Yer. 27:9 - Ebaibul

⁹ Aŋun, nyemaikina iyes kiirasi ŋakiro ŋuna irworosi ŋikadwarak kus, ŋimurok kus, ŋikerujak kus, ŋituŋa kus ŋulu irworosi ŋuna eponito, ŋikekukujak kus ŋulu ebasi neni kus ebe ‘Nyitiyanakis erwosit a Babilon,’

Yer. 27:9 Iomraidhean Croise

Awos. 22:18

“Nyemaikina iyes kimyekis ŋakekukujak eyarete.

Awos. 7:11

Ekaku a ŋun, abu Parao tonyarau ŋikaosok ka ŋikekukujak, ido apotu ŋikekukujak a Ijipit daŋ kitiyata ŋakujuwuanisya ŋuna pei ŋun aloticisyo kec a ŋulu pa apatana ayenun.

Ŋakit. 19:27

Ikaakoku, ani kiŋer iyoŋ akipup ŋakiro ŋuna ajokak ŋuna ikitatamio, edaun iyoŋ epite ŋolo iyenunia ŋakiro ŋuna ka aosou.

Isa. 8:19

Ani tokona ketemasi iyoŋ ŋituŋa ebe, “Kiŋitutu ŋakiro aneni a ŋipyan ka aneni a ŋililae a ŋulu iŋaiŋaasi ka iŋunuŋunosi, nyemaikina mono ŋituŋa kiŋitut ŋakiro aneni a ŋakujo kec aŋuna a ŋituŋa a ŋulu eyarete

Yer. 14:14

Abu nai Ekapolon okolimok ayoŋ tema, “Edwarete ŋikadwarak alyokonu enyarito ekiro kaŋ, nyeyakit ayoŋ ikes, kori nyetemara ayoŋ ikes kirworo ŋun, kori nyirworo ayoŋ neni kec. Edwarete ikes neni kon ŋakisileerenokineta ŋuna ka alyoko, edwarete ikes ŋakiro ŋunacaryo ka amodiyo ŋina eyai natameta kec a ŋikulepek.”

Yer. 23:16

Alimu Ekapolon ŋolo a ŋajoresyo ebe, “Nyipupokis ŋakiro a ŋikadwarak a ŋulu edwarete neni kus, ikimodyanakinete ikes iyes. Ikilimonokinete ikes iyes ŋakisileerekineta ŋuna etamununeete ikes, meere ŋakiro ŋuna elimunit Ekapolon.

Yer. 23:25

Eira ayoŋ ŋuna irworosi ŋikadwarak ŋulu edwarete alyokonu alokiro kaŋ ebasi, ‘Abu ayoŋ eruja, abu ayoŋ eruja!’

Yer. 23:32

Kiirasi, etidiŋit ayoŋ ŋikadwarak ŋulu edwarete ŋakirujaeta ŋuna ka amodiyo, ŋulu elimonokinete ŋituŋa kaŋ ŋakirujaeta ŋuna ka amodiyo ka ŋikadwarak ŋulu amodiyasi ŋituŋa kaŋ aneni kaŋ anakirworo ŋakiro ŋunacaryo ŋuna erae amodiyo, nyeyakiyarit bo ayoŋ ikes, kori nyaseunit ayoŋ ikes. Aŋun, nyitiyaete ikes ajokis adio neni a ŋituŋa a lu.

Yer. 29:8

Alimu Ekapolon ŋolo a ŋajoresyo, Akuj a Ŋisirael ebe, “Nyimyekis ŋikadwarak ka ŋimurok ŋulu iboiyete ka iyes ikimodyanakis iyes ka nyinupa ŋakiro ŋuna irujaete ikes,

Esek. 21:29

Erae ŋakitoodyanakineta ŋuna iteete iyes ŋuna nyiyookino; erae ŋakiro ŋuna edwaryo aŋuna kus amodiyo. Iruworosi iyes ŋulu aronok ŋulu itiyaete aronis, ebunit akoloŋit kus ŋina ikisicanere iyes, ikimunyaryo iyes a ekileŋ.

Dan. 4:7

Apotu nai potu neni ayai ayoŋ ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok, ido abu ayoŋ olimok ikes ŋakiro ŋuna abu ayoŋ eruja, apotu nai ikes nyepedosi alimokin ayoŋ apolou a ŋakiro a ŋun.

Mika 3:7

Irumete ŋikadwarak ŋileec. Nyelakarosi ŋimurok, ituruworyo ikes daadaŋ ŋicaryo, anerae nyeboŋokini Akuj ŋakiro kec.

Sakar 10:2

Eminasi ŋituŋa alosenen akiŋita akiru nakujo, kori lomurok. Isilereununeete ŋice apolou a ŋakiro a ŋuna kirujatae, nai nyiyookino ŋakiro kec ka erae ŋakoŋinae. Aŋun, itwaŋaete ŋituŋa esibit ŋamesekin ŋuna eolito, eyakasi ikes locan, anerae emam ekarikon.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Ŋitic. 8:11

Apupete ŋituŋa ŋakiro keŋ, anerae abu iŋes ya apaki ŋina aoyan ituumonokini ikes a ŋakikukujaeta keŋ.

Ŋiep. 5:6

Nyicamut idiotuŋanan ikimodikini iyes a ŋakiro a ŋuna ka amodiyo; anerae aŋuna a ŋakiro a ŋun, ebuni anyunyura ŋina ka Akuj neni a ŋulu nyepupete ŋakiro keŋ.

Ŋikis. 13:2

ido kiyookinos ŋakujuwuanisya, kori ŋaumonokineta ŋuna alimunito ikes, ido temasi ikes, “Ewuapakisi ŋakujo ŋace (ŋuna nyeyenuna iyes) etiyanakisi ikes.”

Ŋikis. 18:14

Tari kiwuapito ŋituŋa ŋulu ilosete iyes akiritar anakwapin kec ŋakiro a ŋikadwarak ŋakiro ka ŋuna a ŋimurok, nai iyes, nyecamit Ekapolon Akuj kus iyes itiyaete ŋakiro ŋun.

Yos. 13:22

Epei alokidiŋ ŋulu apotu Ŋisirael toara, iŋes Baalam ekadwaran ŋolo arae lokoku a Beor.

Akis. 18:23

Nyeanyuwar nabo akica ŋina ke etaa aneni kon, nyiirar nabo ŋitoilon ŋulu a ŋaterak ka ŋulu a ŋikeitak aneni kon. Arwoko ŋimucurus kon anakwap a daadaŋ, nai ibu iyoŋ tomodik ŋituŋa ŋulu ka akwap a daadaŋ a ekamuka a ŋolo ke ekitoe kon.”

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.

Akis. 9:21

Apotu daŋ ŋituŋa nyekiwa akiar, akikukuja, amalao, kori akoko.