Yer. 25:12 - Ebaibul

¹² Ekaku a ŋikaru a ŋatomonikanikaarei esicani ayoŋ erwosit a Babilon ka ŋituŋa a akwap a ŋin, akwap a Ŋibabiloniyae, aŋuna ka asecit kec, eruwor akwap ŋin acaryoit ŋikaru ka ŋikaru.

Yer. 25:12 Iomraidhean Croise

2 Ŋirw. 24:1

Alokaru a ŋulu epukator Yeoiakim akwap a Yudaya, abu Nebukadinesar erwosit a Babilon, kikama akwap a Yudaya toruwor Yeoiakim eketiyan keŋ ŋikaru ŋiuni. Nai abu Yeoiakim toŋer Nebukadinesar akipuka iŋes.

2 Ŋakiro a ŋirwa 36:22

Alokaru a ŋolo a epei ipukat erwosit Kirus Perisia, abu Ekapolon kisiyook ŋakiro ŋuna sek alimunit iŋes aneni a ekadwaran Yeremia. Abu Ekapolon kiwuak lotau a erwosit Kirus a ŋolo a Perisia, alimun ŋakiro ŋuna aponi kigirae ka kiyakiyarae tosyomae ikeunitae ŋakiro keŋ neni a ŋituŋa a apukan keŋ a daadaŋ. Abasi ŋakiro ebe,

Ŋikiru. 137:8

Okoe ŋituŋa a Babilon! Iyes ŋikenyasak! Elakar ŋituŋa ŋulu inyaŋarete ŋakiro kus ŋuna ipotu iyes kitiya neni kosi.

Isa. 13:19

Inyasunio Babilon akwap ŋina sek itopolooritae alotooma ŋakwapin, daadaŋ akwap ŋina ibus ka ŋina iturotor Ŋibabiloniyae. Ikwaanikin iŋes ka Sodoma ta Gomora apaki ŋina ekamarya Akuj ikes.

Isa. 14:23

Eturuwori ayoŋ Babilon neni iboiyoto ŋapupui neni eya ŋataparin, apyaari ayoŋ Babilon omunya ibore daadaŋ a nen.”

Isa. 15:6

Ejuwasi ŋakipi a Nimirim ka ainiyasi ŋinya alodiyete keŋ adaun ibore ŋini sek elomunit a nen, mam ibore eriŋa elib a nen.

Isa. 20:1

Alokaru a ŋolo abunio ekapolokiniton ŋasigarya ka Asiriya ŋolo eyakuunit Sarigon erwosit ka Asiriya Acidod neni abu ekapolokiniton a ŋasigarya ŋol torem, ido kikama,

Isa. 33:1

Ekaŋ iyoŋ ekenyasan, iyoŋ ŋolo emam ituŋanan abu ikimunya iyoŋ ŋolo emam ituŋanan abu itoluk! Ani ijoŋoe iyoŋ akinyas, ikinyasunio iyoŋ; ido ani ijoŋoe iyoŋ araakau ŋolo alukinon, ikilukinio iyoŋ.

Isa. 46:1

Erae na adaunet a ŋakujo a Babilon! Arae sek Bel ka Nebo ŋakujo ŋuna elipeneneo neni kec, nai tokona idokokinitoe ikes losigirya, aruworosi akiwokitoi ŋina apotyon aneni a ŋityaŋ a ŋulu sek eupit.

Yer. 23:2

Aŋun, ŋakiro nu irworo Ekapolon Akuj a Ŋisirael aŋuna a ŋikepukak a ŋulu ipukato ŋituŋa keŋ, “Iyes ŋikepukak ŋulu ipukato ŋituŋa kaŋ, iyes ielasi ŋituŋa kaŋ ka iritasi ikes nariet ka nyiyoko iyes ŋituŋa kaŋ, aŋun ekesicani ayoŋ iyes aŋuna a ŋiticisyo kus a ŋulu aronok.

Yer. 25:14

anerae epote ŋituŋa a ŋakwapin a ŋuna alalak ka ŋirwosi ŋulu agogoŋok akituruwor ikes ŋipi, ido esicani ayoŋ ŋituŋa ka ŋirwosi ŋul aŋuna a ŋiticisyo kec ka aŋuna a ŋiboro a ŋulu itiyaununeete ikes a ŋakan kec.”

Yer. 27:22

Eyaaryo ŋiboro ŋul Babilon, ido erubakinete eya nen, akitodol akoloŋit ŋina atamunia ayoŋ ikes. Enyakuni nai ayoŋ ikes enyakak ikes nakibois na.”

Yer. 27:7

Itiyanakinete iŋes ka lokoku keŋ ta lopapait keŋ ŋituŋa a ŋakwapin a daadaŋ akitodol apaki ŋina ilounere akwap keŋ, ido nai kituruwosi iŋes ŋakwapin ŋuna alalak ka ŋirwosi ŋulu apolok epito kec.’

Yer. 29:10

Ŋakiro a Ekapolon ŋuna alimu Ekapolon ikes nu ebe, “Abuni ayoŋ neni kus kelunyar ŋikaru ŋatomonikanikaarei ikipukat iyes erwosit a Babilon, esiyookini nai ayoŋ akiikinet kaŋ, ido ekenyaku iyes nakibois na.

Esek. 35:9

Eketuruwori ayoŋ iyoŋ neni asilon ŋikaru ka ŋikaru, mam nabo jik nyiboikinosi ŋituŋa lotaunio kon. Ŋun nai iyenuniata iyes atemar arae ayoŋ Ekapolon.

Dan. 9:2

abu ayoŋ Daniel, ekaru ŋol oyenu alokitaaboi ŋakiro a Ekapolon aneni a Yeremia a ekadwaran, ŋakiro ŋuna ebookoi idoŋi Yerusalem esil ŋikaru ŋatomonikanikaarei.

Abak. 1:17

Erubakini mono iŋes jik isitiyae ŋileŋia keŋ ka emunyanari ŋituŋa a ŋakwapin emam akisyon a?