Yer. 27:22 - Ebaibul

²² Eyaaryo ŋiboro ŋul Babilon, ido erubakinete eya nen, akitodol akoloŋit ŋina atamunia ayoŋ ikes. Enyakuni nai ayoŋ ikes enyakak ikes nakibois na.”

Yer. 27:22 Iomraidhean Croise

2 Ŋirw. 25:13

Apotu Ŋibabiloniyae tobwaŋabwaŋata ŋipirin ŋulu ke eburonis ŋulu alotooma Akai ka Akuj, toukosi daŋ ŋawoeta ŋuna a etorube a anam ŋolo ayai Kai ka Akuj ŋolo a etiyaunitae, ido yaasi eburonis daadaŋ Babilon.

2 Ŋakiro a ŋirwa 36:21

Aŋun, apotu ŋakiro ke Ekapolon ŋuna erworo ekadwaran Yeremia kiyookinos. Abala Yeremia ebe, “Idoŋi akwap a Yudaya emam ŋituŋa ŋikaru ŋatomonikanikaarei, ikotere etacakin lorwa ŋulu a Sabato, anerae kepotu ŋituŋa tojoŋoto akieŋunun ŋirwa ŋulu a Sabato.”

Esir 1:11

Ani ecunakinio ŋiboro ŋul daadaŋ, arae ekimar a ŋiboro a ŋulu etiyaunitae a egolid ke esilipa ŋalipyo ŋakan ka ŋamiae ŋaomwon. Abu Sesibasar ya ŋiboro ŋul daadaŋ Yerusalem apaki ŋina etoboŋunere Yerusalem Ŋisirael ŋulu sek arikoritae Babilon.

Esir 7:19

Emaikina iyoŋ iya neni ka Akuj a ŋina alo Yerusalem ŋiboro ŋulu ikiinakin iyoŋ ŋulu isitiyao alo Kai ka Akuj kon.

Esir 7:9

Ŋirwa ke elap epei, elap ŋolo ke epei, togeut Esira akitipeiyor alo Babilon ani edoli ŋirwa ke elap epei elap ŋolo a ŋikan todolu iŋes Yerusalem, anerae eŋarakinit Akuj keŋ iŋes.

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Yer. 20:5

Ainakini ayoŋ ebari daadaŋ a etaun a lo, ŋiboro ŋulu eryamunito ŋituŋa keŋ, ŋiboro keŋ daadaŋ ŋulu epol egyelit ka abaru daadaŋ ŋina a ŋirwosi a Yudaya neni a ŋimoe kec a ŋulu eŋatarete ŋiboro ŋul, tocunakis, ido kiwokosi Babilon.

Yer. 27:21

Topupokisi ŋakiro ŋuna alimu Ekapolon ŋolo a ŋajoresyo, Akuj a Isirael aŋuna a ŋiboro a ŋulu idoŋito Kai ka Akuj, kai a erwosit a Yudaya ka Yerusalem;

Yer. 27:7

Itiyanakinete iŋes ka lokoku keŋ ta lopapait keŋ ŋituŋa a ŋakwapin a daadaŋ akitodol apaki ŋina ilounere akwap keŋ, ido nai kituruwosi iŋes ŋakwapin ŋuna alalak ka ŋirwosi ŋulu apolok epito kec.’

Yer. 29:10

Ŋakiro a Ekapolon ŋuna alimu Ekapolon ikes nu ebe, “Abuni ayoŋ neni kus kelunyar ŋikaru ŋatomonikanikaarei ikipukat iyes erwosit a Babilon, esiyookini nai ayoŋ akiikinet kaŋ, ido ekenyaku iyes nakibois na.

Yer. 32:5

erikori erwosit a Babilon Sedekia Babilon, erubakini iŋes iboi a ina tari ŋina atamunia ayoŋ iŋes, tari kitiji iyoŋ Ŋibabiloniyae, nyilouni iyoŋ ikes.’ ”

Yer. 34:2

Tolimok Ekapolon Akuj a Ŋisirael Yeremia tema, “Tolot, kirwor neni a erwosit Sedekia a ŋolo a Yudaya ebe, ‘Alosi ayoŋ ainakin etaun lo napedor a erwosit a Babilon ka icunyakini iŋes a akim,

Yer. 34:3

ido nyibucar iyoŋ anapedor keŋ, nai ikikamunio iyoŋ ikiyai neni eyai erwosit a Babilon, iŋolikini iyoŋ erwosit a Babilon, irworikinosi ka iŋes iteosi, tosodi ilosi iyoŋ Babilon.’

Yer. 34:5

itwani iyoŋ a ekisil. Ikwaŋina ecunyere ŋikito ŋulu akukunyok enukio atapapaa kon ŋulu arae ŋirwosi eriŋa iyoŋ, ikwaŋinapei icunyo ŋikito ŋulu akukunyok aŋuna kon daŋ, iololoete ŋituŋa aŋuna kon ebasi, ‘Atwana Bareca erwosit kosi!’ Itiyakin ŋun, anerae adau ayoŋ alimun.”

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Dan. 9:2

abu ayoŋ Daniel, ekaru ŋol oyenu alokitaaboi ŋakiro a Ekapolon aneni a Yeremia a ekadwaran, ŋakiro ŋuna ebookoi idoŋi Yerusalem esil ŋikaru ŋatomonikanikaarei.