋ ŋakiro ŋuna ka alyokonu, ŋakiro ŋuna nyelimokina ayoŋ ikes, ayoŋ ayeni ka arae esuuda a ŋakiro kec.”

Yer. 37:9

Aŋun, nyimodikinosi bon ibasi, ‘Kire jik eakarete Ŋibabiloniyae aneni kosi,’ anerae nyeakarete ikes jik.

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Aum. 2:14

Apotu ŋikadwarak kus kirujata aŋuna kus alyokonu ka ŋakiro ŋunacaryo, nyisileerekino ikes iyes ŋasecisya kus, ikotere iyes nyikirikor nakwapin. Nai apotu kirujata aŋuna kus alyokonu, ikiinakis iyes akinup ŋakiro ŋuna nyiyookino.

Esek. 13:6

Erae ŋakitoodyanakineta kec ŋuna ka alyokonu ka erae ŋuna edwarete ikes amodiyo. Ebasi ikes, ‘Alimu Ekapolon ŋakiro nu,’ nai nyiyakiyara Ekapolon ikes, ido idarito ikes kisiyookinoe ŋakiro kec.

Mika 2:11

Ani kebu ekalyokonon, kori emodiyanot, ido tema, ‘Akadwarakini ayoŋ iyes epiini ŋolo alalan ka ŋagwe ŋuna alalak,’ eminakinete ŋituŋa ŋul ekadwaran ŋol.”

Sakar 13:4

Akoloŋit ŋin irumete, ŋileec ŋolo kadwaran daadaŋ a nakiro a ŋuna kebu iŋes todwar. Nyenapi iŋes elou ŋolo ke ekadwaran ŋolo itiyaunitae a ŋajul aŋuna ka adwarya alyokonu.

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Luk. 21:8

Toboŋok Yesu ikes tema, “Tocoito nyikimodik ituŋanan. Epote ŋikalalak irworosi alokiro kaŋ ebasi, ‘Ayoŋ iŋes ŋolo!’ kori ebasi, ‘Adol apaki!’ Nai tocoito iwuapakinete ikes.

Luk. 6:26

“Ekaŋ iyes ŋulu ikipuroe tokona; atapapaa kec daŋ koloŋ ekote neni ipurosi ŋikadwarak ŋulu alyokonok.

Ŋirom. 16:18

Anerae nyerae Kristo itiyanakinete ŋituŋa ŋulu ikote ŋul, nai itiyanakinete etic ŋolo ka akiwarit akimuj. Irworosi ikes ŋakiro ŋuna abobok, kirapirapete ŋituŋa alorwor kec ecamito amodikin ŋituŋa ŋulu epalag!

Ŋiep. 4:14

Ejoŋoo nai iwon ayakau ikisibit ŋidwe, ŋulu ikiryaŋiryaŋete ŋakitatameta a ŋituŋa a ŋulu alyokonok, ikwa ataker ŋina iryaŋiryaŋete ŋikaguragurae ŋulu a ŋakipi; iteseceneneete ŋituŋa ŋul ŋuluce aŋuna ka amodiyo a ŋina elimonokinete ikes.

Ŋiep. 5:6

Nyicamut idiotuŋanan ikimodikini iyes a ŋakiro a ŋuna ka amodiyo; anerae aŋuna a ŋakiro a ŋun, ebuni anyunyura ŋina ka Akuj neni a ŋulu nyepupete ŋakiro keŋ.

2 Ŋites. 2:3

Nyikimodik iyes idiotuŋanan alopite a edio daŋ, anerae nyebuni Akoloŋit ŋin, mati kedol mono apaki ŋina eŋeryoto ŋituŋa ŋulu alalak Akuj, ido totakanu nai Eketepegan ŋolo ka Akuj, ŋolo emaikina tocakakinae nakim ŋina nyeduŋe.

2 Tim. 3:13

Nai ŋituŋa ŋulu aronok ka ŋulu a ŋisoswae erubakinete erae ŋulu aronok ka iyatakin aronis kec nooi, emodyanakinete ŋuluce ka emodikin ikes ŋilopeyek.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.

Akis. 13:14

Abu tomodik ŋituŋa daadaŋ ŋulu iboiyete anakwap a ŋakujuwuanisya a ŋuna acamakinitae iŋes akitiya alokiŋaren etyaŋ ŋolo ke ekiŋaren. Tolimok etyaŋ ikes adukokin etorube ŋolo ke etyaŋ a ŋolo awanitae ka atum, nai ayari.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.