Yer. 25:16 - Ebaibul

¹⁶ Emasete ikes epiini ŋol, ido kiteritereonor ka tobaŋaaniyasi aŋuna a ejie a ŋolo eyakikini ayoŋ ikes.

Yer. 25:16 Iomraidhean Croise

Yer. 13:12

Kirwor Ekapolon neni kaŋ tema, “Emaikina iyoŋ tolimok ikes ŋakiro nu atemar, ebala Ekapolon Akuj a Ŋisirael ebe, ‘Emaikina kilelebikinae epiini namoti daadaŋ ŋuna sek ituranakinio epiini?’ Nai ikilimokinete ikes iyoŋ ebe, ‘Itami iyoŋ nyikiyeni isua atemar emaikina epiini kiwuakinae namoti ŋuna sek ituranakinio epiini a?’

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Yer. 25:27

“Ilimokini nai iyoŋ ikes ebe, ‘Alimu Ekapolon ŋolo a ŋajoresyo, Akuj a Ŋisirael atemar tomata, tomerakinos, toleka, ido kibusokinos nyinyout nabo aŋuna a ejie a ŋolo eyakuunit ayoŋ neni kus.’

Yer. 45:5

Ani bo iyoŋ, iitanit iyoŋ ŋakiro ŋuna apolok aŋuna kon a elope a? Nyiitan ŋun, anerae alosi ayoŋ ayaun akisicanet neni a ŋituŋa a daadaŋ, nai iuni iyoŋ akiyar kon aneni daadaŋ ilosi iyoŋ.”

Yer. 48:26

“Kitemerakisi ŋituŋa keŋ, anerae apotu kitopoloor make kimana Ekapolon, kimyekisi ŋituŋa a Moab kibelibelo analyakan kec pei, eruwor ikes daŋ ŋulu ekyenare.

Yer. 51:39

Ani imuete ikes ŋagwe, ainakini ayoŋ ikes ŋagwe etemerak ikes, tari ŋina elakarator, tosodi tojotooros ŋajo ŋuna a jik, nyekyenyut nabo.

Yer. 51:7

Ekwaan sek Babilon aneni kaŋ ka ekopo ŋolo eyai nakan kaŋ, ekopo ŋolo itiyaunitae a egolid, abu iŋes kitemerak ŋituŋa a akwap a daadaŋ apotu ŋituŋa a ŋakwapin tomata epiini keŋ aŋun, abu kimatimataa ŋituŋa a ŋakwapin nooi.

Aum. 3:15

Eketeryamu Akuj ayoŋ ŋican ŋulu apolok nooi, eketeryamu Akuj ayoŋ ŋican ŋulu nyapedorit akidaŋidaŋ.

Aum. 4:21

Tolelyana ka tolakaros iyes ŋituŋa ke Edom ka ŋituŋa ŋulu iboiyete alo Us. Imerakinosi iyes, ilosete ilerete iteriterosi.

Obad. 1:16

Ikwapei iponiata iyes ŋituŋa kaŋ toryamut ŋican, alomukura kaŋ a ŋolo asegan, erubakinete ŋakwapin daadaŋ eryamununeete ŋican; kire jik, eryamunete ikes ŋican ŋulu apolok nooi, ido etakanuni esibit pa keyakasi sek ikes nen.”

Naum 3:11

Ninepe, emerakin ŋituŋa kon daadaŋ, eemete ikes akiŋop iwarito aiuno alomoe kec.

Akis. 14:10

ebuni iŋes elope akimat epiini ŋolo ka Akuj; epiini ŋolo ka anyunyura a ŋina ka Akuj, ŋolo abukoki iŋes pa ecaritae lokopo ŋolo ka aŋoit keŋ! Iŋes daadaŋ ŋini itiyae ŋun, isicanio ka akim ka Sulpa alokiŋaren ŋimalaikan ŋulu ka Akuj ka Imesek.

Akis. 14:8

Abu emalaika ŋolo a ŋiarei kiwuapak ŋolo ke ekiŋaren tema, “Aukor iŋes! Aukor Babilon ŋolo apolon nooi! Ŋolo abu kitamat ŋakwapin daadaŋ epiini keŋ ŋolo ka amalao!”

Akis. 18:3

Anerae adaut ŋakwapin daadaŋ akimat epiini keŋ--epiini ŋolo ke ekibure ŋolo ka amalao keŋ. Apotu ŋirwosi ŋulu ka akwap tomalaana ka iŋes, tobara daŋ ŋimucurus ŋulu ka akwap aloterekune keŋ a ŋolo a ŋiboro.”