Yer. 25:10 - Ebaibul

¹⁰ Alemari ayoŋ aneni kec ecelet ŋolo ka alelyanu ka ecelet ŋolo ka alakara, alemari ayoŋ ecelet ŋolo a eteran ka ŋolo a ateran, ecelet ŋolo ka amoru a ŋinakiryeet ka akica ŋina a etaa.

Yer. 25:10 Iomraidhean Croise

Esta 3:13

Inakinae ŋabaruwae ŋun neni a ŋikapiranak toemyata nakwapin ŋuna epukat erwosit daadaŋ, ikotere tomunaarae, toarae ka tomunyarae Ŋiyudayan daadaŋ; ŋulu cicik ka ŋulu apolok, ŋaberu ka ŋidwe alotooma akoloŋit apei bon. Akoloŋit ŋin iŋes ŋirwa ke elap ŋitomon ka ŋiuni elap ŋolo ŋitomon ka ŋiarei, ŋolo enyaritae Adar, ido etemokino toŋatarae ŋiboro a Ŋiyudayan akoloŋit ŋin.

Esta 7:4

Anerae ikigyelar isua, ayoŋ ka ŋituŋa kaŋ, ikotere ikiaryo ikimunyaryo todaunetei. Kerae bo itogyelaritetei isua aruwor ŋipi kori ŋapi daŋ kejok! Keliliŋiyarit ayoŋ ŋun alotau kaŋ. Nai nyinyakakini emoit kosi ŋol erwosit idio ibore aŋuna ka amunyaryo kosi a na.”

Esta 8:11

Anabaruwae a ŋun, abu erwosit tocamak Ŋiyudayan ŋulu aya ŋolotaun a nen acunakin tojieto aŋuna kec make. Amaikina ikes toara ka tomunyasi ajore a ŋulutuŋa daadaŋ itijikinete ikes kori ŋinakwap daadaŋ itijikini ikes. Amaikina ikes kitiyata ŋun neni a ŋidwe ka ŋaberu a ŋituŋa a ŋul ka toŋatasi ŋiboro a ŋituŋa a ŋul.

Isa. 47:2

Tolemutu ŋamoru ŋunakiryeet, kiryeut akimuj, tolemasi ŋakitambarae anakyes kus, tolacasi ŋikaasoi kus, tolacasi ŋamuk anakejen kus, todoka ŋaŋololin.

Yer. 16:9

anerae alimu Ekapolon ŋolo a ŋajoresyo Akuj a Ŋisirael atemar, alorwa kon, alemari ayoŋ anakibois a na ite iyoŋ ecelet ŋolo ka alelyanu ka ŋolo ka alakara, ecelet ŋolo a ekeitan ka ŋolo a ateran.

Yer. 48:33

Alemar alakara ka alelyanu anakwap a Moab a ŋina sek ileleba ŋaraito. Etojoŋo ayoŋ epiini alel anacuet a epiini; mam ŋituŋa ecuyete epiini eosi ka alakara, nyeriŋa ecelet erae ŋolo ka alakara.

Yer. 7:34

Tosodi, etasaluni ayoŋ ecelet ŋolo ka alelyanu ka alakara, etasaluni ayoŋ ecelet ŋolo a ateran ka eteran alotaunio a Yudaya ka alorotin a Yerusalem, anerae eruwor akwap ŋin acaryoit.

Aum. 5:15

Adaun alelyanu alotai kosi; edoŋao paaran isua aŋuna ka alelyanu, nai tokona ikigworo aŋuna ka akiyaloloŋ.

Esek. 26:13

Ekisililiŋi ayoŋ iyes nyieikis ŋieosyo kus; nyiiraryo nabo jik eruye aŋagitae kus.

Osea 2:11

Etasaluni ayoŋ alelyanu keŋ, ŋasuban keŋ ŋuna a ŋolokaru, ŋasuban keŋ ŋuna a elap a ŋolokitete, ŋasuban keŋ ŋuna a ŋirwa a ŋulu a Sabato ka ŋasuban keŋ daadaŋ ŋuna emaikina iŋes kitiya.