Yer. 24:6 - Ebaibul

⁶ Abuni ayoŋ akiyoki ikes jik ka enyakuni ayoŋ ikes nakwap na. Etojokuni nabo ayoŋ ikes ka nyamunyari ikes nabo, adupakini ayoŋ ikes nyealari ikes.

Yer. 24:6 Iomraidhean Croise

Akisy. 44:21

Nai ibu iyoŋ tema neni kosi a ŋiketiyak kon, ‘Yautu ikoku ŋin neni kaŋ, ikotere eŋolik ayoŋ iŋes.’

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

Neem. 5:19

Totamunitetei ayoŋ aŋuna ka ajokis kaŋ, okoe Ekapolon, totamunite daadaŋ ŋuna adau ayoŋ akitiya aŋuna a ŋituŋa a lu.

Ŋikiru. 34:15

Ite Ekapolon ŋulu iyookino; ka epupi Ekapolon akigworo kec aŋuna ka akiŋarakino.

Ŋikiru. 44:2

Kibu iyoŋ anapedor kon kirita ŋituŋa a ŋakwapin, ido kiwuak atapapaa kosi nakwapin kec; kibu iyoŋ kisican ŋituŋa a ŋakwapin, ido kitobar atapapaa kosi.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Yer. 1:10

Kiira, nakoloŋit na akaseu ayoŋ iyoŋ topolok ŋakwapin ka ŋapukasinei, arutun ka aritakin kwap, amunaar ka akikamar, adukokin ka adupakin.”

Yer. 12:15

Ekaku kadau ayoŋ alemun ikes a nen, esyonikini nabo ayoŋ ikes ka enyaku ikes nabo nakwap ŋina abu ayoŋ oinak ikes toruwor ŋina kec, enyakuni ayoŋ ikes daadaŋ nakwap kec.

Yer. 16:15

nai etemarete ikes ikoŋote ebe, “Ikwapei eyarya Ekapolon ŋolo ayauni ŋituŋa a Isirael anakwap a ŋina alo Kuju ka anakwapin a daadaŋ a ŋuna abu iŋes kirita ikes,” anerae enyakuni ayoŋ ikes nakwap kec a ŋikulepek, nakwap ŋina abu ayoŋ oinak atapapaa kec.

Yer. 21:10

Aŋoik ayoŋ ŋituŋa a etaun a lo aŋuna ka aronis, meere aŋuna ka ajokis. Einakinio iŋes napedor a erwosit a Babilon, ido icunyari iŋes etaun lo a akim.’ ”

Yer. 23:3

Tosodi ayoŋ elope acununi ŋipiya a ŋituŋa kaŋ anakwapin a daadaŋ a ŋuna abu ayoŋ erita ikes, enyakuni ayoŋ ikes nakwap kec ka epitunete ikes tolalata.

Yer. 29:10

Ŋakiro a Ekapolon ŋuna alimu Ekapolon ikes nu ebe, “Abuni ayoŋ neni kus kelunyar ŋikaru ŋatomonikanikaarei ikipukat iyes erwosit a Babilon, esiyookini nai ayoŋ akiikinet kaŋ, ido ekenyaku iyes nakibois na.

Yer. 31:28

Lopite ŋolo abunio ayoŋ olemarya, omunaarya, elounia, enyasunia ka oyau aronis neni kec, aŋun eyoki ayoŋ ikes, ido adukokini ka adupakini ikes nabo.

Yer. 31:4

Okoe ŋituŋa a Isirael, eketogogoŋi ayoŋ iyes nabo iruworosi nabo ŋulu igogoŋ. Ilemunete nabo iyes ŋiburin kus, tolomasi kiŋa kidoŋata ka alakara.

Yer. 32:37

Topupokisi, alosi ayoŋ acunun ikes anakwapin a daadaŋ a ŋuna abu ayoŋ erita ikes anaŋoit ka ananyunyura ta analilit kaŋ a ŋina apolon. Enyakuni ayoŋ ikes nakibois na, ido esiboikini ayoŋ ikes emam ŋace.

Yer. 32:41

Alelyani ayoŋ aŋuna ka akitiya ajokis neni kec ka etogogoŋi ayoŋ ikes anakwap a na anakikinyoma, etiyae ayoŋ ŋun a etau kaŋ a daadaŋ ka a akiyar kaŋ a daadaŋ.

Yer. 33:7

Enyakuni ayoŋ ŋituŋa a Yudaya ka ŋituŋa a Isirael aneni aponi torikoroe, etogogoŋ ikes lopite ŋolo ayakatar ekiŋaren.

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Yer. 39:12

“Yau iŋes, kite iŋes ejok, nyitiya aronis adio neni keŋ, nai kitiya neni keŋ lopite ŋolo ikiŋisya iŋes iyoŋ.”

Yer. 42:10

‘Ani ca kirubakis iyes iboiyete anakwap a na eketogogoŋi ayoŋ iyes, nyakalemari, akadupakini ayoŋ iyes, nyakamunyari, anerae ekesiyaloloŋ ayoŋ ŋican ŋulu abu ayoŋ oyau neni kus.

Esek. 36:24

Akayauni ayoŋ iyes anakwapin ka akacununi ayoŋ iyes anakiboisyo a daadaŋ, okoyau iyes nakwap kus.

Amos 9:14

Enyakuni ayoŋ ŋituŋa kaŋ Ŋisirael nakwap kec, edukokinete ikes nabo ŋitaunio kec ŋulu aponi kinyasunae, ido kiboikinos tooma ŋitaunio ŋul, itaete ikes ŋimanikorin kec ŋulu ke epiini, ido tomata epiini kec. itaete ikes ŋimanikorin kec, ido tonyama ŋaraito kec.

Ŋikis. 11:12

akwap ŋina erae Ekapolon Akuj kus iyoki. Ite Ekapolon Akuj kus iŋes jik, ameun anakisyakinet a ekaru tari nadaunet a ekaru.

1 Pet. 3:12

Anerae iteete ŋakonyen ke Ekapolon ŋulu iyookino ka epupete ŋaki keŋ ŋakilipeta kec; nai enyorididi ereet ke Ekapolon ite ŋulu itiyaete ŋuna aronok.”