Yer. 26:2 - Ebaibul

² tolimok Yeremia tema, “Towo analapatu a ŋina alokiŋaren Akai ke Ekapolon, ido kirwor neni a ŋituŋa a daadaŋ a ŋulu iboiyete alotaunio a Yudaya, ŋituŋa ŋulu eponeneete akilip alo Kai ke Ekapolon, tolimok ikes daadaŋ ŋakiro ŋuna ekeciki ayoŋ iyoŋ, nyimunon ŋakiro ŋadi.

Yer. 26:2 Iomraidhean Croise

Yer. 1:17

Nai toten iyoŋ Yeremia, towo, tolimok ikes ŋakiro daadaŋ ŋuna ekeciki ayoŋ iyoŋ. Nyikuryaniar alokiŋaren kec, kikuryaniar iyoŋ, akainakini ayoŋ iyoŋ akuryanu alokiŋaren kec.

Yer. 1:7

Nai abu Ekapolon okolimok ayoŋ tema, “Nyitema, ‘Eriŋa ayoŋ arae idya;’ anerae ilosi iyoŋ neni a daadaŋ a ŋulu ekeyakiyari ayoŋ iyoŋ, ido ibuni iyoŋ akirwor ŋakiro daadaŋ ŋuna akalimokini ayoŋ iyoŋ.

Yer. 19:14

Ani eboŋuni Yeremia alo Topes aneni eyakiyarit Ekapolon iŋes adwarya ŋakiro, abu iŋes towo analapatu a ŋina a Akai ka Akuj, tolimok ŋituŋa daadaŋ tema,

Yer. 23:28

Kimyekisi ekadwaran ŋolo irujat tolimu ŋuna irujat iŋes, nai kimyekisi ŋini eyakar akirot kaŋ tolimu akirot kaŋ emam akilocokin. Alipite ikwaanatar nooi ŋikinyom ŋulu ikote erau ka eot?

Yer. 25:2

abu Yeremia ekadwaran tolimok ŋakiro ŋun ŋituŋa a Yudaya daadaŋ ka ŋituŋa daadaŋ ŋulu eboiyete alo Yerusalem.

Yer. 28:5

Abu nai Yeremia ekadwaran kirwor neni ka Anania a ekadwaran alokiŋaren ŋisacaradotin ka ŋituŋa daadaŋ ŋulu awuasi alo Kai ka Akuj.

Yer. 36:10

Abu nai Baruk tosyom ŋakiro a Yeremia ŋuna egiritae lokitaabo alokiŋaren ŋituŋa daadaŋ alo Kai ke Ekapolon anagule a Gemaria a lokoku a Sapan a ŋolo arae ekegirigiran, ayai agule ŋin nalapatu ŋina alokidiama diyete neni elomarere lopuke ŋolo enyaritae Epuke ŋolokitete alo Kai ka Akuj.

Yer. 42:4

Tolimok ekadwaran Yeremia ikes tema, “Ejok nooi, alosi ayoŋ elip Ekapolon Akuj kus lopite ŋolo iŋitatar iyes, ido ŋakiro daadaŋ ŋuna ikiboŋokini Ekapolon iyes, akalimokini ayoŋ iyes, nyekemunoni ayoŋ iyes ŋakiro ŋadi.”

Yer. 7:2

“Towo alopuke a ŋolo ka Akai ke Ekapolon, kiserau a nen ŋakiro nu tema, ‘Kiirasi ŋakiro a Ekapolon iyes ŋituŋa a Yudaya, iyes ŋulu ilomanarete alopuke alo akilip neni ke Ekapolon.’

Yer. 7:27

“Aŋun, Yeremia ilosi iyoŋ akirwor ŋakiro nu daadaŋ neni kec, nai nyecamunete ikes apupokin iyoŋ, inyarae iyoŋ ikes, nai nyikiboŋokinete ikes iyoŋ.

Esek. 3:10

Tema ŋini erworo neni kaŋ, “Lokoku a ituŋanan, topupok mono iyoŋ icoikinit nooi ka kiwuak lotau kon ŋakiro daadaŋ ŋuna erwori ayoŋ neni kon.

Esek. 33:7

“Aŋun, iyoŋ lokoku a ituŋanan, eketuruwo ayoŋ iyoŋ eketen Ŋisirael; apaki daadaŋ ŋina iirarya iyoŋ ŋakiro aneni kaŋ, emaikina iyoŋ tolimok Ŋisirael ŋuna abala ayoŋ ikes tocoikis.

Esek. 40:4

Abu ekile ŋol tema neni kaŋ, “Lokoku a ituŋanan, kiŋolik ejok ediyediye ka topupok ejok nooi, yau ŋatameta kon neni a ibore a daadaŋ a ŋini alosi ayoŋ akitoodikin iyoŋ, anerae aponi iyoŋ ikiyaun ne, ikotere eketoodikini ayoŋ iyoŋ ibore daadaŋ. Emaikina iyoŋ tolimok Ŋisirael ibore daadaŋ ŋini iŋolikini iyoŋ a ne.”

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Luk. 19:47

Etatami Yesu ŋirwa daadaŋ alo Kai ka Akuj. Acamito ŋisacaradotin ŋulu apolok ka ŋiketatamak a Ŋikisila ta ŋikatukok akiar Yesu;

Yoa. 18:20

Toboŋok Yesu iŋes tema, “Erwor ayoŋ lotuŋa daadaŋ, emam ŋakiro ŋuna abu ewua; abu ayoŋ jwi jwi etatam alosinagogae ka alo Kai ka Akuj, aneni ecunanakin Ŋiyudayan daadaŋ. Emam akirot alimu ayoŋ ewuait.

Yoa. 8:2

Ani iwalari, toboŋo iŋes Kai ka Akuj, tocunakin ŋituŋa neni keŋ, kiboikin iŋes, kisyak akitatam ikes.

Ŋitic. 20:20

Iyenete iyes atemar abu ayoŋ nyemunon idiobore ŋini eyai epoida aneni kus, abu okolimonok ka eketatamik anatukon ka alorerya kus.

Ŋitic. 20:27

Anerae nyimunono ayoŋ akiserakin iyes ŋuna daadaŋ ecamit Akuj.

Ŋitic. 5:25

Bu nabo ituŋanan ice, tolimok ikes tema, “Topupokisi! Ŋikilyok ŋulu iwuakinito iyes mabus, eya tokona Kai ka Akuj itatamete ŋituŋa!”

Ŋitic. 5:42

Torubakis Ŋikiyakia a ŋinakoloŋit itatamete ka elimonorete alo Kai ka Akuj ka alorerya atemar Yesu erae Kristo.

Ŋikis. 12:32

Emaikina iyes kiwuapa ejok ŋakiro daadaŋ ŋuna ekecik ayoŋ iyes akitiya, nyiyatakis akirot adio nakiro ŋun, kori nyilemasi adio.

Ŋikis. 12:5

Nai emaikina iyes kiwarut akibois ŋina eseuni Ekapolon Akuj kus anakiboisyo a ŋikabilae kus aruwor neni iboiyo iŋes ka neni ilipere enyaritae ekiro keŋ. Emaikina iyes toloseneneete nen,

Ŋikis. 4:2

Nyemaikina iyes kiyatakis ŋakiro ŋadi nakiro ŋuna ekecik ayoŋ iyes, kori tolemasi ŋakiro ŋadi anakiro a ŋun, nai kiwuapa ŋakiciketa a Ekapolon Akuj kus, ŋuna tokona ekeciki ayoŋ iyes.

Yos. 8:35

Tosyomak Yosua ŋituŋa Ŋikisila a Moses daadaŋ, kiirasi ŋituŋa daadaŋ kiirasi tari ŋaberu ka ŋidwe ta ŋituŋa ŋulu a ŋakwapin a ŋunagelae ŋulu aya nen.

Akis. 22:19

ani kelema ituŋanan ŋakiro ŋace anakiro a ŋuna edwaritae alokitaabo a lo, elemari Akuj aneni keŋ arait ŋina etemokino iŋes toryamu alokitoe a ŋolo ka akiyar ka nyelomari iŋes lotaun ŋolo apolon ŋolo ka Akuj.