Yer. 27:15 - Ebaibul

¹⁵ Nyiyakuuna ayoŋ ikes, nai edwarete ikes ŋuna ka alyokonu alokiro kaŋ ecamito atemar ekerita ayoŋ iyes, ido tomunyaros iyes kaapei ka ŋikadwarak ŋulu edwareneete neni kus.”

Yer. 27:15 Iomraidhean Croise

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

Yer. 14:14

Abu nai Ekapolon okolimok ayoŋ tema, “Edwarete ŋikadwarak alyokonu enyarito ekiro kaŋ, nyeyakit ayoŋ ikes, kori nyetemara ayoŋ ikes kirworo ŋun, kori nyirworo ayoŋ neni kec. Edwarete ikes neni kon ŋakisileerenokineta ŋuna ka alyoko, edwarete ikes ŋakiro ŋunacaryo ka amodiyo ŋina eyai natameta kec a ŋikulepek.”

Yer. 20:6

Ani eruwor iyoŋ Pasur ka ŋituŋa a ekal kon daadaŋ, ikirikoryo iyes, ikiyaaryo Babilon, itwani iyoŋ a ina ka ikinukyo iyoŋ inaa kaapei ka ŋikonei kon daadaŋ ŋulu idwarenene iyoŋ neni kec ŋuna ka alyokonu.”

Yer. 23:15

Aŋun, alimu Ekapolon ŋolo a ŋajoresyo ŋakiro nu aŋuna a ŋikadwarak ebe, “Ainakini ayoŋ ikes kimuja ŋikur ŋulu a ŋakito ka ainakini ayoŋ ikes tomata ŋakipi ŋuna eyai ibore ŋini aaran, anerae neni a ŋikadwarak a Yerusalem akoraror amamukau anupit lotuŋa a akwap daadaŋ.”

Yer. 23:21

“Nyiyakiyara ayoŋ ŋikadwarak, nai ekerete ikes; nyirworo ayoŋ neni kec, nai edwarete ikes.

Yer. 23:25

Eira ayoŋ ŋuna irworosi ŋikadwarak ŋulu edwarete alyokonu alokiro kaŋ ebasi, ‘Abu ayoŋ eruja, abu ayoŋ eruja!’

Yer. 27:10

anerae edwarete ikes alyokonu neni kus, ŋuna ikilemarete iyes anakwap kus, ekeritari ayoŋ iyes anakwap kus, ido tomunyaros.

Yer. 29:8

Alimu Ekapolon ŋolo a ŋajoresyo, Akuj a Ŋisirael ebe, “Nyimyekis ŋikadwarak ka ŋimurok ŋulu iboiyete ka iyes ikimodyanakis iyes ka nyinupa ŋakiro ŋuna irujaete ikes,

Yer. 29:9

anerae edwarete ikes ŋuna ka alyokonu neni kus alokiro kaŋ, nyiyakuuna ayoŋ ikes.”

Yer. 38:22

Abu ayoŋ eŋolik anakiruja ŋaberu daadaŋ ŋuna edoŋito kai ke erwosit a Yudaya erikoryo kiŋa neni a ŋikapolok a erwosit a Babilon ebasi, ‘Apotu ŋikonei ŋuluminan a erwosit tomodiyasi erwosit, apotu kilopiyasi iŋes anapolou. Aŋuna tokona epokia ecoto ŋakejen kon, ikimyekis ikes iyoŋ. Tokona a ŋina emiidikinotor ŋakejen a erwosit locoto emyekis ŋikonei keŋ iŋes.’

Mat. 15:14

Kimyekisi ikes make. Erae ikes ŋikarikok ŋulu emudukaka alokidiŋ ŋimudukanotin ŋuluce. Ani kerik ituŋanan ŋini emudukana emudukanot, imasakinosi ikes daadaŋ nauwuat.”

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.