Yer. 24:7 - Ebaibul

⁷ Ainakini ayoŋ ikes etau ŋolo eyeniata ikes atemar ayoŋ arae Ekapolon ka eruworosi ikes ŋituŋa kaŋ, ido aruwor ayoŋ Akuj kec, anerae eboŋunete ikes neni kaŋ a ŋitai kec a daadaŋ.

Yer. 24:7 Iomraidhean Croise

2 Ŋakiro a ŋirwa 6:38

ani kekiwa ikes alotai kec a daadaŋ ka anakiyar kec a daadaŋ anakwap a ŋina a ŋimoe kec a ŋulu arikorete ikes erae ŋikikamara alojie, ido kilipa ikes neni kon iŋoliunito nakwap kec, ŋina ibu iyoŋ inak atapapaa kec ka lotaun ŋolo idau iyoŋ aseun ta Kai ŋina adau ayoŋ akiduk aŋuna ka akilipya neni kon;

Ŋikiru. 119:2

Elakara ŋituŋa ŋulu iwuapito ŋakiro ŋuna etubunit iŋes, ŋulu iwarito Ekapolon a ŋitai kec a daadaŋ,

Isa. 51:16

Ewuak ayoŋ ŋakiro kaŋ nakituk kon, ekewua ayoŋ iyoŋ alotolim a akan kaŋ, adau ayoŋ apetakin kidiama ka ewuak ŋawoeta a akwap, ido adau alimokin ŋituŋa a Sion ebe, “Irae iyes ŋituŋa kaŋ.”

Yer. 11:4

a ŋina abu ayoŋ olimok atapapaa kus apaki ŋina ayaunia ayoŋ ikes anakwap a Ijipit, anakwap a ŋina aryamunitotor ikes ŋican. Abu ayoŋ olimok ikes atemar kiirasi ŋakiro kaŋ ka kitiyata daadaŋ ŋuna akalimokini ayoŋ iyes. Aŋuna nai aruworotor ikes ŋituŋa kaŋ ka aruwor ayoŋ Akuj kec,

Yer. 29:10

Ŋakiro a Ekapolon ŋuna alimu Ekapolon ikes nu ebe, “Abuni ayoŋ neni kus kelunyar ŋikaru ŋatomonikanikaarei ikipukat iyes erwosit a Babilon, esiyookini nai ayoŋ akiikinet kaŋ, ido ekenyaku iyes nakibois na.

Yer. 3:10

Kikote neni daŋ apotu ŋituŋa a Yudaya nyeboŋut neni kaŋ a ŋitai kec a daadaŋ, nai anakitusubuna ŋulu kaŋ nyerae bo.”

Yer. 30:22

Iruworosi nai iyes ŋituŋa kaŋ ka aruwor ayoŋ Akuj kus.”

Yer. 7:23

Nai abu ayoŋ oinak ikes akiciket na ebe, ‘Kiwuapa ŋakiro kaŋ, ido aruwor ayoŋ Akuj kus ka iruworosi iyes ŋituŋa kaŋ; ido kiwuapa ŋakiro kaŋ bon, ikotere ejokyata ŋakiro aneni kus.’

Esek. 11:17

Aŋun, tolimok ikes atemar ŋakiro ŋuna irworo Ekapolon Akuj ikes nu, ‘Akacununi ayoŋ iyes alotuŋa a ŋakwapin, ekenyaku anakwapin kec aneni aponi ikielar iyes, akainakini nabo ayoŋ iyes akwap a Isirael.’

Esek. 14:11

ikotere nai Ŋisirael nyeoliyosi nabo anakiwuapit ŋakiro kaŋ, kori nyemunaasi nabo ŋawat kec a ŋasecisya kec a daadaŋ. Eruwor nai ikes ŋituŋa kaŋ ka aruwor Akuj kec.’ ”

Esek. 16:62

Ewuakini ayoŋ acamunet kaŋ ka iyoŋ, iyenuni iyoŋ atemar arae ayoŋ Ekapolon.

Esek. 37:23

Nyemunaarete nabo ikes ŋawat kec a ŋakujo kec ka anamuja aŋuna nyenyamio, kori anasecit kec ka adio. Aiuni ayoŋ ikes anasecit a daadaŋ a ŋina emyekiniata ikes akitiya ŋuna alimokinitae, etaleuni ayoŋ ikes. Eruwor nai ikes ŋituŋa kaŋ ka aruwor ayoŋ Akuj kec.

Esek. 37:27

“‘Eyakaun akibois kaŋ ŋina eboiyo ayoŋ neni eyakasi ikes, aruwor ayoŋ Akuj kec ka eruwor ikes ŋituŋa kaŋ.

Esek. 39:22

Ameun akoloŋit ŋin tari lorwa ŋulu eponito, eyenunete Ŋisirael atemar arae ayoŋ Ekapolon Akuj kec.

Osea 2:22

Erupunete alokwap ŋikinyom, epiini ka ŋikito ŋulu ka olipa.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Ŋirom. 6:17

Nai olakaros neni ka Akuj! Anerae apaki ace, ipotu iyes toruworos ŋipi ŋulu ka asecit; nai ekaku ipotu kiwuapa a ŋitai kus a daadaŋ ŋuna a kire, ŋuna eya nakitatam ŋina ipotu iyes toryamut.

Ŋibur. 11:16

Nai arae akibois ŋina ajokan akilo eitanito ikes, akibois ŋina eyai nakuj. Aŋun, nyirumito Akuj ŋileec enyarito ikes iŋes Akuj kec, anerae etemok etaun aŋuna kec.

Ŋibur. 8:10

Tokona erae na Acamunet ŋina ikicamunor ayoŋ ka ŋituŋa a Isirael alorwa a ŋulu eponito: Ewuakini ayoŋ Ŋikisila kaŋ natameta kec, egirakini daŋ ikes lotai kec. Aruwor ayoŋ Akuj kec ka eruworosi ikes ŋituŋa kaŋ.

1 Sam. 7:3

Abu nai Samuel tolimok Ŋisirael tema, “Ani kiboŋunito iyes neni ke Ekapolon a ŋitai kus a daadaŋ, tolemasi nai alokidiŋ kus ŋakujo ŋunagelae, ikwapei Asitaros. Totama alotai kus ŋuna ke Ekapolon, kitiyanakisi iŋes bon, ido ikiuni iŋes iyes anakan a Ŋipilistin.”