Yer. 28:11 - Ebaibul

¹¹ Kirwor Anania alokiŋaren ŋituŋa daadaŋ tema, “Alimu Ekapolon ŋakiro ebe, ‘Epite ŋolopei ŋol iŋes alemarya ayoŋ apedor a erwosit Nebukadinesar a ŋolo a Babilon alotuŋa a ŋakwapin a daadaŋ eriŋa nyelunyara ŋikaru ŋiarei.’ ” Ekaku ŋun abu ekadwaran Yeremia torotok tolot a akeŋ.

Yer. 28:11 Iomraidhean Croise

1 Ŋirw. 13:18

Tema nai ekadwaran ŋolo amojoŋit ŋol neni keŋ, “Ayoŋ daŋ arae ekadwaran ikwapei iyoŋ, ido abu emalaika kirwor neni kaŋ ŋakiro ke Ekapolon ebala, ‘Kinyaku iŋes toboŋut ka iyoŋ kai kon, ikotere iŋes imuji akimuj ka emasi ŋakipi.’ ” Nai amodikinit ekadwaran ŋol ekile ŋol.

1 Ŋirw. 22:6

Aŋun, abu erwosit a Isirael tonyarau ŋikadwarak ŋulu aapikinit ekimar kec ŋamiae ŋaomwon, kiŋit ikes tema, “Ekokini ai? Alosi akitijiore ŋituŋa a Ramos-Gilead, kori nyalosi?” Toboŋokis ikes temasi, “Ape, anerae ikinyakakini Ekapolon iyoŋ Ramos-Gilead.”

2 Ŋakiro a ŋirwa 18:10

Apaki ŋin, keris Sedekia lokoku a Kenaana kitiyau ŋamomwar a ŋasuwa, ido abu iŋes tema, “Ebala Ekapolon, ‘A ŋamomwar a nu, itiji iyoŋ ŋituŋa ka Aram akitodol ŋina imunyarya.’ ”

Ŋakit. 14:7

Nyirukito ka ŋibaŋaanotin, anerae nyiryamuni iyoŋ aneni kec ŋakiro ŋuna ka aosou.

Yer. 14:14

Abu nai Ekapolon okolimok ayoŋ tema, “Edwarete ŋikadwarak alyokonu enyarito ekiro kaŋ, nyeyakit ayoŋ ikes, kori nyetemara ayoŋ ikes kirworo ŋun, kori nyirworo ayoŋ neni kec. Edwarete ikes neni kon ŋakisileerenokineta ŋuna ka alyoko, edwarete ikes ŋakiro ŋunacaryo ka amodiyo ŋina eyai natameta kec a ŋikulepek.”

Yer. 23:17

Elimonokinete ikes ŋituŋa ŋulu ejamuwarito ŋakiro ka Akuj ebe, ‘Mam ŋuna aronok itiyakin neni kus;’ ka elimonokinete ikes ŋulu daadaŋ iwuapito anakisyaanu kec akisyaanu a ŋikadwarak a ŋul ebe, ‘Mam ŋican epote neni kus.’

Yer. 28:15

Tolimok nai ekadwaran Yeremia ekadwaran Anania tema, “Kiira Anania, nyiyakuuna Ekapolon iyoŋ ka ibu iyoŋ inak ŋituŋa lu akigeno ŋuna ka alyokonu.

Yer. 29:9

anerae edwarete ikes ŋuna ka alyokonu neni kus alokiro kaŋ, nyiyakuuna ayoŋ ikes.”

Esek. 13:7

Nyiŋolikina mono iyes ŋakitoodyanakineta ŋuna erae alyokonu ka akidwar ŋina erae amodiyo anakirworo ebe, ‘Alimu Ekapolon ŋakiro nu,’ tari daŋ pakalimunit ayoŋ a?