Yer. 25:3 - Ebaibul

³ Ŋakiro ŋun ikes nu: Ameun alokaru a ŋolo a ŋitomon ka ŋiuni ipukat Yosia lokoku ka Amon a ŋolo a Yudaya tari nakoloŋit na, erae tokona ŋikaru ŋatomoniarei ka ŋiuni, erwor Ekapolon ŋakiro keŋ neni kaŋ ka adau ayoŋ akirwor ŋakiro ŋun neni kus ŋinapaki daadaŋ, nai nyiirara iyes.

Yer. 25:3 Iomraidhean Croise

Akisy. 22:3

Tonyou nai Aburaam taparacu sek, toenik esigirya keŋ; ya ŋisorok ŋiarei ŋulu arae ŋiketiyak keŋ kaapei ka Isaka lokoku keŋ. Kibelu ŋakito ŋunapeyet amuronot, tolot nakibois ŋina alimokinit Akuj iŋes.

1 Ŋirw. 22:3

Kiŋit erwosit a Isirael ŋikapolok a akwap keŋ tema, “Nyiyenete mono iyes atemar erae akwap a Ramos-Gilead ŋina yok, ido emam ŋadi itiyao iwon akinyakun iŋes aneni a erwosit ka Aram a?”

2 Ŋirw. 17:13

Nai ecikit Ekapolon Isirael ka Yudaya alotooma erwor a ŋikadwarak keŋ a daadaŋ ka ŋikisileerekinok ebala, “Toesikisi ŋiticisyo kus ŋulu aronok. Kiwuapa ŋakiciketa kaŋ ka ŋikisila kaŋ, lopite ŋolo ecamakinitor ekisil daadaŋ ŋolo ecikitor ayoŋ atapapaa kus kiwuapa, ido abu ekekobak iyes esitoru neni a ŋikadwarak a ŋulu erae ŋiketiyak kaŋ.”

2 Ŋakiro a ŋirwa 24:19

Abu Ekapolon kiyakianak ikes ŋikadwarak akinyakun ikes neni a Ekapolon; apotu ŋikadwarak tolimonokis ikes ŋakiro ŋuna asecito ikes, nai apotu nyiirasi.

2 Ŋakiro a ŋirwa 34:1

Arae ŋikaru a Yosia ŋikanikauni ŋina esyakinia akipuka. Kipuka iŋes Yudaya alo Yerusalem ŋikaru ŋatomoniuni ka epei.

2 Ŋakiro a ŋirwa 34:3

Ani edolete ŋikaru ŋulu epukator iŋes ŋikanikauni eriŋa iŋes erae edya, abu iŋes kisyak ayenun ŋuna ka Akuj a papaa keŋ a Daudi. Ani edolete ŋikaru keŋ ŋitomon ka ŋiarei, abu iŋes kisyak amunaanar alo Yudaya ka alo Yerusalem ŋakiboisyo ŋunamukur ŋuna elipere neni a ŋakujo, tomunaana tari ŋitorubei a ŋakujo ŋuluce daadaŋ.

2 Ŋakiro a ŋirwa 34:8

Alokaru a ŋolo a ŋitomon ka ŋikanikauni ipukat Yosia, toris iŋes kitaleu akwap a Yudaya ka Akai ka Akuj, abu iŋes kiyakiya Sapan lokoku ka Asalia ka Maaseia ŋolo arae ekapolon a etaun ta Yoa lokoku a Yoaas a ŋolo arae ekegirigiran alosit akiduk neni amunaara alo Kai ke Ekapolon Akuj keŋ.

2 Ŋakiro a ŋirwa 36:15

Abu Ekapolon Akuj atapapaa a ŋituŋa a Yudaya ka Yerusalem torubak iyakiyanari ŋikadwarak akisirworiun ŋituŋa a Yudaya ka Yerusalem, anerae esyonit Akuj ikes kaapei ka Akai keŋ.

Ŋikiru. 81:13

Okoe, anica kiirasi ŋituŋa kaŋ ŋuna abala ayoŋ, anica kiwuapa Ŋisirael ŋuna abala ayoŋ!

Awos. 8:20

Tema nai Ekapolon neni a Moses, “Tonyou moi taparacu eriŋa ataparacu kitoodiyar neni a Parao apaki ŋina elomarya iŋes kiŋa nakipi a aŋolol Nile, tolimok iŋes atemar ŋakiro ŋuna irworo Ekapolon ikes nu, kimyek ŋituŋa kaŋ toloto, ikotere ilipete neni kaŋ.

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Yer. 1:2

Abu Ekapolon kirwor neni a Yeremia alorwa a ŋulu a erwosit Yosia a lokoku ka Amon a ŋolo alo Yudaya arae ŋol ekaru ŋolo a ŋitomon ka ŋiuni ipukat iŋes.

Yer. 11:7

anerae abu ayoŋ olimok ka agogoŋu atapapaa kus apaki ŋina ayaunia ayoŋ ikes anakwap a Ijipit atemar torubakisi iwuapito ŋakiro kaŋ, alimokinit ayoŋ ikes ŋakiro ŋun tari nakoloŋit na atemar kiwuapa ŋuna erworo ayoŋ.

Yer. 19:15

“Alimu Ekapolon ŋolo a ŋajoresyo Akuj ŋina a Ŋisirael ebe, ‘Ayauni tokona ayoŋ lotaun lo ka lotaunio a Yudaya daadaŋ ŋican daadaŋ ŋulu adau ayoŋ alimun aremokino ikes, anerae etogogoŋo ŋituŋa kec ŋakyes, awout akiirar ŋakiro kaŋ.’”

Yer. 22:21

Abu ayoŋ erwor neni kus apaki ŋina iyakatar iyes najokis, nai ipotu iyes temasi, ‘Nyikiirari isua.’ Itiyata iyes lopite ŋol ŋinapei anasorokanut kus, nyiwuapa iyes ŋakiro kaŋ.

Yer. 25:4

Tari ŋina arubakinitor Ekapolon ikiyakiyanakini iyes ŋiketiyak keŋ ŋikadwarak nyiirara iyes, kori nyepupokina daŋ,

Yer. 26:5

pa kiirasi ŋakiro a ŋiketiyak kaŋ a ŋikadwarak a ŋulu eyakuununui ayoŋ neni kus atipei, a ŋulu nyiirara iyes ŋakiro kec,

Yer. 29:19

anerae apotu ikes nyiwuapa ŋakiro kaŋ apaki ŋina eyakikinitor ayoŋ ikes ŋiketiyak kaŋ ŋikadwarak, nai apotu ikes nyiirasi ŋakiro kaŋ.

Yer. 32:33

Akamuleno ikes ayoŋ tari ŋina arubakinitor ayoŋ etatami ikes, nyiirara ikes ŋakiro kaŋ ka nyecamuna ŋuna etatami ayoŋ.

Yer. 35:14

Apotu ŋituŋa kiwuapa akiciket ŋina abu Yonadab lokoku a Rekab tolimok ŋiletok keŋ atemar nyemata epiini, tari tokona nyemasete ikes epiini, anerae ewuapa ikes ŋakiro a papaa kec. Nai adau ayoŋ elope akirwor neni kus ŋarwa ŋuna alalak, ido nyiwuapa iyes ŋakiro kaŋ.

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Yer. 36:1

Alokaru a ŋolo a ŋiomwon ipukat Yeoiakim lokoku a Yosia a ŋolo a Yudaya, kirwor Ekapolon neni a Yeremia ŋakiro nu tema,

Yer. 36:2

“Tolemu ekitaabo kigir ŋakiro daadaŋ ŋuna akalimok ayoŋ iyoŋ aremokino ŋituŋa a Isirael ka ŋituŋa a Yudaya ta ŋituŋa a ŋakwapin a daadaŋ, kigir ŋakiro ameun anakoloŋit a ŋina erworor ayoŋ neni kon ka ŋuna alorwa a ŋulu a Yosia tari nakoloŋit na.

Yer. 44:4

Kikote neni daŋ, abu ayoŋ orubak ekeyakianakini iyes ŋiketiyak kaŋ ŋikadwarak abala, ‘Ekemaimai ayoŋ iyes, nyitiyata ŋakiro ŋuna ka asiilyo ŋun ŋuna aremokino ayoŋ!’

Yer. 7:13

Tosodi tokona, aŋuna idauniata iyes akitiya ŋakiro ŋun daadaŋ ka aŋuna abunio ayoŋ eruwor neni kus ŋarwa ŋuna alalak, nai ipotu iyes nyiirasi ŋakiro kaŋ ka ani akanyarae ayoŋ iyes, ipotu iyes nyikiboŋokis ayoŋ,

Yer. 7:25

Ameun anakoloŋit a ŋina aponiata atapapaa kus anakwap a Ijipit akitodol nakoloŋit na, abu ayoŋ eyakiyanak ikes jik ŋiketiyak kaŋ ŋikadwarak daadaŋ, abu ayoŋ eyakiyanak ikes ŋikadwarak aŋinakoloŋit,

Esek. 33:4

ani nai kiira ituŋanan eli nai nyeten akitiya ŋadi, ido todolut ŋimoe toara ikes, eruwor atwanare kec nakou kec a ŋilopeyek.’

Sakar 1:4

Nyikwaanikinosi ka atapapaa kus, a ŋulu apotu ŋikadwarak paaran kiserakis ŋakiro nu ebe, ‘Ebala Ekapolon ŋolo Etiron, toboŋutu alopitesyo kus a ŋulu ka aronis ka anakitiya aronis. Nai apotu ikes nyiirasi ŋun, kori nyiwuapakis ŋakiro kaŋ.’

Mar. 1:35

Ani taparacu eriŋa akoloŋ nyipiripiruna, tonyou Yesu, tolot neni asilon akilip.

Yoa. 8:2

Ani iwalari, toboŋo iŋes Kai ka Akuj, tocunakin ŋituŋa neni keŋ, kiboikin iŋes, kisyak akitatam ikes.

Yoa. 8:47

Ŋini ebunit aneni ka Akuj epupi ŋakiro ŋuna ka Akuj; nai nyiponito iyes aneni ka Akuj, iŋes nyipupyoto ŋakiro ŋun.”

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.