Yer. 29:10 - Ebaibul

¹⁰ Ŋakiro a Ekapolon ŋuna alimu Ekapolon ikes nu ebe, “Abuni ayoŋ neni kus kelunyar ŋikaru ŋatomonikanikaarei ikipukat iyes erwosit a Babilon, esiyookini nai ayoŋ akiikinet kaŋ, ido ekenyaku iyes nakibois na.

Yer. 29:10 Iomraidhean Croise

2 Ŋakiro a ŋirwa 36:21

Aŋun, apotu ŋakiro ke Ekapolon ŋuna erworo ekadwaran Yeremia kiyookinos. Abala Yeremia ebe, “Idoŋi akwap a Yudaya emam ŋituŋa ŋikaru ŋatomonikanikaarei, ikotere etacakin lorwa ŋulu a Sabato, anerae kepotu ŋituŋa tojoŋoto akieŋunun ŋirwa ŋulu a Sabato.”

2 Ŋakiro a ŋirwa 36:22

Alokaru a ŋolo a epei ipukat erwosit Kirus Perisia, abu Ekapolon kisiyook ŋakiro ŋuna sek alimunit iŋes aneni a ekadwaran Yeremia. Abu Ekapolon kiwuak lotau a erwosit Kirus a ŋolo a Perisia, alimun ŋakiro ŋuna aponi kigirae ka kiyakiyarae tosyomae ikeunitae ŋakiro keŋ neni a ŋituŋa a apukan keŋ a daadaŋ. Abasi ŋakiro ebe,

Esir 1:1

Alokaru a ŋolo ke epei ipukat erwosit Kirus Perisia, abu Ekapolon kisiyook ŋakiro ŋuna sek alimunit iŋes aneni a ekadwaran Yeremia. Abu Ekapolon kiwuak lotau a erwosit Kirus a ŋolo a Perisia, alimun ŋakiro ŋuna aponi kigirae ka kiyakiyarae tosyomae ikeunitae ŋakiro keŋ neni a ŋituŋa a apukan keŋ a daadaŋ. Abasi ŋakiro ebe,

Esir 1:2

“Ebala erwosit Kirus ŋolo a Perisia ebe: ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai Yerusalem nakwap a Yudaya.

Ŋikiru. 102:14

anerae eminasi ŋiketiyak kon Sion; nyelakara ikes aŋuna ka akinyasuno keŋ.

Yer. 25:11

Inyasunio akwap na daadaŋ ka eruwor acaryoit, ido epote ŋituŋa a ŋakwapin a ŋun akitiyanakin erwosit a Babilon ŋikaru ŋatomonikanikaarei.

Yer. 25:12

Ekaku a ŋikaru a ŋatomonikanikaarei esicani ayoŋ erwosit a Babilon ka ŋituŋa a akwap a ŋin, akwap a Ŋibabiloniyae, aŋuna ka asecit kec, eruwor akwap ŋin acaryoit ŋikaru ka ŋikaru.

Yer. 27:22

Eyaaryo ŋiboro ŋul Babilon, ido erubakinete eya nen, akitodol akoloŋit ŋina atamunia ayoŋ ikes. Enyakuni nai ayoŋ ikes enyakak ikes nakibois na.”

Yer. 27:7

Itiyanakinete iŋes ka lokoku keŋ ta lopapait keŋ ŋituŋa a ŋakwapin a daadaŋ akitodol apaki ŋina ilounere akwap keŋ, ido nai kituruwosi iŋes ŋakwapin ŋuna alalak ka ŋirwosi ŋulu apolok epito kec.’

Yer. 29:28

Anerae ikiyakik iŋes isua ŋulu ikiya Babilon abaruwa ŋina eya ŋakiro nu, ‘Elunyar apaki ŋina aoyan eriŋa iraakasi iyes ŋirikon, aŋun toduko ŋakais kiboiyoto alotooma kec ka kitata ŋimanikorin tolemut ŋinyomen ŋulu erupunete a nen.’ ”

Yer. 29:32

a ŋakiro a ŋun, alosi ayoŋ akisican Semaia ŋolo a Neelam ka ŋiletok keŋ, mam ituŋanan keŋ erubakini eyari alotuŋa a lu, ŋini iŋolikini ajokis ŋina alosi ayoŋ akitiya neni a ŋituŋa kaŋ, anerae adau iŋes alimokin ŋituŋa akiŋer Ekapolon.’ ”

Yer. 30:3

anerae eponito kire jik ŋirwa ŋulu enyakakinia ayoŋ ŋarereŋisyo neni a ŋituŋa kaŋ ŋulu a Isirael ka Yudaya, ido aŋauni ayoŋ ikes nakwap ŋina abu ayoŋ oinak atapapaa kec ka ituruworete ikes akwap ŋin ŋina kec.’ ”

Yer. 33:14

Alimu Ekapolon ebe, “Kire jik, eponito ŋirwa ŋulu esiyookinio ayoŋ akiikinet kaŋ neni a ŋituŋa a Isirael ka ŋituŋa a Yudaya.

Esek. 11:17

Aŋun, tolimok ikes atemar ŋakiro ŋuna irworo Ekapolon Akuj ikes nu, ‘Akacununi ayoŋ iyes alotuŋa a ŋakwapin, ekenyaku anakwapin kec aneni aponi ikielar iyes, akainakini nabo ayoŋ iyes akwap a Isirael.’

Dan. 9:2

abu ayoŋ Daniel, ekaru ŋol oyenu alokitaaboi ŋakiro a Ekapolon aneni a Yeremia a ekadwaran, ŋakiro ŋuna ebookoi idoŋi Yerusalem esil ŋikaru ŋatomonikanikaarei.

Sepan. 2:7

Eruwor akwap kus ŋina a ŋipiya a ŋulu a ekabila a Yuda; eruwor neni edakasi ŋibaren kec, eruwor nakais ŋuna ka Asikelon eperete ikes eboŋ. Iuryari Ekapolon Akuj kec ikes; inyakakini ŋituŋa keŋ ŋarereŋisyo kec.

Sakar 1:12

Kiŋit nai emalaika Ekapolon tema, “Ekapolon ŋolo Etiron, tari ori iwounit iyoŋ ainakin akisyon neni a Yerusalem ka lotaunio ŋulu a Yudaya, ŋulu irubak iyoŋ iŋoikinit tari tokona ŋikaru ŋatomonikanikaarei?”

Sakar 7:5

“Kiŋit ŋituŋa ŋulu ka akwap kon ka ŋisacaradotin ebe, ‘Ani mono apaki ŋina iponiata iyes kiredakis akiron ka kigworo elap ŋolo a ŋikan ka ŋolo a ŋikanikaarei ŋikaru ŋatomonikanikaarei ŋulu alunyarosi, arae mono kire aŋuna kaŋ iredakinitotor iyes akiron a?

Rus. 1:6

Tonyout Naomi kaapei ka ŋaterak keŋ toboŋosi alo Moab, anerae kebu iŋes kiira ebe adau Akuj atamun ŋituŋa keŋ Ŋisirael, ainakin akimuj.