Yer. 25:7 - Ebaibul

⁷ Nai nyiwuapa iyes ŋakiro kaŋ, aŋun ikitoŋoa iyes ayoŋ a ŋiboro kaŋ, aŋun ikitoŋoa iyes ayoŋ a ŋiboro a ŋulu itiyaununeete iyes a ŋakan kus, ŋakiro ŋun ikiinakis iyes ŋican.

Yer. 25:7 Iomraidhean Croise

2 Ŋirw. 17:17

Esitoreneneete ikes ŋisapa kec ka ŋapesur kidiŋ akim. Elamilamete ikes ka ekukujaete, nabo agyelanarosi aŋuna ka akitiya aronis alo kiŋaren Ekapolon, aŋun apotu ikes kitoŋoa Ekapolon.

2 Ŋirw. 21:15

Etiyae ayoŋ ŋakiro ŋun lotuŋa kaŋ, anerae etiyata ikes aronis alokiŋaren kaŋ ka eketoŋoa ayoŋ nooi, ŋinapei ameun akoloŋit ŋina aponiata atapapaa kec alo Ijipit akitodol tari tokona.’ ”

2 Ŋakiro a ŋirwa 24:19

Abu Ekapolon kiyakianak ikes ŋikadwarak akinyakun ikes neni a Ekapolon; apotu ŋikadwarak tolimonokis ikes ŋakiro ŋuna asecito ikes, nai apotu nyiirasi.

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Ŋakit. 8:36

Nai ŋulu nyakaryamunete ayoŋ, ewanawanasi make, ŋulu daadaŋ akaremokino ayoŋ, itojokito atwanare.”

Yer. 19:15

“Alimu Ekapolon ŋolo a ŋajoresyo Akuj ŋina a Ŋisirael ebe, ‘Ayauni tokona ayoŋ lotaun lo ka lotaunio a Yudaya daadaŋ ŋican daadaŋ ŋulu adau ayoŋ alimun aremokino ikes, anerae etogogoŋo ŋituŋa kec ŋakyes, awout akiirar ŋakiro kaŋ.’”

Yer. 22:21

Abu ayoŋ erwor neni kus apaki ŋina iyakatar iyes najokis, nai ipotu iyes temasi, ‘Nyikiirari isua.’ Itiyata iyes lopite ŋol ŋinapei anasorokanut kus, nyiwuapa iyes ŋakiro kaŋ.

Yer. 25:8

Aŋun, alimu Ekapolon ŋolo a ŋajoresyo ebe, “Aŋuna pa aponere iyes kiwuapae ŋakiro kaŋ,

Yer. 29:19

anerae apotu ikes nyiwuapa ŋakiro kaŋ apaki ŋina eyakikinitor ayoŋ ikes ŋiketiyak kaŋ ŋikadwarak, nai apotu ikes nyiirasi ŋakiro kaŋ.

Yer. 44:7

Alimu tokona Ekapolon ŋolo a ŋajoresyo, Akuj ŋina a Ŋisirael atemar kaanukiro itiyaata iyes ŋakiro ŋuna eduporok iyes, ŋuna elemarete ŋikilyok, ŋaberu, ŋidwe ka ŋiŋwea anakwap a Yudaya, tomamukaun ŋipiya kus idoŋete?

Yer. 44:8

Kaanukiro ikitoŋoeta iyes ayoŋ a ŋiticisyo a ŋulu itiyaete iyes a ŋakan kus, inanakinete ŋainanakineta neni a ŋakujo a ŋace anakwap a Ijipit aneni ipotu iyes akiboi? Icamito iyes ikimunyar, ido toruworos ŋituŋa ŋulu icenere ŋuluce ka inyasere ŋituŋa ŋulu a ŋakwapin a daadaŋ a?

Sakar 1:4

Nyikwaanikinosi ka atapapaa kus, a ŋulu apotu ŋikadwarak paaran kiserakis ŋakiro nu ebe, ‘Ebala Ekapolon ŋolo Etiron, toboŋutu alopitesyo kus a ŋulu ka aronis ka anakitiya aronis. Nai apotu ikes nyiirasi ŋun, kori nyiwuapakis ŋakiro kaŋ.’

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.