Yer. 25:11 - Ebaibul

¹¹ Inyasunio akwap na daadaŋ ka eruwor acaryoit, ido epote ŋituŋa a ŋakwapin a ŋun akitiyanakin erwosit a Babilon ŋikaru ŋatomonikanikaarei.

Yer. 25:11 Iomraidhean Croise

2 Ŋakiro a ŋirwa 36:20

Toriko Nebukadinesar Babilon ŋituŋa daadaŋ ŋulu keponi nyeari, ido apotu ŋul toruwor ŋiketiyak keŋ ka ŋulu a ŋidwe keŋ a ŋulusapa akitodol ŋina esyakinere apukan ŋina a Perisia.

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Yer. 25:12

Ekaku a ŋikaru a ŋatomonikanikaarei esicani ayoŋ erwosit a Babilon ka ŋituŋa a akwap a ŋin, akwap a Ŋibabiloniyae, aŋuna ka asecit kec, eruwor akwap ŋin acaryoit ŋikaru ka ŋikaru.

Yer. 25:38

Emyek Ekapolon akibois keŋ, lopite ŋolo imyekinia eŋatuny adui keŋ, anerae aruwor akwap a ŋituŋa keŋ acaryoit aŋuna a aryenyeo a ŋituŋa a ŋulu amunyasi ŋituŋa keŋ ka aŋuna a aŋoit keŋ a ŋina aryenyaanan.

Yer. 27:22

Eyaaryo ŋiboro ŋul Babilon, ido erubakinete eya nen, akitodol akoloŋit ŋina atamunia ayoŋ ikes. Enyakuni nai ayoŋ ikes enyakak ikes nakibois na.”

Yer. 27:7

Itiyanakinete iŋes ka lokoku keŋ ta lopapait keŋ ŋituŋa a ŋakwapin a daadaŋ akitodol apaki ŋina ilounere akwap keŋ, ido nai kituruwosi iŋes ŋakwapin ŋuna alalak ka ŋirwosi ŋulu apolok epito kec.’

Yer. 28:14

Aŋuna alimunio Ekapolon ŋolo a ŋajoresyo Akuj a Ŋisirael ebe, ‘Ewuak ayoŋ ayokot ŋina itiyaunitae a ŋasuwa lomosiriŋin a ŋituŋa a ŋakwapin a nu a daadaŋ, ikotere ikes itiyanakinete erwosit Nebukadinesar ŋolo a Babilon, ido itiyanakinete ikes iŋes kire, ainak ayoŋ iŋes tari ŋityaŋ ŋulu ka ariet.’ ”

Yer. 29:10

Ŋakiro a Ekapolon ŋuna alimu Ekapolon ikes nu ebe, “Abuni ayoŋ neni kus kelunyar ŋikaru ŋatomonikanikaarei ikipukat iyes erwosit a Babilon, esiyookini nai ayoŋ akiikinet kaŋ, ido ekenyaku iyes nakibois na.

Yer. 4:26

Abu nabo ayoŋ oŋoleŋolek, okoe eŋolik akwap ŋina sek ajok keruwor aloŋisat, eŋolik ŋitaunio keŋ daadaŋ keruworosi ŋulu inyasuna aŋuna ka aŋoit a Ekapolon a ŋina a dedeŋan.

Yer. 4:27

Erae ŋun ŋuna irworo Ekapolon ebe, “Eruwor akwap daadaŋ ereŋorot, kikote neni daŋ, etasaluni ayoŋ akwap jik.

Yer. 43:10

tosodi tolimok ikes ebe, ‘Alimu Ekapolon ŋolo a ŋajoresyo, Akuj a Ŋisirael atemar; alosi ayoŋ eyakuu ka oyau eketiyan kaŋ erwosit Nebukadinesar ŋolo a Babilon, iwuakini ekicoloŋ keŋ ŋolo ka apukan kidiama ŋamoru nu ŋuna anukak ayoŋ kwap ka epetakini iŋes eema ŋolo ka apukan keŋ kidiama kec.

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Esek. 12:19

ido tolimok ŋituŋa ŋulu ka akwap kon atemar ŋakiro ŋuna irworo Ekapolon Akuj aŋuna a ŋituŋa a ŋulu iboiyete alo Yerusalem anakwap a Isirael ikes nu, ‘Enyamete ikes akimuj kec ekuryanito ka emasete ŋakipi kec ekadakinit, anerae elemaryo anakwap kec ibore daadaŋ aŋuna ka aryenyeo a ŋituŋa a daadaŋ a ŋulu iboiyete anakwap a ŋin.

Esek. 29:11

Mam ituŋanan itori nakwap a Ijipit, mam etyaŋ itori nakwap a Ijipit, eruwor iŋes ŋina emam ibore eyakaun ŋikaru ŋatomoniomwon.

Esek. 6:14

Arami ayoŋ ikes a akan kaŋ, eturuwo akwap kec ereŋorot ka akoŋinait alotooma ŋakiboisyo kec daadaŋ, ameun analoŋisat tari lotaun ŋolo enyaritae Ribila. Eyenunete nai ikes atemar arae ayoŋ Ekapolon?’ ”

Dan. 9:2

abu ayoŋ Daniel, ekaru ŋol oyenu alokitaaboi ŋakiro a Ekapolon aneni a Yeremia a ekadwaran, ŋakiro ŋuna ebookoi idoŋi Yerusalem esil ŋikaru ŋatomonikanikaarei.

Ŋilep. 26:32

Enyasuni ayoŋ akwap kus, ikotere ŋimoe kus ŋulu epote akiboi a nen eumokinete a ŋakiro a ŋun.

Mika 7:13

Esilunete ŋakwapin, aŋuna a ŋituŋa kec a ŋulu etiyata aronis.

Sakar 1:12

Kiŋit nai emalaika Ekapolon tema, “Ekapolon ŋolo Etiron, tari ori iwounit iyoŋ ainakin akisyon neni a Yerusalem ka lotaunio ŋulu a Yudaya, ŋulu irubak iyoŋ iŋoikinit tari tokona ŋikaru ŋatomonikanikaarei?”

Sakar 7:5

“Kiŋit ŋituŋa ŋulu ka akwap kon ka ŋisacaradotin ebe, ‘Ani mono apaki ŋina iponiata iyes kiredakis akiron ka kigworo elap ŋolo a ŋikan ka ŋolo a ŋikanikaarei ŋikaru ŋatomonikanikaarei ŋulu alunyarosi, arae mono kire aŋuna kaŋ iredakinitotor iyes akiron a?