Yer. 28:15 - Ebaibul

¹⁵ Tolimok nai ekadwaran Yeremia ekadwaran Anania tema, “Kiira Anania, nyiyakuuna Ekapolon iyoŋ ka ibu iyoŋ inak ŋituŋa lu akigeno ŋuna ka alyokonu.

Yer. 28:15 Iomraidhean Croise

1 Ŋirw. 22:23

Toŋetak Mikaia ŋakiro keŋ ebala, “Erae ŋakiro nu ŋuna atakanut, adau Ekapolon akituruwor ŋikadwarak kon ŋulu irworosi alyokonu neni kon. Nai alimu Ekapolon elope atemar iryamuni iyoŋ ŋican.”

Yer. 20:6

Ani eruwor iyoŋ Pasur ka ŋituŋa a ekal kon daadaŋ, ikirikoryo iyes, ikiyaaryo Babilon, itwani iyoŋ a ina ka ikinukyo iyoŋ inaa kaapei ka ŋikonei kon daadaŋ ŋulu idwarenene iyoŋ neni kec ŋuna ka alyokonu.”

Yer. 23:21

“Nyiyakiyara ayoŋ ŋikadwarak, nai ekerete ikes; nyirworo ayoŋ neni kec, nai edwarete ikes.

Yer. 23:31

Kiirasi, etidiŋit ayoŋ ŋikadwarak ŋulu irworosi ŋakiro kec ebasi, ‘Ebala Ekapolon.’

Yer. 27:15

Nyiyakuuna ayoŋ ikes, nai edwarete ikes ŋuna ka alyokonu alokiro kaŋ ecamito atemar ekerita ayoŋ iyes, ido tomunyaros iyes kaapei ka ŋikadwarak ŋulu edwareneete neni kus.”

Yer. 28:11

Kirwor Anania alokiŋaren ŋituŋa daadaŋ tema, “Alimu Ekapolon ŋakiro ebe, ‘Epite ŋolopei ŋol iŋes alemarya ayoŋ apedor a erwosit Nebukadinesar a ŋolo a Babilon alotuŋa a ŋakwapin a daadaŋ eriŋa nyelunyara ŋikaru ŋiarei.’ ” Ekaku ŋun abu ekadwaran Yeremia torotok tolot a akeŋ.

Yer. 29:23

anerae etiyata ikes ŋuna aronok nooi alo Isirael, apotu toloma ŋaberu a ŋikidunyet kec, erworo alokiro kaŋ ŋakiro ŋuna ka alyokonu, ŋakiro ŋuna nyelimokina ayoŋ ikes, ayoŋ ayeni ka arae esuuda a ŋakiro kec.”

Yer. 29:8

Alimu Ekapolon ŋolo a ŋajoresyo, Akuj a Ŋisirael ebe, “Nyimyekis ŋikadwarak ka ŋimurok ŋulu iboiyete ka iyes ikimodyanakis iyes ka nyinupa ŋakiro ŋuna irujaete ikes,

Yer. 7:8

“Nai iwuakinito iyes akikinyomit kus nakiro ŋuna ka amodiyo ŋuna erae ŋacaryo.

Aum. 2:14

Apotu ŋikadwarak kus kirujata aŋuna kus alyokonu ka ŋakiro ŋunacaryo, nyisileerekino ikes iyes ŋasecisya kus, ikotere iyes nyikirikor nakwapin. Nai apotu kirujata aŋuna kus alyokonu, ikiinakis iyes akinup ŋakiro ŋuna nyiyookino.

Esek. 13:22

Aŋuna abunio alyokonu kus kiwuak ajamao lotuŋa ŋulu sek ajokak, tari daŋ pa esicanit ayoŋ ikes ka aŋuna iponiata iyes kisimukekis ŋulu aronok arubakin itiyaete aronis akilo aiun akiyar kec;

Esek. 13:6

Erae ŋakitoodyanakineta kec ŋuna ka alyokonu ka erae ŋuna edwarete ikes amodiyo. Ebasi ikes, ‘Alimu Ekapolon ŋakiro nu,’ nai nyiyakiyara Ekapolon ikes, ido idarito ikes kisiyookinoe ŋakiro kec.

Esek. 13:9

Esicani ayoŋ ŋikadwarak ŋulu iŋolyanakinete ŋuna ka alyokonu, ido edwarete amodiyo. Nyeruwor ikes ŋituŋa ŋulu ka atukot kaŋ, kori nyigiryo ŋirorwa kec neni igiritae Ŋisirael, kori nyelomarete ikes nakwap a Isirael. Ŋun nai iyenuniata iyes atemar arae ayoŋ Ekapolon Akuj.

Esek. 22:28

Imunonito ŋikadwarak keŋ ŋakiro ŋuna itiyao a nen, elimonokinete ŋituŋa ŋakitoodyanakineta ŋuna ka alyokonu ka edwarete ŋakiro ŋuna erae alyokonu. Ebasi, ‘Ŋakiro ŋuna irworo Ekapolon Akuj ikes nu. Tomam bo ŋuna elimunit Ekapolon.

Sakar 13:3

Ani ketakanu nabo ekadwaran ece, etemarete atapapa kec ka atatoto kec neni kec ebe, ‘Emainina iyoŋ totwan, anerae ikilimokini iyoŋ isua alyokonu alokiro ke Ekapolon.’ Ani kedwar iŋes icumete ŋikauruunak keŋ iŋes toara.

Ŋikis. 13:6

Ani kikicocoya iyoŋ ituŋanan anakimunono, tari kerae lokaato kon kori lokoku a toto kon, kori lokaapa kon, kori lokoku kon, kori nakoku kon, kori aberu kon ŋina imina iyoŋ nooi, kori ekone kon ŋolo imina iyoŋ nooi, ikilimok iyoŋ tema, “Oloto elipa neni a ŋakujo,” (ŋakujo ŋuna nyeyenuna iyoŋ, kori atapapaa kon,

Ŋikis. 18:20

Nai ekadwaran ŋolo irworo alokiro a ŋakujo, kori ŋolo elimuni alokiro kaŋ ŋakiro ŋuna pa alimokinit ayoŋ iŋes akirwor, emaikina ekadwaran ŋol totwan.”