Yer. 25:1 - Ebaibul

¹ Alokaru a ŋolo a ŋiomwon ipukat erwosit Yeoiakim lokoku a Yosia a ŋolo a Yudaya (Torae ŋol ekaru ŋolo esyaunan ipukat erwosit Nebukadinesar ŋolo a Babilob) kirwor Ekapolon neni a Yeremia aŋuna a ŋituŋa a Yudaya a daadaŋ,

Yer. 25:1 Iomraidhean Croise

2 Ŋakiro a ŋirwa 36:4

Kilunyok Neko ŋolo arae erwosit a Ijipit Eliakim lokaato a Yosia toruwor erwosit a Yudaya ka Yerusalem, kilocok tari ekiro keŋ toruwor Yeoiakim; nai ya Neko Yeoas Ijipit.

2 Ŋakiro a ŋirwa 36:6

Abu Nebukadinesar erwosit a Babilon bu kikama akwap a Yudaya, toroc Yeoiakim ŋakejen a ŋiriko a ŋulu etiyatae a eburonis, ikotere ya iŋes Babilon.

Yer. 1:3

Abu daŋ Ekapolon kirwor neni a Yeremia alorwa a ŋulu a erwosit Yeoiakim lokoku a Yosia a ŋolo a Yudaya, torubak Ekapolon irworo neni a Yeremia akitodol adaunet a ekaru a ŋolo a ŋitomon ka epei ipukat erwosit Sedekia lokoku a Yosia a ŋolo a Yudaya tari lokaru ŋolo ekamarere Yerusalem alolap a ŋolo a ŋikan.

Yer. 32:1

Alokaru a ŋolo a ŋitomon ipukat erwosit Sedekia Yudaya, torae daŋ ekaru ŋolo a ŋitomon ka ŋikanikauni ipukat Nebukadinesar, kiruwor Ekapolon neni a Yeremia.

Yer. 35:1

Alorwa a ŋulu epukator erwosit Yeoiakim lokoku a Yosia ŋolo a Yudaya, kirwor Ekapolon neni a Yeremia tema,

Yer. 36:1

Alokaru a ŋolo a ŋiomwon ipukat Yeoiakim lokoku a Yosia a ŋolo a Yudaya, kirwor Ekapolon neni a Yeremia ŋakiro nu tema,

Yer. 45:1

Alokaru a ŋolo a ŋiomwon ipukat Yeoiakim lokoku a Yosia a ŋolo a Yudaya, kirwor ekadwaran Yeremia neni a Baruk a lokoku a Neria apaki ŋina egiria Baruk lokitaabo ŋakiro ŋuna alimonokini Yeremia iŋes.

Yer. 46:2

Tolimu Ekapolon aŋuna a Ijipit, aŋuna ka asigar a Parao Neko a erwosit a ŋolo a Ijipit, asigar ŋina ayai Karikemis diyete aŋolol Eupurate ŋuna a asigar a ŋina abu erwosit Nebukadinesar ŋolo a Babilon kilou alokaru a ŋolo a ŋiomwon ipukat Yeoakim lokoku a Yosia a ŋolo a Yudaya. Tema Ekapolon,

Yer. 7:1

Abu Ekapolon kirwor neni a Yeremia tema,

Dan. 1:1

Alokaru a ŋolo a ŋiuni erae Jeoiakim erwosit ŋolo a Yudaya, abu Nebukadinesar erwosit a Babilon bu Yerusalem kirikau.

Dan. 1:2

Abu Ekapolon inak Jeoiakim erwosit a Yudaya napedor a erwosit a Babilon, inak tari ŋiboro ŋulu esitiyao alo Kai ka Akuj. Abu Nebukadinesar ya ikes nakwap ŋina a Sinar, kiwuak ŋiboro ŋul kai ŋina eŋadao abaru a ŋakujo keŋ.

Dan. 2:1

Alokaru a ŋolo a ŋiarei ipukat Nebukadinesar, abu Nebukadinesar kiruja, ido apotu ŋakirujaeta ŋun kisiyaloloŋo etau keŋ tojoŋo ajotoonor.