Yer. 26:20 - Ebaibul

²⁰ Ayai daŋ ekile ece ŋolo adwarenene alokiro ke Ekapolon, arae ekile ŋol Uria lokoku a Semaia ŋolo abunit alo Kirias-Yearim. Abu iŋes todwar ŋuna aronok aŋuna a etaun a lo ka aŋuna a akwap a na, erworo iŋes ŋakiro ŋuna ikwaan jik ka ŋuna alimu Yeremia.

Yer. 26:20 Iomraidhean Croise

1 Ŋirw. 18:10

Ikwaŋinapei eyarya Ekapolon Akuj kon, mam akwap, kori apukan ŋina nyiyakiyara Ekapolon kaŋ ituŋanan, ido akiwarun iyoŋ. Ani ketemasi ŋituŋa ka akwap ka adio, kori apukan ka adio ebe, ‘Emam iŋes a ne,’ etemari ŋini ikiwuarit iyoŋ lotuŋa ŋulu ka akwap a ŋin, kori ŋulu a apukan a ŋin kikoŋo ebe, ‘Nyiŋolikina isua iŋes.’

2 Ŋirw. 23:37

Abu iŋes kitiya ŋakiro ŋuna aronok aneni ke Ekapolon lopite jik ŋolo etiyatotor atapapaa keŋ daadaŋ.

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 36:19

Temasi nai ŋikapolok neni a Baruk, “Toloto toŋopa, iyoŋ ka Yeremia, ido nyemaikina idiotuŋanan toyenu neni iyakasi iyes.”

Yos. 15:60

Kirias-Baal, (iŋes Kirias-Yearim) ka Raba. Arae ŋul a nen ŋitaunio ŋiarei ka ŋirerya kec.

Yos. 18:14

Ameun alokamukumukut a ŋolo iteosi ka Bes-Oron alowae a ŋolo alo Kwap, elugokinit ekukoru kinapakin ekamukumukut alowae a ŋolo alo To, kiropo Kirias-Baal (iŋes Kirias-Yearim) etaun a ŋituŋa a Yuda. Arae ŋol ekukoru ŋolo alo To.

Yos. 9:17

Tosodo Ŋisirael tonyout, torotokis lotaunio a ŋituŋa a ŋul. Ani elunyarosi ŋirwa ŋiuni, todolo ikes lotaunio lu: Gibeon, Kepira ka Beerot ta Kirias-Yearim.

1 Sam. 6:21

Aŋun, apotu ikes kiyakiyasi ŋituŋa lotuŋa a Kirias-Yearim alimokin ikes ebe, “Enyakut Ŋipilistin Asaduku ŋina ke Ekapolon. Totiyaunos ne, ido yaa Asaduku a ne nakibois kus.”

1 Sam. 7:2

Ameun akoloŋit ŋina ewuakinere Asaduku Kirias-Yearim, abu kiboi a nen ŋikaru ŋatomoniarei, ido apotu Ŋisirael daadaŋ kigworonokis ka kiitana akiwuap Ekapolon.