Yer. 27:5 - Ebaibul

⁵ Erae ayoŋ asubuni akwap a apedor kaŋ a ŋina apolon ka a agogoŋu kaŋ, ayoŋ asubuni ŋituŋa ka ŋityaŋ ŋulu eya nakwap, ido ainakini ayoŋ neni a ŋini acamit ainakin.

Yer. 27:5 Iomraidhean Croise

Akisy. 1:25

Tosub Akuj ŋityaŋ ŋulu anakwap a ŋikabilae kec: Ŋibaren a ŋikabilae kec, ŋityaŋ adaŋ ŋulu elyato alokwap a ŋikabilae kec. Toanyu Akuj atemar ejokak ŋul.

Akisy. 9:6

Iŋes ŋini ebukori ŋaokot a ituŋanan, ituŋanan pei ebukori ŋaokot keŋ daŋ, anerae abu Akuj tosub ituŋanan eyakar ŋasima keŋ.

1 Ŋirw. 8:42

anerae iirarete ŋituŋa ekiro kon ŋolo epol nooi ka ŋiticisyo ŋulu itiya iyoŋ ŋulu ka aumokin ka ŋuna ka apedor kon a ŋina itenitor akiŋarakin, ani ebuni igelaanot ŋin akilip iŋoliunit Kai na,

Esir 1:2

“Ebala erwosit Kirus ŋolo a Perisia ebe: ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai Yerusalem nakwap a Yudaya.

Neem. 9:22

Tosodi ibu iyoŋ inak ikes areun ŋapukasinei ka ŋituŋa a ŋakwapin ka ibu tokorak ikes akwap ŋin daadaŋ. Apotu ikes kikamasi akwap a erwosit Sikon a ŋolo a Esibon ka akwap a Og a erwosit a Basan.

Ŋikiru. 102:25

Koloŋo sek, ibu iyoŋ tosub akwap, ido ibu iyoŋ anapedor kon tosub nakuj.

Ŋikiru. 96:5

Erae ŋakujo daadaŋ ŋuna eyakatar ŋituŋa ŋacaryo, nai Ekapolon iŋes abu tosub kidiama.

Awos. 20:11

anerae ŋirwa ŋikanikapei, abu Ekapolon kitiya, tosub nakuj, akwap, anam ka ibore daadaŋ ŋini eyai tooma kec. Aŋun, abu Ekapolon kiterereŋ akoloŋit ŋina a Sabato kitesegu.

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Isa. 42:5

“Alimu Akuj, Ekapolon ŋakiro nu atemar, Ŋae asubuni kidiama, ido topetak ariwo? Ŋae apetakini akwap ka etolomuni ibore ŋini elomunit anakwap? Ŋae einanakini ekieŋanu neni a ŋituŋa a ŋulu iboiyete anakwap ka neni a ibore a daadaŋ a ŋini elosi anakwap?

Isa. 44:24

Alimu Ekapolon Ekalakunan kus, ŋolo abu ikiyeu iyes anakookyes atatoto kus ebe, “Arae ayoŋ Ekapolon ŋolo asubuni ŋiboro daadaŋ, ayoŋ abu opetak kidiama, ayoŋ elope abu opetak akwap.

Isa. 45:12

Ayoŋ asubuni akwap ka abu osub ŋituŋa ŋulu eya nakwap; ayoŋ abu opetak kidiama ka abu olimu atemar toyakaun nen ŋisubuna ŋulu eya kidiama.

Isa. 48:13

Arae ayoŋ asubuni akisyakinet a akwap, ayoŋ apetakini kidiama. Ani kanyara ayoŋ akwap ka kidiama epote ikes neni kaŋ.

Isa. 51:13

Ikimuryak iyes Ekapolon ekasuban kus, ŋolo abu topetak kidiama ka kiwuak ŋawoeta a akwap a? Ikuryaka iyes apaaran daadaŋ aŋuna ka adedeŋu a ekesicanan a ŋolo erae etic keŋ amunyar. Nai ai tokona eyai adedeŋu a ekesicanan?

Yer. 27:4

Tolimok ikes toloto alimokin ŋikapolok kec ŋakiro nu atemar alimu Ekapolon ŋolo a ŋajoresyo, Akuj a Ŋisirael ebe, ‘Tolimokisi ŋakiro nu neni a ŋikapolok kus.

Yer. 32:17

Okoe Ekapolon Akuj, arae iyoŋ isubuni nakuj ka nakwap ka apedor kon a ŋina apolon ka akan kon a ŋina agogoŋon, mam ibore ikipiyori iyoŋ.

Yer. 51:15

“Ekapolon koloŋ asubi akwap a apedor keŋ, iŋes ewuakini akwap a aosou keŋ, ka iŋes abu topetak kidiama anayenut keŋ.

Dan. 2:38

napedor kon adau Akuj ainakin ŋituŋa ka neni daadaŋ iboiyoto ikes, ŋityaŋ ŋulu ka ariet ka ŋikeny, iyoŋ ikituruwor ekepukan kec daadaŋ, iyoŋ irae egolid ŋolo itiyaunitae akou a etorube a ŋol.

Dan. 4:14

Abu emalaika ŋol tocelu tema, ‘Toyepakisi ekitoe ŋol kwap, kilenya ŋaten keŋ, kigerasi ŋakwii keŋ ka kielielaasi ŋaraito keŋ. Emaikina ŋityaŋ daadaŋ kielaros alokwap keŋ, emaikina ŋikyeny toporosi anaten keŋ.

Dan. 4:17

Erae ŋin atubokinet a ŋimalaikan a ŋulu eteok akwap, erae ŋun ŋuna elimunito ŋulu asegak, ikotere eyenunete ŋituŋa daadaŋ ŋulu eyarete atemar, Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin einakini iŋes apukan neni a ituŋanan a ŋini itiditeuna bon alotuŋa a daadaŋ.’”

Dan. 4:22

Okoe erwosit, iyoŋ ekitoe ŋol! Ipoloor iyoŋ ka igogoŋior, eyatakin apolou kon adol kidiama ka abu apukan kon kiryam akwap daadaŋ.

Dan. 4:25

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ. Inyami iyoŋ ŋinya ikwa enyamyata ŋaatuk, ikitopalalete iyoŋ ŋakopi ŋuna alokidiama, irubakini iyoŋ ikoni nen ŋikaru ŋikanikaarei akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Dan. 5:18

Okoe erwosit, abu Akuj ŋina alokidiama nooi inak papa kon Nebukadinesar aruwor erwosit, arwonu, apolou ka ailiil,

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋitic. 17:24

Akuj na ŋina asubuni akwap ka ibore daadaŋ ŋini eyai tooma keŋ, ŋina erae Ekapolon ŋolo anakuj ka akwap; nyiboi iŋes anakais a ŋuna edukito ŋituŋa akilipya ŋakujo.

Ŋitic. 17:26

Abu Akuj tosub ŋibukui a ŋituŋa daadaŋ alokile ke epei, kisiboik ikes nakwap daadaŋ, kedau atubun apaki ŋina eyaryata ka neni iboikinosi.

Ŋikis. 2:19

Ani iapiyarete iyes lokukoru ŋolo a Ŋiamori, nyisicana ikes, kori nyitijikis ikes, nyakainakini ayoŋ iyes akwap a Ŋimoabi toruwor ŋina kus, anerae adau ayoŋ ainakin akwap ŋin neni a ŋiletok a Lot.”

Ŋikis. 2:21

arae ikes ŋituŋa ŋulu agogoŋ ka ŋulu alalak nooi tooyak ikwa Ŋianakim. Nai abu Ekapolon tomunya ikes alokiŋaren Ŋiamoni, ikotere edemaryata ikes akwap kec kiboikinos nai ikes nen.

Ŋikis. 2:7

Kire jik, ikiterereŋ Ekapolon Akuj kus iyes anakiro a daadaŋ a ŋuna itiyata iyes, eyeni iŋes alosit kus ŋina ilosyoto iyes analoŋisat na a ŋina apolon nooi. Ŋikaru ŋatomoniomwon lu daadaŋ irukito iyes ka Ekapolon Akuj kus, mam ibore ipotu iyes kicanakin.’ ”

Ŋikis. 2:9

Abu Ekapolon kirwor neni kaŋ tema, “Nyisican ŋituŋa a Moab, kori nyitijik ikes, nyakainakini ayoŋ iyoŋ atutubet adio a akwap kec toruwor ŋina kus, anerae adau ayoŋ ainakin Ar toruwor akwap ŋina a ŋiletok a Lot.”

Ŋikis. 32:8

Apaki ŋina akorya Akuj ŋina alokidiama nooi akwap a Ŋisirael, apaki ŋina atyakatyakaa iŋes Ŋisirael, abu kiwuak ŋikukorin a ŋakwapin a Ŋisirael iwuapit ekimar a ŋidwe a ŋulusapa a ŋulu a Isirael.

Ŋikis. 4:17

kori ikwaan ka etyaŋ edio ŋolo eyai nakwap, kori ikwaan ka ikenyit idio ŋini a ŋabebenuk ŋini epori,

Ŋikis. 4:25

Ani iyakaunotor iyes ŋidwe ka ŋidwe a ŋidwe kus ka kidaut akiboi anakwap a ŋin ekaoyan, ido kitiyata aronis toyeut ŋitorubei a ŋakujo a ŋadi, ido kitiyata ŋuna aronok alokiŋaren Ekapolon Akuj kus, tosodi kitoŋoa iŋes,

Ŋikis. 4:32

Kiŋitanaros tokona ŋakiro ŋuna a akanuwan eriŋa iyes nyidouno, kiŋitanaros ŋuna akoloŋ sek ŋinapei anakoloŋit a ŋina asubunia Akuj ituŋanan anakwap, kiŋitanaros ameun alokisal a epei a akwap tari ŋoloce, eya mono ŋakiro ŋuna apolok nooi ŋuna ikote nu ŋuna atakanut, kori eya mono ŋakiro ŋuna ikwaan ka nu ŋuna eiraritae a?

Ŋikis. 4:35

Abu Akuj ikitoodik iyes ŋakiro ŋun ikotere iyeununete iyes atemar erae Ekapolon Akuj, emam akuj ace eyai mati iŋes bon.

Ŋikis. 5:16

“Tokerite ŋinituŋanan papa keŋ ka toto keŋ, lopite ŋolo ikicikia Ekapolon Akuj kus iyes, ikotere tolalata ŋirwa ŋulu iboiyoto iyes, ido tomam ŋace aneni kus anakwap a ŋina ikiini Ekapolon Akuj kus.

Ŋikis. 9:29

Erae ikes ŋituŋa ŋulu kon a elope ŋulu ibu iyoŋ iyau ka apedor kon a ŋina apolon ka agogoŋu kon.”

Ŋikol. 1:16

Anerae abu Akuj tosub alotooma keŋ ŋiboro daadaŋ ŋulu eyakasi kidiama ka ŋulu anakwap, ŋulu etakanete ka ŋulu nyetakanete, kaapei ka ŋipyan ŋulu eyakatar ŋapedorosyo, ŋikapolok, ŋikepukak ka ŋikawuokinitok akwap. Abu Akuj tosub akwap daadaŋ aneni keŋ ka aŋuna keŋ.

Ŋibur. 1:2

nai ŋirwa ŋulu esidyok lu erwor iŋes neni yok alotooma Lokoku keŋ. Iŋes abunio Akuj tosubunia akwap, toseu iŋes aryamun ŋiboro daadaŋ ekaku.

Akis. 4:11

“Ekapolon ka Akuj kosi! Emaikina iyoŋ toryamu apolou, akerit, ka apedor, anerae ibu iyoŋ tosub ŋiboro daadaŋ, ka aŋuna ka acamit kon ibu tosub ikes inak akiyar.”