Yer. 24:2 - Ebaibul

² Aya nadita apei ŋaboboryo ŋuna ajokak, ikote ŋaboboryo ŋuna esyaunak akokore, nai aya nadita ŋinace ŋaboboryo ŋuna aronok nooi, ŋuna pa apedori ituŋanan akinyam.

Yer. 24:2 Iomraidhean Croise

Isa. 5:4

Anibore ice eitana kitiyae lomanikor kaŋ ŋolo a ŋikito a epiini, ŋini abu ayoŋ nyetiya? Ani apaki ŋina eitanitor ayoŋ ŋaraito ŋuna ajokak, kaanukiro araunia iŋes ŋaraito ŋuna aronok?

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Yer. 29:17

alimu Ekapolon ŋolo a ŋajoresyo ebe “Eyakikini ayoŋ ikes ejie, eron ka edeke, esikwaanikini ayoŋ ikes ka ŋaboboryo ŋuna ebosito, ŋuna aronok nooi ŋuna nyepedoryo akinyam.

Osea 9:10

Apaki ŋina arukaunia ayoŋ Ŋisirael abu ayoŋ orukau ikes lopite ŋolo erukaunere ŋikito a epiini analoŋisat, abu daŋ orukau atapapaa kec lopite ŋolo erukaunere ŋaboboryo ŋuna esyaunak ekokito alokitoe. Nai ani edolete ikes Baal-Peor, tosodi kitaleikinos nibore ŋinicaryoit ŋini a ŋileec, apotu Ŋisirael toroketa a nen atipei, kikwaanikin aronis kec ka ŋina a ŋakujo a ŋuna apotu ikes tominakis.

Mika 7:1

Emam akigeno apei daŋ eyai neni kaŋ! Ikikwaanikin ayoŋ ka ituŋanan ŋini enyamit akoro, ŋini ani elosi lokitoe ecamit ŋaraito, nyeryamu tari apei imyekinitae ka nyeryamu tari arait ke epiini apei daŋ, toryamu epiini ka ŋaboboryo ŋuna akonok daadaŋ kigyeror.

Naum 3:12

Ikote ŋaduketa kon ŋunajiet ŋiboboryo ŋulu isyakinete akira, ŋulu iloilookinio torarakin ŋaraito nakituk a ŋinibore enyami.

Ekim. 18:13

Ŋaraito ŋuna esyaunak ŋuna a ŋinyomen a daadaŋ a akwap kec, ŋuna eyaunete ikes neni ke Ekapolon, eruworosi ŋuna kon. Ituŋanan daadaŋ ŋini nyitoroniyaritae alokal kon, epedori akinyam ikes.

Mat. 5:13

“Iraakasi iyes acumbi ŋina ka akwap. Nai ani kepyaniar acumbi, itasasamunio nabo iŋes ikwaani? Eruwor ibore koŋin; aŋun, ebukoryo kiŋa, kipudata ŋituŋa.